پاکستانیوں کو بھارت چھوڑنے کا حکم، اب تارک وطن سیما حیدر کا کیا ہوگا؟
اشاعت کی تاریخ: 28th, April 2025 GMT
پاکستان سے 2 سال قبل بھارت چلی جانے والی سیما حیدر ان دنوں سوشل میڈیا پر ایکٹیو نہیں ہیں اور نہ ہی بھارتی حکومت کی جانب سے پاکستانی شہریوں کے ویزے معطل کیے جانے کے بعد وہ کوئی بیان دے رہی ہیں۔
یہ بھی پڑھیں: انڈیا جاکر شادی کرنے والی سیما حیدر کے ہاں بیٹی کی پیدائش
22 اپریل کو مقبوضہ کشمیر کے سیاحتی علاقے پہلگام میں سیاحوں پر ہونے والے حملے بعد بھارتی حکومت نے تمام پاکستانیوں کو بھارت چھوڑ جانے کا حکم دیا تھا اور بھارتی حکومت نے تمام ویزے بھی منسوخ کردیے تھے۔ اس کے بعد امکان یہی ہے کہ بھارتی حکومت سیما حیدر کو بھی پاکستان واپس بھیج دے گی۔
یاد رہے کہ سیما حیدر کا تعلق صوبہ سندھ سے ہے اور وہ یہاں بھی شادی شدہ تھیں۔ ایک بھارتی شخص کے عشق میں مبتلا ہوکر وہ اپنے 4 بچوں کے ساتھ نیپال کے راستے بھارت پہنچ گئی تھیں۔
مزید پڑھیے: بھارت جانے والی سیما حیدر یوٹیوب چینلز سے اب کتنے پیسے کما رہی ہیں؟
بھارتی میڈیا کے مطابق بھارت میں موجود تمام پاکستانیوں کو ملک چھوڑنے کی وارننگ دی ہے اور اس درمیان سیما حیدر نے موجودہ صورتحال پر کوئی ردعمل ظاہر نہیں کیا۔ تاہم ان کے اس بیان کی ایک ویڈیو بہت زیادہ وائرل ہو رہی ہے جس میں وہ التجا کرتے ہوئے دیکھی جا سکتی ہیں کہ ’میں پاکستان کی بیٹی تھی، اب بھارت کی بہو ہوں‘۔
سیما حیدر کی وائرل ویڈیوڈے این اے انڈیا کی رپورٹ کے مطابق سیما حیدر کے وکیل اے پی سنگھ کا کہنا ہے کہ نے سیما حیدر کے بیان کے ساتھ وائرل ہونے والی ویڈیو پرانی ہے۔
سیما حیدر سوشل میڈیا پر ایکٹیو کیوں نہیں؟اے پی سنگھ نے وجہ بھی بتائی ہے کہ سیما حیدر سوشل میڈیا پر ایکٹیو کیوں نہیں ہیں۔ حیدر کے وکیل اور ان کے منہ بولے بھائی اے پی سنگھ نے انکشاف کیا کہ ان کی تیسری بیٹی بہت بیمار ہے اور اسپتال میں داخل ہے اور سیما حیدر ان کا خیال رکھتی ہیں اور اسی وجہ سے وہ سوشل میڈیا سے دور ہیں۔
پہلگام حملے کے دوران سیما حیدر خاموش کیوں ہیں؟حیدر کے 5 بچے ہیں جن میں سے 4 سابق شوہر سے جبکہ ایک بچی ہندوستانی شوہر سچن مینا سے ہے۔ سیما حیدر کی وائرل ویڈیو کے بارے میں بات کرتے ہوئے اے پی سنگھ نے انکشاف کیا کہ یہ ویڈیو بہت پرانی ہے۔
بھارتی میڈیا کی مزید تحقیقات کے بعد پتا چلا کہ یہ ویڈیو جولائی 2023 کی ہے۔ علاوہ ازیں سیما حیدر ایک ہفتے سے سوشل میڈیا یا میڈیا پر ایکٹیو نہیں ہیں۔
ہندوستان آنے کے بعد کئی میڈیا چینلز نے ان کی کہانی کو کوور کیا ہے اور یہ پہلا موقع ہے جب انہوں نے اتنی دیر تک کچھ نہیں بولا۔
مزید پڑھیں: سیما حیدر کے بعد ایک اور پاکستانی لڑکی نے بھارت جاکر شادی رچا لی
ابتدائی میں وہ اپنے شوہر کے ساتھ ناچنے، گانے یا گھر کا کوئی کام کرنے کی ویڈیوز پوسٹ کرتی تھیں۔ یہاں تک کہ میاں بیوی اپنے سوشل میڈیا فالوورز سے براہ راست بات کرتے ہیں۔ تاہم پہلگام حملے اور بعد کی صورتحال نے انہیں چونکا دیا اور اس کے بعد اس نے کچھ نہیں کہا۔
ان دنوں سوشل میڈیا صارفین یہ دعویٰ کر رہے ہیں کہ بھارت جلد ہی سیما حیدر کو پاکستان واپس بھیج سکتا ہے۔
یہ بھی پڑھیے: بھارتی عدالت نے سیما حیدر کے پاکستانی شوہر کو طلب کر لیا
ایک رپورٹ میں دعویٰ کیا گیا ہے کہ انہیں 3 دن کے اندر ملک چھوڑنے کا نوٹس بھیجا گیا ہے۔ تاہم، ان دعوؤں کو مسترد کرتے ہوئے ان کے وکیل اے پی سنگھ نے کہا کہ وہ عدالت کےحکم پر اتر پردیش کے گوتم بدھ نگر ضلعے کے ربوپورہ علاقے میں رہ رہی ہیں اور انہیں ہندوستان چھوڑنے سے متعلق کوئی نوٹس نہیں ملا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاکستان سیما حیدر محبت کی شادی.ذریعہ: WE News
کلیدی لفظ: بھارت پاکستان محبت کی شادی بھارتی حکومت اے پی سنگھ نے سیما حیدر کے سوشل میڈیا اور اس ہے اور کے بعد
پڑھیں:
ای چالان کو سکھر، لاڑکانہ حیدر آباد و دیگر شہروں میں بھی نافذ کیا جائے، شاداب نقشبندی
سربراہ پاکستان سنی تحریک نے کہا کہ ای چالان کے ذریعے بھاری جرمانے عوام پر زیادتی ہوگی، ایک ہی ملک میں ٹریفک قوانین پر جرمانے عائد کرنے کے طریقے الگ مناسب عمل نہیں ہے، پورے ملک میں ٹریفک نظام اور جرمانوں کا طریقی کار ایک جیسا ہونا چاہیئے۔ اسلام ٹائمز۔ سربراہ پاکستان سنی تحریک محمدشاداب رضا نقشبندی نے کہا ہے کہ عوام کو ریلیف کی بجائے ای چالان نے مشکلات میں مبتلا کردیا ہے، ای چالان کے ذریعے بھاری بھرکم چالان عوام کی پریشانیوں میں اضافہ کررہا ہے، عوام پہلے ہی مہنگائی و بے روزگاری سے پریشان ہیں ایسی صورت میں ای چالان کو بھاری بھرکم رقم وصول کرنے کیلئے مسلط کرنا افسوسناک ہے، قوانین کی پاسداری اور ٹریفک کے نظام کو بہتر بنانے کیلئے جدید نظام متعارف کرانا اچھا ہے۔ ان خیالات کا اظہار انہوں نے کراچی میں ای چالان کے ذریعے گاڑیوں و موٹر سائیکل کے چالان پر گہری تشویش کا اظہار کرتے ہوئے کیا۔
شاداب رضا نقشبندی نے کہا کہ کیا حکومت چاہتی ہے غریب عوام اب موٹر سائیکل چلانا بھی بند کردیں، حکمران عوام کو ریلیف نہیں دے سکتے تو ایسے حالات بھی پیدا نہ کریں جس سے وہ مزید مشکلات میں مبتلا ہوجائیں۔ انہوں نے کہا کہ ای چالان کے مخالف نہیں اور ٹریفک کا نظام بھی بہتر چاہتے ہیں، حکومت عوام دوست پالیسی بنائے، ٹریفک قوانین کی خلاف ورزی پر جرمانہ کے مخالف نہیں مگر ہزاروں میں نہ کیا جائے، نارمل چالان کو یقینی بنایا جائے تاکہ عوام با آسانی ٹریفک قوانین کی خلاف ورزی پر جرمانہ ادا کرسکیں، ای چالان کو سکھر، لاڑکانہ حیدر آباد و دیگر شہروں میں بھی نافذ کیا جائے۔
وزیرِاعلیٰ نے سندھ جاب پورٹل کا افتتاح کردیا، ملازمتوں کا سلسلہ 15 روز میں شروع ہو گا