بارودی سرنگیں اور ان پھٹا گولہ بارود دنیا میں 10 کروڑ لوگوں کے لیے خطرہ
اشاعت کی تاریخ: 5th, April 2025 GMT
اسلام آباد (اُردو پوائنٹ ۔ UN اردو۔ 05 اپریل 2025ء) اقوام متحدہ کے سیکرٹری جنرل انتونیو گوتیرش نے کہا ہے کہ دنیا بھر میں 10 کروڑ سے زیادہ لوگوں کو بارودی سرنگوں، جنگوں میں استعمال ہونے والے گولہ بارود کی باقیات اور دھماکہ خیز مواد (آئی ای ڈی) سے خطرہ لاحق ہے۔
بارودی سرنگوں کے خطرے سے آگاہی کے عالمی دن پر اپنے پیغام میں سیکرٹری جنرل کا کہنا ہے کہ جنگیں ختم ہونے کے بعد بھی ان کی باقیات موجودہ رہتی ہیں جو کھیت کھلیانوں، راستوں اور سڑکوں پر معصوم لوگوں کی جان اور روزگار کے لیے خطرہ بنی رہتی ہیں۔
Tweet URLافغانستان سے میانمار، سوڈان سے یوکرین، شام، مقبوضہ فلسطینی علاقے اور دیگر جگہوں تک یہ مہلک اسلحہ دیہی و شہری علاقوں میں بکھرا ہے جس سے لوگ ہلاک ہو رہے ہیں اور انسانی امداد کی فراہمی اور ترقیاتی کوششوں کو خطرہ لاحق ہے۔
(جاری ہے)
سیکرٹری جنرل کا کہنا ہے کہ ہر گھنٹے اوسطاً ایک فرد ایسے گولہ بارود کی زد میں آ کر ہلاک یا زخمی ہو جاتا ہے اور ان میں بڑی تعداد بچوں کی ہے۔امسال 'محفوظ مستقبل یہاں سے شروع ہوتا ہے' اس دن کا خاص موضوع ہے جو جنگوں میں تباہ شدہ جگہوں کی بحالی، متاثرین کو مدد دینے اور امن قائم کرنے میں بارودی سرنگوں کی صفائی کے کام کا اہم کردار اجاگر کرتا ہے۔
اقوام متحدہ کی کوششیںبارودی سرنگوں کی صفائی سے متعلق اقوام متحدہ کا ادارہ 'یو این مائن ایکشن سروس' (یو این ایم اے ایس) اس کام میں اختراع اور مشمولیت کی اہمیت کو واضح کرتے ہوئے چھوٹے اور فوری تاثیر کے حامل منصوبوں پر سرمایہ کاری کے لیے زور دے رہا ہے جن کی بدولت جنگوں میں جسمانی طور پر معذور ہو جانے والے لوگوں کی ہنگامی ضروریات کو بھی پورا کیا جا سکتا ہے۔
یہ کوششیں گزشتہ سال کانفرنس برائے مستقبل میں طے پانے والے مستقبل کے معاہدے میں کیے گئے وعدوں کا حصہ ہیں جس میں شہریوں کو تحفظ دینے اور ترقی پذیر ممالک میں ٹیکنالوجی اور اختراع کی صلاحیتوں کو بہتر بنانے کی بات کی گئی ہے۔
'یو این ایم اے ایس' نے گزشتہ دو دہائیوں سے اپنے کام کو شہریوں، امن کاروں اور امدادی اداروں کو دھماکہ خیز مواد سے درپیش خطرات کے مطابق ڈھالا ہے۔
خاص طور پر ایسے علاقوں میں اس کا یہ کام اور بھی اہم ہے جو جنگ اور اس کے مابعد اثرات سے بری طرح متاثر ہیں۔بین الاقوامی اشتراکبارودی سرنگوں کے خاتمے سے متعلق قومی ڈائریکٹروں اور اقوم متحدہ کے مشیروں کا 28 واں بین الاقوامی اجلاس 9 تا 11 اپریل جنیوا میں ہو رہا ہے۔ اس اجلاس کا انعقاد 'یو این ایم اے ایس' اور بارودی سرنگوں کی صفائی کے امدادی کام کے لیے جنیوا میں قائم بین الاقوامی مرکز نے مشترکہ طور پر کیا ہے۔
اس موقع پر عالمی ماہرین اس شعبے کو درپیش اہم مسائل پر بات چیت کریں گے۔سیکرٹری جنرل نے رکن ممالک سے کہا ہے کہ وہ بین الاقوامی امدادی اصولوں کو برقرار رکھیں اور اس مسئلے پر قابو پانے کے لیے متعلقہ معاہدوں میں شریک ہوں جن میں 'کلسٹر گولہ بارود سے متعلق کنونشن' اور 'مخصوص روایتی ہتھیاروں کے بارے میں کنونشن' بھی شامل ہیں۔
ان کا کہنا ہے کہ بارودی سرنگوں کی صفائی کے کام سے انسانی زندگی کو تحفظ ملتا ہے۔
اس دن پر سبھی کو محفوظ مستقبل کی تعمیر کے لیے فوری طور پر کام شروع کرنے کا عہد کرنا ہو گا۔صومالیہ کی مثالافریقی ملک صومالیہ میں 'آئی ای ڈی' امن و سلامتی کے لیے بہت بڑا خطرہ ہیں۔ 2024 میں ہی ایسے 597 آلات کی زد میں آ کر 1,400 افراد ہلاک ہوئے تھے۔
صومالیہ کے لیے سیکرٹری جنرل کے خصوصی نمائندے جیمز سوان کا کہنا ہے کہ بارودی سرنگیں اور دھماکہ خیز آلات شہریوں کو بے اندازہ متاثر کرتے ہیں۔
آج کا دن ان لوگوں کو یاد کرنے کاموقع ہے جو ان مہلک آلات کی زد میں آ کر ہلاک ہو گئے۔ علاوہ ازیں، یہ صومالی حکومت اور شراکت داروں کے ساتھ مل کر اس مہلک خطرے میں کمی لانے کے عہد کی توثیق کا دن بھی ہے۔صومالیہ میں خصوصی تربیت اور زندگی کو تحفظ دینے کے لیے درکار سازوسامان کی فراہمی کی بدولت اس مسئلے پر قابو پانے کی صلاحیت میں نمایاں بہتری آئی ہے۔ حال ہی میں 'یو این ایم اے ایس' نے صومالیہ کی سکیورٹی فورسز کو 'آئی ای ڈی' ناکارہ بنانے کے نئے آلات بھی فراہم کیے ہیں۔
.ذریعہ: UrduPoint
کلیدی لفظ: تلاش کیجئے بارودی سرنگوں کی صفائی یو این ایم اے ایس کا کہنا ہے کہ سیکرٹری جنرل بین الاقوامی گولہ بارود کے لیے
پڑھیں:
1947 میں گلگت کے لوگوں نے خود آزادی لیکر پاکستان کیساتھ الحاق کیا، صدر مملکت
گلگت بلتستان (جی بی) کے 78ویں یوم آزادی پر تقریب کا اہتمام کیا گیا ہے، جس میں صدر مملکت آصف علی زرداری نے پریڈ کا معائنہ کیا۔
صدر آصف زرداری کو گورنر گلگت بلتستان نے جشن آزادی کی تقریب میں روایتی ٹوپی پہنائی، صدر تقریب میں مہمان خصوصی کے طور پر شریک ہوئے ہیں۔
صدر مملکت کی تقریب میں آمد پر بگل بجایا گیا، صدرمملکت کا گورنر اور وزیراعلیٰ گلگت بلتستان نے استقبال کیا۔
صدر آصف علی زرداری نے تقریب سے خطاب کرتے ہوئے کہا کہ 1947 میں گلگت بلتستان کے لوگوں نے خود آزادی لیکر پاکستان کیساتھ الحاق کیا، حالاں کہ اس جنگ میں آپ کے ایک ہزار 700 جوان شہید اور 30 ہزار زخمی ہوئے تھے۔
انہوں نے کہا کہ میں آپ سب کو خراج تحسین پیش کرتا ہوں، آپ نے مذہب کی بنیاد پر پاکستان کے ساتھ شمولیت اختیار کی، آج میرا دل آپ کا پیار دیکھ کر بہت خوش ہوتا ہے، ایسا محسوس ہوتا ہے، یہ میرا گھر ہے، اور آپ سب میرے پڑوسی ہیں
آصف علی زرداری نے کہا کہ پاکستان پیپلز پارٹی ( پی پی پی) کے پہلے دور میں شہید ذوالفقار علی بھٹو نے ایف سی آر کو ختم کرکے بادشاہت کا خاتمہ کیا، اور سول انتظامیہ کا نظام دیا، شہید بینظیر بھٹو نے یہاں سول حکومت کا ڈھانچہ بنایا، جب کہ 2008 میں بننے والی ہماری حکومت نے آپ کو قانون ساز اسمبلی کا تحفہ دیا۔
صدر نے کہا کہ گلگت بلتستان میں بے پناہ قدرتی وسائل ہیں، یہاں کے پانی سے بجلی بنائی جاسکتی ہے، اور جس طرح کے جہاز میں یہاں آج میں آیا ہوں، وہ زیادہ مہنگے نہیں، اگر یہاں سیاحت کو فروغ دینے کے لیے گلگت بلتستان کی اپنی ایئرلائن بن جائے تو کیا ہرج ہے؟
انہوں نے کہا کہ گلگت بلتستان میں سیاحت کے بے پناہ مواقع ہیں، جن کے لیے کام کیا جانا چاہئے، یہاں کے پہاڑ ہمارا سرمایہ ہیں، یہ کوئی دیوار نہیں ہے۔
صدر زرداری نے کہا کہ بھارت میں آج مسلمانوں سمیت تمام اقلیتوں پر مظالم ڈھائے جا رہے ہیں، اسی لئے آج احساس ہوتا ہے کہ قائداعظم اور علامہ اقبال نے ہمارے لیے جو کام کیا، اس پر ہم ان کے شکر گزار ہیں۔
صدر زرداری نے مقبوضہ جموں و کشمیر میں بھارت کے غاصبانہ قبضے کی شدید مذمت کرتے ہوئے عالمی برادری سے مطالبہ کیا کہ وہ مسئلہ کشمیر کو اقوام متحدہ کی قرار دادوں کے مطابق حل کروانے کے لیے اپنا کردار ادا کرے۔
تقریب میں آمد پر وزیراعلیٰ گلگت بلتستان حاجی گلبر خان نے صدر مملکت کا شکریہ ادا کیا، انہوں نے کہا کہ مسئلہ کشمیر کا حل وقت کی ضرورت ہے، 72 ہزار مربع میل کا گلگت بلتستان کا علاقہ ڈوگروں سے بغیر کسی بیرونی مدد کے آزاد کروایا، اور کلمے کی بنیاد پر پاکستان کے ساتھ الحاق کیا۔
انہوں نے کہا کہ گلگت بلتستان کو شہدا کی سرزمین بھی کہا جاتا ہے، جس کے سپوتوں نے پاک فورسز میں ملک کے لیے خدمات انجام دیتے ہوئے اپنی جانیں قربان کی ہیں، گلگت بلتستان دفاعی اہمیت کا حامل ہونے کے علاوہ قدرتی وسائل کے حوالے سے بھی اہمیت کا حامل ہے، تاہم یہاں کے لوگوں کو مختلف چینلجز کا سامنا ہے۔
انہوں نے صدر زرداری کی جانب سے 2009 میں علاقے کو خودمختاری دینے کے فیصلے کو یاد کیا اور کہا کہ گلگت بلتستان کو مرکزی دھارے میں شامل کرنے سے یہاں کے عوام کا دیرینہ خواب پورا ہوگا، اور ہمارے ازلی دشمن بھارت کی سازشیں بھی خاک میں مل جائیں گی۔
قبل ازیں سرکاری ’پی ٹی وی نیوز‘ کے مطابق وزیرِاعلیٰ گلگت بلتستان حاجی گلبر خان نے یکم نومبر یومِ آزادی گلگت بلتستان کے موقع پر اپنے خصوصی پیغام میں گلگت بلتستان کے عوام کو مبارکباد پیش کرتے ہوئے کہا کہ یکم نومبر 1947 کو ہمارے آباؤ اجداد نے بغیر کسی بیرونی امداد کے، دفاعی اور جغرافیائی اہمیت کے حامل اس خطے کو ڈوگروں سے آزاد کرایا اور کلمے کی بنیاد پر وجود میں آنے والے ملک پاکستان کے ساتھ الحاق کیا۔
انہوں نے کہا کہ ڈوگروں سے آزادی حاصل کرنا آسان نہیں تھا، مگر ایک قوم بن کر اتحاد و اتفاق اور غیرتِ ایمانی کے جذبے سے سرشار ہوکر ہمارے بزرگوں نے دشمن کو اس خطے سے بھاگنے پر مجبور کیا۔
ان کا کہنا تھا کہ آج ہمیں بھی اسی جذبے کے ساتھ اپنے دشمنوں کی سازشوں کو ناکام بنانا ہوگا۔
وزیرِاعلیٰ حاجی گلبر خان نے کہا کہ آج گلگت بلتستان کو تعمیر و ترقی کے جس مرحلے سے گزرنا ہے، وہ آزادی کے وقت درپیش چیلنجز سے کم نہیں، ہمیں اپنے آباؤ اجداد کے خواب کو عملی تعبیر دینے کے لیے زیادہ اتحاد و یکجہتی کا مظاہرہ کرنا ہوگا، تاکہ ایک خوشحال، ترقی یافتہ اور معاشی طور پر خودمختار گلگت بلتستان کی بنیاد رکھ سکیں۔
انہوں نے کہا کہ ہماری حکومت نے قلیل مدت میں آزادی کے حقیقی معنوں کے مطابق پسماندہ علاقوں کی ترقی، محروم طبقے کی فلاح اور وسائل کی منصفانہ تقسیم پر خصوصی توجہ دی ہے۔
وزیرِاعلیٰ نے کہا کہ زندہ قومیں اپنے شہداء اور غازیوں کو ہمیشہ یاد رکھتی ہیں، آج کے اس تاریخی دن پر ہم اپنے شہدا اور غازیوں کو سلام پیش کرتے ہیں اور عہد کرتے ہیں کہ ان کی قربانیاں ہرگز رائیگاں نہیں جائیں گی۔
کنسرٹ تو دور اسرائیل اور نیتن یاہو کے قریب سے بھی نہیں گزرنا چاہتا؛ برطانوی گلوکار