شیعہ علماء کونسل کے تحت سکھر میں یوم القدس کے موقع پر احتجاجی ریلی کا انعقاد
اشاعت کی تاریخ: 29th, March 2025 GMT
سکھر پریس کلب پر اپنے خطاب میں علماء کرام نے کہا کہ غاصب اسرائیلی ریاست کی سرپرستی کرنے والی سامراجی طاقتوں کو باور کرانا چاہتے ہیں کہ وہ ظالم اسرائیل کی حمایت ترک کریں اور عالمی برادری پر زور دیں کہ وہ فلسطینی عوام کے خلاف مظالم کو فوری بند کروائے۔ اسلام ٹائمز۔ مرکزی یوم القدس کمیٹی شیعہ علماء کونسل پاکستان کی جانب سے علامہ سید ساجد علی نقوی کی اپیل پر ملک بھر سمیت سکھر میں بھی یوم القدس کے موقع پر قبلہ اول پر اسرائیل کے قبضے اور جارحیت کے خلاف مرکزی امام بارگاہ سے مرکزی القدس ریلی نکالی گئی جو شہر کے مختلف شاہراؤں سے گزرتی ہوئی سکھر پریس کلب پہنچ کر اختتام پذیر ہوئی۔ ریلی کی قیادت سید جواد حسین رضوی، مولانا محمد مٹھل شاہ نقوی، مولانا امداد حسین الحسینی، مولانا اختر حسین کاظمی، غلام عباس مہر، مولانا عبید اللّٰہ بھٹو ابن آزاد سمیت دیگر رہنما و علماء کرام کررہے تھے۔ شرکاء نے ہاتھوں میں مذمتی و مطالباتی تحریری پلے کارڈ و بینرز اٹھا رکھے تھے۔ اس موقع پر رہنماؤں نے خطاب کرتے ہوئے کہا کہ بیت المقدس سب سے پہلے مسلمانوں کے لیے ایک اہم مقام اور قبلہ اول ہے، اسرائیلی بربریت اور قبلہ اول کی ازادی تک احتجاج جاری رہیگا، علامہ ساجد علی نقوی کے حکم پر پاکستان بھر میں تحصیل سطح پر احتجاجی مظاہرے کیے جا رہے ہیں۔
انہوں نے کہا کہ غزہ پر جاری اسرائیلی حملے، فلسطینی عوام کے قتل عام اور انسانیت سوز مظالم کی شدید مذمت کرتے ہیں اور مظلوم فلسطینی عوام کے ساتھ مکمل اظہار یکجہتی کرتے ہیں۔ علماء کرام نے کہا کہ غاصب اسرائیلی ریاست کی سرپرستی کرنے والی سامراجی طاقتوں کو باور کرانا چاہتے ہیں کہ وہ ظالم اسرائیل کی حمایت ترک کریں اور عالمی برادری پر زور دیں کہ وہ فلسطینی عوام کے خلاف مظالم کو فوری بند کروائے انہوں نے حکومت سے مطالبہ کیا کہ وہ عوامی مفاد کے برخلاف ایسے منصوبوں پر نظرثانی کرے۔ ریلی کے آخر میں فلسطینی عوام کی حمایت اور اسرائیلی مظالم کے خلاف نعرے بازی کی گئی جبکہ عالمی برادری سے مطالبہ کیا گیا کہ وہ فلسطین میں جاری انسانی حقوق کی خلاف ورزیوں کا نوٹس لیں۔
ذریعہ: Islam Times
کلیدی لفظ: فلسطینی عوام کے کے خلاف کہا کہ
پڑھیں:
سرینگر میں شیعہ فیڈریشن کے صدر عاشق حسین خان کی میرواعظ ڈاکٹر عمر فاروق سے اہم ملاقات
دونوں رہنماؤں نے منشیات کی لت کو نوجوان نسل کے مستقبل کیلئے تباہ کن خطرہ قرار دیا اور اس بات پر زور دیا گیا کہ اس ناسور کو جڑ سے اکھاڑنے کیلئے بامقصد بیداری مہمات اور عملی اقدامات وقت کی سب سے بڑی ضرورت ہے۔ اسلام ٹائمز۔ وادی کشمیر میں منشیات، بے راہ روی اور دیگر سماجی مسائل کے بڑھتے رجحان پر گہری تشویش کے درمیان شیعہ فیڈریشن کے صدر الحاج عاشق حسین خان نے میرواعظ کشمیر ڈاکٹر مولوی محمد عمر فاروق سے ایک تفصیلی ملاقات کی۔ اس ملاقات میں سماج کو درپیش سنگین چیلنجز اور ان کے تدارک کے لئے مختلف پہلوؤں پر غور کیا گیا۔ دونوں رہنماؤں کی ملاقات کے دوران منشیات کی لت کو نوجوان نسل کے مستقبل کے لئے تباہ کن خطرہ قرار دیا گیا اور اس بات پر زور دیا گیا کہ اس ناسور کو جڑ سے اکھاڑنے کے لئے بامقصد بیداری مہمات اور عملی اقدامات وقت کی سب سے بڑی ضرورت ہے۔ اسی طرح بے راہ روی اور اخلاقی بگاڑ کو بھی معاشرے کی بنیادوں کے لئے خطرہ قرار دیتے ہوئے کہا گیا کہ دینی، فلاحی و تعلیمی اداروں کو اس چیلنج کے مقابلے میں مؤثر کردار ادا کرنا چاہیئے۔ ملاقات میں اتحاد، تعلیم اور فلاح و بہبود کے منصوبوں پر بھی تبادلۂ خیال ہوا۔ اس موقع پر اس بات کی نشاندہی کی گئی کہ غربت اور بے روزگاری نوجوانوں کو غلط سمت کی طرف دھکیل رہی ہے، جس کے انسداد کے لئے پالیسی سطح پر اقدامات کی اشد ضرورت ہے۔ شیعہ فیڈریشن کے صدر اور میرواعظ کشمیر نے بالخصوص باہمی رواداری اور اتحاد اسلامی کے فروغ پر زور دیتے ہوئے کہا کہ مختلف مذاہب، مسالک اور مکاتب فکر میں بھائی چارہ ہی ایک بہتر اور پُرامن سماج کے قیام کی ضمانت ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام