انار: جنتی پھل جو بنائے دل و دماغ اور جلد کو تندرست
اشاعت کی تاریخ: 12th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: قدرت کا حسین تحفہ انار نہ صرف ذائقے میں لذیذ بلکہ صحت کے لیے بھی بے پناہ فوائد کا خزانہ ہے۔ ماہرینِ غذائیت کے مطابق انار کا روزانہ استعمال دل، دماغ، جلد اور قوتِ مدافعت کے لیے انتہائی مفید ہے جب کہ یہ بڑھتی عمر کے اثرات کو کم کرنے میں بھی مدد دیتا ہے۔
طبی ماہرین کا کہنا ہے کہ انار میں موجود قدرتی اینٹی آکسیڈنٹس جسم سے زہریلے مادوں کو خارج کرتے ہیں اور خون کی گردش کو بہتر بناتے ہیں، انار کے رس میں موجود پولی فینولز اور فلونوئڈز ایسے عناصر ہیں جو کینسر کے خلیات کی افزائش کو روکتے ہیں اور خلیوں کو جوان رکھتے ہیں۔
طبی تحقیق کے مطابق روزانہ ایک گلاس انار کا جوس پینے سے بلڈ پریشر متوازن رہتا ہے، کولیسٹرول قابو میں آتا ہے اور شریانوں میں چربی جمع نہیں ہوتی، دل کے امراض میں مبتلا افراد کے لیے یہ ایک قدرتی تحفظ ہے۔
طبی ماہرین کے مطابق انار کے بیجوں کا تیل خواتین کے ہارمونز کو متوازن رکھنے میں مدد دیتا ہے جبکہ مردوں کے لیے یہ توانائی اور قوتِ برداشت بڑھانے والا قدرتی ٹانک سمجھا جاتا ہے۔
اس کے علاوہ جلد کی صحت کے لیے بھی انار انتہائی مفید ہے۔ ماہرینِ ڈرماٹولوجی کے مطابق انار کا رس جھریوں کو کم کرتا ہے، چہرے کی رونق بحال کرتا ہے اور جلد کو نمی فراہم کرتا ہے۔
غذائی ماہرین مشورہ دیتے ہیں کہ موسمِ خزاں اور سرما میں انار کو روزانہ کی خوراک کا حصہ بنایا جائے کیونکہ اس میں وٹامن سی، پوٹاشیم، فائبر اور فولک ایسڈ جیسے قدرتی اجزاء موجود ہیں جو جسم کے لیے ناگزیر ہیں۔
انار کا باقاعدہ استعمال یادداشت کو بہتر کرتا ہے، ہاضمہ مضبوط بناتا ہے اور قوتِ مدافعت بڑھاتا ہے ، اسی لیے طبی ماہرین کا کہنا ہے کہ ایک انار روز، بیماریوں سے محفوظ روز ۔
ذریعہ: Jasarat News
کلیدی لفظ: کے مطابق کرتا ہے انار کا کے لیے
پڑھیں:
پاکستانی سائبر ماہرین کی رپورٹ میں سرکاری افغان اکاؤنٹ کی تبدیلی بے نقاب ہوگئی
افغان ریاست سے منسلک سوشل میڈیا ہینڈلز کا پاکستان مخالف پروپیگنڈا کا مسلسل استعمال ہو رہا ہے جسے افغان عبوری حکومت روکنے میں ناکام ہے۔
افغان اسٹیٹ نیوز پیپرز ڈیپارٹمنٹ کے سرکاری ہینڈل کو خاموشی سے افغان ڈیفنس میں تبدیل کرکے براہ راست پروپیگنڈا پلیٹ فارم بنا دیا گیا۔
رپورٹ میں انکشاف ہوا کہ پاکستانی سائبر ماہرین کی رپورٹ نے سرکاری افغان اکاؤنٹ کی تبدیلی کو بے نقاب کر دیا۔ یہ ہینڈل پہلے سرکاری اطلاعات فراہم کرتا تھا، اب براہ راست پاکستان کے خلاف ڈیجیٹل آپریشن کا حصہ بن گیا ہے۔
اسلام آباد پر حملے کے اشارے دینے والی پوسٹس میں انہی ریاستی شناخت رکھنے والے افغان ہینڈلرز کا ہاتھ ثابت ہوچکا ہے۔
افغان عبوری حکومت کا سرکاری ایکس ہینڈل ذمہ دارانہ پیغام رسانی سے نکل کر براہ راست پروپیگنڈے کے محاذ پر آگیا۔
تبدیل شدہ افغان عبوری حکومت کا ایکس ہینڈل، اب باقاعدہ ایک پروپیگنڈا مشین کے طور پر کام کر رہا ہے، جس میں اسلام آباد کو دھماکوں سے اڑانے کی دھمکیاں دی گئیں۔
نائجیریا: کیتھولک اسکول پر حملہ، 300 سے زائد طلبا اور 12 اساتذہ اغوا