بھارتی ایئر فورس کا طیارہ مشن کے دوران گر کر تباہ، پائلٹ ہلاک
اشاعت کی تاریخ: 3rd, April 2025 GMT
گجرات(نیوز ڈیسک)بھارتی ایئر فورس کا طیارہ گجرات کے علاقے میں ایک مشن کے دوران گر کر تباہ ہو گیا، جس کے نتیجے میں ایک پائلٹ ہلاک اور دوسرا شدید زخمی ہو گیا۔
ہندوستان ٹائمز کے مطابق واقعہ بدھ اور جمعرات کی درمیانی شب گجرات کے علاقے جمنانگر کے قریب پیش آیا۔
واقعے کے فوراً بعد پولیس سپرنٹنڈنٹ پریمسکھ ڈیلو نے میڈیا کو بتایا تھا کہ جیگوار فائٹر جیٹ کے گرنے کے فوراً بعد ایک پائلٹ باہر نکلنے میں کامیاب ہو گیا جبکہ دوسر لاپتہ ہو گیا تھا، تاہم نکلنے والے پائلٹ کو شدید زخمی حالت میں ہسپتال پہنچایا گیا۔
رپورٹ کے مطابق بعدازاں دوسرا پائلٹ بھی زخمی حالت میں مل گیا تھا۔
دو سیٹر جنگی جہاز ایک گاؤں دسوادرا کے ایک کھیت میں گرا جو جمنانگر شہر سے تقریباً 12 کلومیٹر کے فاصلے پر ہے۔ جہاز کے گرتے ہی اس میں آگ لگ گئی تھی۔
واقعے کے بعد بھارتی ایئر فورس کے ایکس اکاؤنٹ پر بتایا گیا کہ جہاز میں تکنیکی خرابی پیدا ہو گئی تھی اور مقامی آبادی کو بچانے کے لیے اسے دور لے جایا گیا۔
بیان کے مطابق بدقسمتی سے ایک پائلٹ زخموں کی تاب نہ لاتے ہوئے چل بسا جبکہ دوسرے کو ہسپتال میں طبی امداد دی جا رہی ہے۔
انڈین ایئر فورس کی جانب سے مرنے والے پائلٹ کے اہل خانہ سے تعزیت کا اظہار بھی کیا گیا ہے۔
ڈیفنس فورس کو احکامات جاری کر دیے گئے ہیں کہ وہ واقعے کی تحقیقات کرے اور اس امر کا پتہ چلایا جائے کہ بنیادی طور پر کون سی چیز واقعے کی وجہ بنی۔
پچھلے مہینے سات مارچ کو بھی بھارتی ایئر فورس کا ایک اور فائٹر جیگوار ہریانہ کے علاقے امبالا میں گر کر تباہ ہو گیا تھا جبکہ اس کا پائلٹ بحفاظت جہاز سے نکلنے میں کامیاب رہا تھا۔
اس کے بعدبھارتی ایئر فورس کے حکام کی جانب سے بتایا گیا تھا کہ جہاز نے امبالا کے ایئر فورس بیس سے اڑان بھری تھی اور تھوڑی دیر بعد اس میں تکنیکی خرابی پیدا ہو گئی تھی جس کی وجہ سے گر گیا تھا۔
اس واقعے کے بعد بھی تحقیقات کے احکامات جاری کیے گئے تھے اور وجہ تلاش کرنے کی ہدایت کی گئی تھی۔
ذریعہ
ذریعہ: Daily Ausaf
کلیدی لفظ: بھارتی ایئر فورس گیا تھا گئی تھی ہو گیا
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا