راولپنڈی تا مری گلاس ٹرین منصوبہ، 4 روٹس میں کون سے اسٹیشنز آئیں گے؟
اشاعت کی تاریخ: 7th, April 2025 GMT
گزشتہ برس پنجاب حکومت کی جانب سے راولپنڈی سے مری تک گلاس ٹرین منصوبے کی منظوری دی گئی تھی۔ اور اب گلاس ٹرین کے اس منصوبے کی فیزیبلیٹی اسٹڈی مکمل ہو چکی ہے۔ جس میں منصوبے کے حوالے سے روٹس، اسٹیشنز اور دیگر چیزیں واضح ہو چکی ہیں۔
واضح رہے کہ گلاس ٹرین کے اس منصوبے کا مقصد سیاحت کو فروغ دینے اور مسافروں کو ایک آرام دہ اور دلچسپ سفری تجربہ فراہم کرنے کے لیے شروع کیا گیا ہے۔ یہ منصوبہ نہ صرف سیاحوں کے لیے ایک کشش ہوگا بلکہ مقامی لوگوں کے لیے بھی ایک نئی اور سہل سفری سہولت ثابت ہوگا۔
گلاس ٹرین کا منصوبہ یقیناً سیاحوں اور مقامی افراد کے لیے کسی خواب سے کم نہیں ہوگا۔ عوام میں ابھی سے اس کے روٹس، اسٹشینز، سفر کا وقت اور دیگر معلومات کے حوالے سے جاننے کے لیے دلچسپی پائی جا رہی ہے۔ آئیے جانتے ہیں۔ کہ کونسے روٹس ہوں گے؟ ایک روٹ میں کتنے اسٹیشنز آئیں گے؟ منزل تک پہنچنے کا وقت کیا ہوگا؟ اور اس کی تخمینہ لاگت کیا ہوگی؟
مزید پڑھیں: راولپنڈی سے بھوربن تک گلاس ٹرین کب تک شروع ہونے کی توقع ہے؟
گلاس ٹرین کی فیزیبلیٹی اسٹڈی کے مطابق گلاس ٹرین کے 4 روٹس ہوں گے۔ جس میں روٹ ون ییلو لائن، روٹ ٹو سیان لائن، روٹ تھری بلیو لائن اور روٹ فور گرین لائن ٹرین پر مشتمل ہوگا۔
روٹ ون:روٹ نمبر ون ییلو لائن ٹرین پر مشتمل ہوگا۔ جس کی شروعات ایچ نائن مارگلہ اسٹیشن سے ہوگی اور اختتام پنڈی پوائنٹ ہوگا۔ اور اس پورے روٹ میں 11 اسٹشنز شامل ہوں گے۔ جس میں اسلام اسٹیشن، بارہ کہو اسٹیشن، بحریہ گولف اسٹیشن، گھوڑا گلی اور مری اسٹیشن شامل ہے۔
چونکہ گلاس ٹرین کا یہ روٹ قریباً 47 کلو میٹر طویل ہے۔ ٹرین اس روٹ پر ییلو ٹرین سفر 97 منٹ 6 سیکنڈ میں طے کرے گی۔ اور اس روٹ کی تخمینہ لاگت 199،883،950،000 پاکستانی روپے ہے۔
روٹ نمبر ٹو سیان لائن ٹرین پر مشتمل ہے۔ جس کا سفر ایچ نائن مارگلہ اسٹیشن سے شروع ہو کر لوئر ٹوپا پر اختتام پذیر ہوگا۔ گلاس ٹرین کے اس روٹ میں 10 اسٹیشنز شامل ہوں گے۔ اس روٹ پر ٹرین شکر پڑیاں پریڈ گراؤنڈ، آبپارہ، لیک وویو، بارہ کہو، بروہا، گھوڑا گلی اور دیگر اسٹشنز پر رکے گی۔
مزید پڑھیں: راولپنڈی سے مری تک، گلاس ٹرین پراجیکٹ کی تفصیلات سامنے آگئیں
سیان ٹرین پر مشتمل یہ روٹ قریباً 58 کلو میٹر طویل ہوگا۔ اور اس روٹ ٹرین 123 منٹ 35 سیکنڈ میں سفر طے کرے گی۔ رپورٹ کے مطابق گلاس ٹرین کے اس روٹ کی تخمینہ لاگت 168،848،512،500 پاکستانی روپے ہے۔
روٹ نمبر تھری:گلاس ٹرین کا روٹ نمبر تھری بلیو لائن ٹرین پر مشتمل ہے۔ بلیو لائن ٹرین کے سفر کا آغاز ایچ نائن مارگلہ اسٹیشن سے اور اختتام مری بس اسٹاپ پر ہوگا۔ اس روٹ میں بھی 10 اسٹیشنز شامل ہوں گے۔ جن میں شکر پڑیاں گراونڈ، آبپارہ، بلیو ایریا، لیک وویو پارک، قائداعظم یونیورسٹی، بارہ کہو، بروہا، نند کوٹ، کمپنی باغ اور گھوڑا گلی اسٹیشن شامل ہوگا۔
بلیو لائن ٹرین کے اس روٹ کی لمبائی قریباً 44 کلو میٹر ہوگی اور بلیو لائن ٹرین یہ روٹ 94 منٹ 6 سیکنڈ میں طے کرے گی۔ اس روٹ کی تخمینہ لاگت 240،353،450،000 پاکستانی روپے لگائی گئی ہے۔
روٹ نمبر فور:گلاس ٹرین کا روٹ نمبر فور گرین لائن ٹرین پر مشتمل ہے۔ یہ روٹ ایچ نائن سے شروع ہو کر مری بس سٹاپ پر ختم ہوگا۔ اس روٹ میں چھتر پارک، بحریہ گولف سٹی، مانگا، نند کوٹ، کمپنی باغ اور دیگر اسٹیشنز شامل ہیں۔
مزید پڑھیں: اب راولپنڈی سے مری تک گلاس ٹرین چلے گی؟
گرین لائن ٹرین کے روٹ کی لمبائی قریباً 45 کلو میٹر ہے۔ جس پر سفر کرتے ہوئے یہ ٹرین اپنی منزل تک 100 منٹ اور 7 سیکنڈ میں پہنچے گی۔ اس روٹ کی تخمینہ لاگت 218،424،375،000 پاکستانی روپے لگائی گئی ہے۔
مری سے منتخب ہونے والے ایم این اے راجا اسامہ اشفاق سرور نے وی نیوز سے بات کرتے ہوئے بتایا کہ نیشنل انجینئرنگ سروسز (نیسپاک) کی جانب سے فیزیبلیٹی اسٹڈی مکمل کرلی گئی ہے۔ جس میں نہ صرف ٹرین روٹس اور اسٹیشنز کو واضح کیا گیا ہے۔ بلکہ ان روٹس پر کتنی لاگت آئی گی، سفر کے لیے کتنا وقت درکار ہوگا، ایک روٹ میں کتنی ٹنلز آئیں گی، ہر طرح کی معلومات فراہم کر دی گئی ہے۔
اب جلد ہی بجٹ منظور ہونے کے بعد گلاس ٹرین کے منصوبے کی تکمیل کا کام شروع کیا جائے گا۔ اور اس منصوبے کے مکمل ہونے کی توقع اگلے 2 برس تک ہے۔ یہ ایک اندازہ لگایا جا رہا ہے۔ کہ اگلے 2 سال میں یہ منصوبہ مکمل ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آبپارہ بہارہ کہو راولپنڈی شکرپڑیاں گلاس ٹرین مارگلہ اسٹیشن مری.ذریعہ: WE News
کلیدی لفظ: ا بپارہ بہارہ کہو راولپنڈی شکرپڑیاں گلاس ٹرین مارگلہ اسٹیشن لائن ٹرین پر مشتمل گلاس ٹرین کے اس بلیو لائن ٹرین مارگلہ اسٹیشن پاکستانی روپے گلاس ٹرین کا راولپنڈی سے سیکنڈ میں اور دیگر ایچ نائن روٹ نمبر کلو میٹر روٹ میں اور اس یہ روٹ ہوں گے گئی ہے کے لیے
پڑھیں:
ملک بھر میں پلاٹس کی آن لائن تصدیق کا جدید نظام تیار
ویب ڈیسک: قومی احتساب بیورو (نیب) نے پاکستان بھر میں پراپرٹی اور ہاؤسنگ سیکٹر میں ہونے والے فراڈ کی روک تھام اور شفاف خرید و فروخت کو یقینی بنانے کے لیے ایک جدید ترین آن لائن نظام تیار کر لیا ہے جس کا چیئرمین نیب جلد افتتاح کریں گے۔
اس نئے سسٹم سے فراڈ اور جعلسازی کا خاتمہ ممکن ہو سکے گا اور پورے پاکستان کے پلاٹس کا ریکارڈ ڈیجیٹل پورٹل پر ہوگا، پلاٹ یا سوسائٹی کی قانونی حیثیت، این او سی، نقشہ، مالکان کی تفصیلات، تصدیق شدہ رپورٹ خرید و فروخت کیلئے استعمال ہو گی۔
کاہنہ :لڑائی کے دوران چھریوں کے وار، 2 بھائیوں سمیت 3 افراد زخمی
یہ جدید تریں الٹرا ماڈرن لیک پروف آن لائن سسٹم نیب اسلام آباد/ راولپنڈی کے ڈائریکٹرجنرل نے اپنی ٹیم کے ساتھ مل کر تیار کیا ہے، جس کے ذریعے ملک بھر کے تمام پلاٹس کا ریکارڈ ایک ہی ڈیجیٹل پلیٹ فارم پر دستیاب ہوگا۔
ذرائع کے مطابق اس سسٹم کے ذریعے ہر شہری کو یہ سہولت حاصل ہوگی کہ وہ کسی بھی پلاٹ یا ہاؤسنگ سوسائٹی کی قانونی حیثیت، این او سی، نقشہ، اور اصل مالکان سے متعلق تفصیلات صرف چند کلکس میں حاصل کر سکے گا۔
لاہور: داتا دربار پولیس کی کارروائی، 2 رکنی چور گینگ گرفتار
نیب حکام کا کہنا ہے کہ یہ نظام اتنا وسیع اور ہمہ گیر ہوگا کہ پورے پاکستان کے پلاٹس کا مکمل ریکارڈ اس ڈیجیٹل پورٹل پر موجود ہوگا۔ عوام صرف پلاٹ نمبر کے ذریعے کسی بھی پلاٹ کی تصدیق کر سکیں گے اور سسٹم سے جاری ہونے والی تصدیق شدہ رپورٹ کو خرید و فروخت کے لیے قانونی دستاویز کے طور پر استعمال کیا جا سکے گا۔
اس سسٹم کا مقصد ناصرف شہریوں کو جعلسازی سے بچانا ہے بلکہ ہاؤسنگ اسکیمز میں اوور سیلنگ، جعلی فائلز، اور غیر قانونی زمینوں کی خرید و فروخت جیسے سنگین جرائم کا خاتمہ بھی ہے۔
31 جولائی سے شرح سود 10فیصد ہونے کا امکان
نیب کے مطابق یہ پلیٹ فارم قانون نافذ کرنے والے اداروں، ریگولیٹری اتھارٹیز، اور عام شہریوں کے لیے ایک مؤثر ٹول ثابت ہوگا، جس سے ہاؤسنگ سیکٹر میں شفافیت اور اعتماد کو فروغ ملے گا۔
ترجمان نیب نے کہا کہ یہ نظام جلد عوام کے لیے دستیاب ہوگا اور اس کی بدولت پلاٹ خریدنے یا بیچنے سے پہلے مکمل تصدیق ممکن ہو سکے گی۔
حکومت کا سرکاری ملازمین کا بوجھ کم کرنے کا فیصلہ: سول سرونٹس ایکٹ میں ترمیم کی تیاری