حکومت کا سرکاری ملازمین کا بوجھ کم کرنے کا فیصلہ: سول سرونٹس ایکٹ میں ترمیم کی تیاری
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد :وفاقی حکومت نے بیوروکریسی کی ساخت میں بڑی تبدیلیوں پر غور شروع کر دیا ہے تاکہ ریاستی اداروں پر بڑھتے ہوئے مالی اور انسانی وسائل کے دباؤ کو کم کیا جا سکے۔
نجی ٹی وی کی رپورٹ میں ذرائع کے حوالے سے بتایا گیاہ ے کہ اس مقصد کے لیے سول سرونٹس ایکٹ 1973 میں متعدد ترامیم تجویز کی گئی ہیں، جن کے ذریعے نہ صرف وفاقی اداروں کی تعداد گھٹانے بلکہ سرکاری ملازمین کی تعداد میں کمی لانے کا بھی منصوبہ زیر غور ہے۔
رپورٹ کے مطابق سیکرٹری اسٹیبلشمنٹ ڈویژن نے انکشاف کیا ہے کہ حکومت کئی ایسے وفاقی اداروں کو ختم کرنے یا ایک دوسرے میں ضم کرنے کا ارادہ رکھتی ہے، جن کی افادیت اٹھارویں آئینی ترمیم کے بعد کم ہو چکی ہے کیونکہ متعدد اختیارات اور ذمہ داریاں اب صوبوں کو منتقل ہو چکی ہیں۔
ان کا کہنا تھا کہ نئے مجوزہ اقدامات کے تحت سرکاری ملازمین کے لیے اثاثے ظاہر کرنا بھی لازمی قرار دیا جا سکتا ہے، تاکہ شفافیت کو فروغ دیا جا سکے۔ انہوں نے کہا کہ وفاقی حکومت سرپلس ملازمین کو محض بے روزگار نہیں کرے گی بلکہ ان کی ملازمت سے علیحدگی کے لیے پرکشش مالیاتی پیکیجز، یعنی گولڈن ہینڈ شیک کی پیشکش کی جائے گی۔
سیکرٹری کے مطابق حکومت کی جانب سے قائم کردہ رائٹ سائزنگ کمیٹی ان تمام اداروں کی نشاندہی کر رہی ہے جو غیر ضروری یا متروک ہو چکے ہیں۔ انہوں نے یہ بھی واضح کیا کہ یہ عمل مکمل طور پر کسی سیاسی مقصد یا عوامی ردعمل سے بالاتر ہو کر ریاستی مشینری کی اصلاح کے لیے کیا جا رہا ہے۔
ان کا مزید کہنا تھا کہ جدید ٹیکنالوجی کے استعمال نے سرکاری دفاتر میں کئی اسامیوں کی ضرورت کو ختم کر دیا ہے۔ ماضی میں ایک افسر کے ساتھ 6 ماتحت کام کرتے تھے، لیکن اب جدید نظام اور ڈیجیٹل ورک فلو کے تحت یہ تعداد دو تک محدود کی جا سکتی ہے۔
مزید برآں حکومت کا منصوبہ ہے کہ گریڈ ایک سے 5 تک کی ملازمتیں آؤٹ سورس کر دی جائیں، جس سے مستقل ملازمین کے بھاری بھرکم پینشن بل میں خاطر خواہ کمی متوقع ہے۔ یہ اقدام حکومت کے طویل المدتی مالیاتی استحکام کی حکمت عملی کا حصہ ہے تاکہ آنے والے سالوں میں خزانے پر بوجھ کم کیا جا سکے۔
سیکرٹری اسٹیبلشمنٹ نے دو ٹوک انداز میں کہا کہ یہ کوئی ملازمین کو گھر بھیجنے کا منصوبہ نہیں، بلکہ ریاستی نظام کو مزید مؤثر، جدید اور مالی طور پر پائیدار بنانے کی ایک کوشش ہے۔ سرکاری شعبے کو اب روایتی سوچ کے بجائے ڈیجیٹل ٹیکنالوجی، آٹومیشن اور اسمارٹ مینجمنٹ کے اصولوں پر استوار کرنے کا وقت آ گیا ہے۔
تجزیہ نگاروں کے مطابق یہ حکومتی اقدام اگر درست طریقے سے نافذ ہوا تو یہ پاکستان کے سرکاری ڈھانچے میں دہائیوں بعد ایک بڑی اصلاح کے طور پر سامنے آئے گا۔
.ذریعہ: Jasarat News
کلیدی لفظ: کے لیے
پڑھیں:
اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت کردی
اسپیکر پنجاب اسمبلی کا بلدیاتی ایکٹ کو آئینی تحفظ فراہم کرنے کا مطالبہ، 27ویں ترمیم کی حمایت کردی WhatsAppFacebookTwitter 0 31 October, 2025 سب نیوز
لاہور (سب نیوز)اسپیکرپنجاب اسمبلی ملک محمد احمد خان نے بلدیاتی ایکٹ کو آئینی تحفظ فراہم کرنے کا مطالبہ کرتے ہوئے کہا ہے کہ اگر اس سلسلہ میں 27ویں آئینی ترمیم بھی منظور کی جاتی ہے تو اس کی حمایت کریں گے۔
پنجاب اسمبلی میں میڈیا سے گفتگو کرتے ہوئے اسپیکر پنجاب اسمبلی ملک محمد احمد خان نے کہا کہ پنجاب سے ضلعی حکومت کی مدت کے تحفظ کیلئے منظور کی جانے والی قرارداد نئی آئینی ترمیم کی سفارش کرتی ہے جس کے لیے قومی اسمبلی و سینیٹ کو اپنا بھرپور کردار ادا کرنا چاہیے۔ انہوں نے کہا کہ آئینی تحفظ کے لیے اگر 27ویں آئینی ترمیم بھی کرنا پڑی تو اس کی حمایت کریں گے۔ اسپیکر ملک محمد احمد خان نے کہا کہ ملک میں گزشتہ 50 سال کے دوران مقامی حکومتوں کا وجود نہیں رہا، توقع کرتے ہیں کہ مسلم لیگ (ن)، پیپلزپارٹی اور پی ٹی آئی سمیت تمام سیاسی جماعتیں اس ترمیم کی حمایت کریں گی۔
ان کا کہنا تھا کہ ضلعی حکومتوں کی عدم موجودگی میں ریاست کا عمرانی معاہدہ کمزور ہوا ہے، ضلعی حکومت کے حوالے سے موثر قانون کی عدم موجودگی کے باعث ماضی میں صوبائی حکومتیں لوکل گورنمنٹس کو توڑتی رہی ہیں۔اسپیکر پنجاب اسمبلی نے مدارس اور علمائے کرام کے حوالے سے حکومت کے کئے جانے والے اقدام کی تعریف کرتے ہوئے کہا کہ ہمیں اپنے اقدامات کے ساتھ ساتھ سعودی عرب، ایران اور دیگر اسلامی ممالک میں علمائے کرام کیلیے بنائے جانے والے ماڈل کو ضرور دیکھنا چاہیے۔ مذہبی جماعت کے خلاف ہونے والے آپریشن کے بارے میں اسپیکر کا کہنا تھا کہ امن و امان بحال رکھنا ریاست کی ذمہ داری ہے جسے ریاست نے ہر صورت پورا کرنا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسی ڈی اے میں اعلیٰ سطح پر تقرر و تبادلے ،نوٹیفکیشن سب نیوز پر سی ڈی اے میں اعلیٰ سطح پر تقرر و تبادلے ،نوٹیفکیشن سب نیوز پر پاکستان کو سمندر میں تیل و گیس کی دریافت کیلئے کامیاب بولیاں موصول، ایک ارب ڈالر سرمایہ کاری متوقع سہیل آفریدی کو وزیراعلی بننے پر مبارکباد، ملکر دہشت گردی کا مقابلہ کرینگے، وزیراعظم مہمند ڈیم ہائیڈرو پاور منصوبہ، پاکستان کویت کے درمیان 25ملین ڈالر کے قرض پروگرام پر دستخط شاہ محمود قریشی اسپتال منتقل، پی ٹی آئی پرانی قیادت کی ریلیز عمران خان تحریک چلانے کیلئے ملاقات ایف آئی اے کا یوٹرن، شبر زیدی کے خلاف مقدمہ واپس لینے کا فیصلہCopyright © 2025, All Rights Reserved
رابطہ کریں ہماری ٹیم
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے