کرتے اور پگڑیاں: افغان طالب علموں کے لیے نیا لازمی یونیفارم
اشاعت کی تاریخ: 30th, April 2025 GMT
اسلام آباد (اُردو پوائنٹ ۔ DW اردو۔ 30 اپریل 2025ء) افغانستان میں مارچ سے تعلیمی سال کے آغاز کے بعد افغان طالب علموں کو پگڑیوں اور لمبے کرتوں پر مشتمل ایسی نئی یونیفارم پہننے کا حکم دیا گیا ہے، جو ملک میں طالبان کی حکمرانی سے میل کھاتا ہوا۔ طالبان کی وزارت تعلیم نے اس اقدام کو نظم و ضبط کی مضبوطی، سماجی عدم مساوات کی حوصلہ شکنی اور حقیقی اسلامی لباس کے ضوابط کے تحت قرار دیا ہے۔
تاہم یہ ایک ایسا اقدام ہے، جس نے افغان معاشرے میں تقسیم کو جنم دیا۔ وزارت تعلیم کی جانب سے جاری کردہ ہدایات میں کہا گیا ہے، ''اسلام نے لباس پر توجہ دے کر حیا اور وقار کے معیار کو محفوظ اور مضبوط کیا ہے۔ شرعی لباس ایک مسلمان مرد اور عورت کی شناخت کا تعین کرتا ہے۔
(جاری ہے)
‘‘
اس وزارت کی جانب سے مزید کہا گیا ہے،''شرعی لباس فرد کے وقار کو محفوظ رکھنے اور معاشرے کو اخلاقی گراوٹ سے بچانے کا ذریعہ ہے۔
‘‘2021ء میں طالبان کے دوبارہ اقتدار میں آنے سے پہلے، شلوار قمیض اور پگڑی، اس خطے میں روایتی لباس تو تھا لیکن تعلیمی یا پیشہ ورانہ ماحول میں ان کے پہننے کا معمول نہیں تھا۔ تاہم طالبان کی واپسی کے بعد سے کابل اور دیگر علاقوں میں بہت سے مردوں نے ڈھیلی ڈھالی شلواریں اور لمبے کرتے پہننے کا انتخاب کیا ہے۔
یہ لباس کسی زمانے میں زیادہ تر مذہبی اسکولوں تک محدود تھا لیکن اب پگڑی یا ٹوپی کے ساتھ شلوار قمیض تمام طلبہ کے لیے لازمی ہے، خواہ وہ سرکاری یا نجی اسکولوں میں زیر تعلیم ہوں۔
لڑکیوں کے لیے پہلے ہی چھوٹی عمر سے ہی یونیفارم پہننا لازمی ہے، جو اکثر سفید ہیڈ اسکارف کے ساتھ مماثل شلوار کے اوپر لمبا سیاہ لباس ہوتا ہے، لیکن اب وہ روایتی تعلیمی اداروں میں پرائمری اسکول سے آگے نہیں پڑھ سکتی ہیں۔مرد طلباء کے لیے 15 سال کی عمر تک ہلکے نیلے رنگ کی شلوار قمیض کے ساتھ ٹوپی پہننی لازمی قرار دی گئی ہے اور اس عمر کے بعد ان کے لیے سفید رنگ کی شلوار قمیض اور پگڑی پہننا لازمی ہے۔
طالبان کے سپریم لیڈر ہیبت اللہ اخوندزادہ کی طرف سے جاری کیے گئے اس حکم کے نافذ ہونے میں وقت لگا ہے اور اب بھی پورے ملک میں اس کا یکساں طور پر نفاذ نہیں ہو سکا ہے۔افغان مغربی صوبے ہرات میں ایک طالب علم ناصر احمدکا کہنا تھا کہ تعلیمی سال کے آغاز پر صرف چند طلبا نے ہی نیا یونیفارم پہنا تھا لیکن اب ان کے پاس کوئی چارہ نہیں ہے۔
اس نوجوان طالبعلم نے اے ایف پی کو بتایا، ''ہمارے اساتذہ نے ہمیں کہا کہ اس کے (نئے یونیفارم) بغیر نہ آئیں۔
اگر ہمارے پاس یونیفارم اور ٹوپی نہیں ہے تو ہم کلاس روم میں داخل نہیں ہو سکتے۔ ایک اور طالبعلم قاسم کا کہنا تھا، ''میں نے اپنے کئی دوستوں کو اس لیے (سکول سے) منہ موڑتے دیکھا کہ ان کے پاس پگڑی نہیں تھی۔‘‘انہوں نے کہا کہ طالبان کی اخلاقیات کے فروغ اور برائیوں کی روک تھام سے متعلق وزارت کے اہلکار اس لیے اسکولوں میں آتے ہیں تاکہ اس بات کو یقینی بنایا جاسکے کہ نئے یونیفارم سے متعلق قواعد کی پابندی کی جا رہی ہے۔
طالبان کے گڑھ جنوبی قندھار میں البتہ کئی طالب علموں نے اے ایف پی کو بتایا کہ وہ اپنے نئے لباس سے خوش ہیں۔ ایک طالب علم محمد ولی نے کہا کہ وہ ''پیغمبر کا لباس‘‘ پہن کر ''بہت خوش‘‘ ہیں۔ اس طالب علم کا مزید کہنا تھا، ''یہ طالب علموں کو دوسرے لوگوں کے مقابلے میں ممتاز کرتا ہے۔‘‘دارالحکومت کابل میں، کچھ طالب علم پگڑی کو اسکول کے دوران پہنتے ہیں اور اسکول سے نکلتے ہی وہ اسے اپنے بیگ میں رکھ لیتے ہیں۔
طالبان حکام نے سکولوں میں اساتذہ اور پرنسپلوں کو بھی اپنے سوٹ اور ٹائیوں یا آرام دہ کپڑوں کو شلوار قمیض اور کالی پگڑی سے تبدیل کرنے کا کہا ہے۔ان میں سے کچھ نے اس اقدام کو ناپسند کیا ہے۔ کابل کے ایک اسکول کے پرنسپل نے نام ظاہر نہ کرنے کی شرط پر اے ایف پی سے بات کرتے ہوئے کہا، ''آج، سب ایک جیسے نظر آتے ہیں۔ ایک ڈاکٹر اب ڈاکٹر جیسا نہیں لگتا ہے اور باورچی اب باورچی جیسا نہیں لگتا ہے۔
‘‘اس پرنسپل نے تاہم یہ اعتراف بھی کیا، ’’یونیفارم نظم و ضبط پیدا کرتی ہے۔‘‘ خود انہوں نے کسی قسم کی پریشانی سے بچنے کے لیے تقریباً چار سال قبل اپنے سوٹ اور ٹائی کو ترک کر دیا تھا۔ لیکن ان کا کہنا تھا کہ ایک ایسے ملک میں جہاں اقوام متحدہ کے مطابق 85 فیصد آبادی یومیہ ایک ڈالر سے بھی کم پر گزارہ کرتی ہے، وہاں کچھ خاندانوں کے لیے ایک یونیفارم کے لیے اوسطاً 1,000 افغانی (14امریکی ڈالر) ادا کرنا ایک بوجھ ہے۔
اس پرنسپل کا کہنا تھا، ’’اگر ایک خاندان میں پانچ یا چھ بچے ہیں، تو وہ کیسے گزارہ کریں گے؟‘‘ طالب علموں کو اب اپنی یہ نئی یونیفارم پہن کر اکثر کم وسائل والے خستہ حال اسکولوں میں ہی جانا پڑتا ہے۔ کابل کے اس پرنسپل کا کہنا تھا کہ پہلے تو طلبہ پر یونیفارم کی پابندی کی سختی نہیں تھی لیکن اب وزارت تعلیم کے اہلکار ہفتے میں دو سے تین بار ان کے اسکول میں یہ دیکھنے کے لیے آتے ہیں کہ آیا طلبہ اس نئے یونیفارم سے متعلق حکم کی تعمیل کر رہے ہیں۔
ان کا کہنا تھا، ''افغانستان میں لوگوں کے پاس کوئی چارہ نہیں ہے۔ وہ اطاعت کرتے ہیں اور شکایت نہیں کر سکتے۔‘‘
شکور رحیم اے ایف پی کے ساتھ
ادارت: افسر اعوان
.
ذریعہ
ذریعہ: UrduPoint
کلیدی لفظ: تلاش کیجئے کا کہنا تھا شلوار قمیض طالب علموں طالبان کی اے ایف پی طالب علم کے ساتھ لیکن اب کے لیے
پڑھیں:
سرمایہ کاری نہیں قرضے ترجیح کب تک
حکمران اکثر یہ بات کرتے رہتے ہیں کہ ہمیں قرضے نہیں سرمایہ کاری درکار ہے بلکہ ایسے بیانات مسلسل آتے رہے ہیں اور آئی ایم ایف کے مطالبات پر حکومت فوری رضامندی بھی ظاہر کر دیتی ہے تاکہ قرض کی منظوری میں تاخیر نہ ہو۔ قرض منظوری کے بعد ایسے بیانات جاری ہوتے ہیں جیسے بہت بڑا معرکہ سر کر لیا ہو۔ مطلب یہ ہے کہ ہمیں قرض کے حصول کے لیے آئی ایم ایف کی ہر شرط ماننا اور بے انتہا کوشش کے بعد قرض حاصل کرنے میں کامیابی حاصل ہوتی ہے۔
ملک کو اس حالت میں پہنچایا جا چکا ہے کہ خود انحصاری کی منزل بہت دور ہوگئی ہے ۔ پاکستان کی ہر حکومت نے آئی ایم ایف کی ہر بات مانی لیکن خود انحصاری کی منزل نہ مل سکی۔ غیر سیاسی وزیر خزانہ بھی اس امید پر لائے گئے کہ ان کی کوشش سے ملک خود انحصاری کی طرف بڑھے گا اور غیر ملکی قرضوں کے مزید حصول کی کوشش نہیں ہوگی لیکن سب نے اپنا اولین مقصد مزید قرضے حاصل کرنا بنا رکھا ہے اور آئی ایم ایف کو ہر ممکن طریقے سے مزید قرض دینے پر آمادہ کرنا رہ گیا ہے ۔
اب بھی پاکستان کے لیے آئی ایم ایف کا مزید قرضہ منظور کرا لیا گیا ہے جس کا حکومتی حلقے پرجوش خیر مقدم کررہے ہیں۔ ہر وزیر خزانہ کے بارے میں یہ دعویٰ سننے میں آتا رہاکہ وہ آئی ایم ایف سے معاملات طے کرنے کا وسیع تجربہ رکھتے ہیں، لیکن معاملہ مرض بڑھتا ہی گیا جوں جوں دوا کی جیسا ہی رہا۔ آئی ایم ایف سے جان نہیں چھوٹ رہی بلکہ آئی ایم ایف مزید شرائط سخت کرتا جا رہا ہے اور حکومت کو پرانے قرضوں پر سود ادا کرنے کے لیے مزید قرضے لینا پڑ رہے ہیں۔
آئی ایم ایف اپنی ہر شرط منوا رہا ہے اور حال ہی میں آئی ایم ایف نے پٹرولیم لیوی ہدف میں 18 فی صد اضافے کا کہا ہے جب کہ حکومت نے یہ لیوی آئی ایم ایف کے مطالبے سے بھی بہت زیادہ بڑھا رہی ہے مگر آئی ایم ایف ہے کہ مطمئن ہی نہیں ہوتا۔ آئی ایم ایف نے قرض دینے کے لیے کبھی یہ شرط نہیں رکھی کہ پاکستانی حکومت اپنے شاہانہ اخراجات اور حکومتی افراد کے غیر ملکی دورے کم کرکے اپنی آمدنی کے مطابق اخراجات کم کرے تاکہ اسے مزید قرضے نہ لینا پڑیں۔
موجودہ حکومت کی طرف سے پی ٹی آئی حکومت پر الزام لگایا جاتا ہے کہ اس نے سب سے زیادہ غیر ملکی قرضے لیے اور اقتدار جاتا دیکھ کر آئی ایم ایف کو مزید ناراض کرنے کے فیصلے کیے تھے جس پر نئی حکومت کو غیر ملکی قرضوں کے حصول کے لیے سخت محنت کرنا پڑی تھی اور چار سال سے عوام سرکاری طور یہ دعوے ہی سنتے آ رہے ہیں کہ ہمیں قرضے نہیں غیر ملکی سرمایہ کاری چاہیے۔
یہ دعوے صرف دکھاوے کے لیے ہیں اور حکومت کی اولین ترجیح غیر ملکی قرضوں اور امداد کا حصول رہی ہے۔ حکومت پاکستان کو قرضے مانگنے کی عادت چھوڑدینی چاہیے اور اپنے پیروں پر کھڑے ہونے اور اپنے حاصل مالی وسائل استعمال کرکے خود انحصاری کی عملی کوشش کرنے پر توجہ دینی چاہیے۔ ملکی صنعتوں اور غریبوں پر ٹیکسوں کی بھرمار ہے اور جو تنخواہ دار طبقہ ٹیکسز کے شکنجے میں پہلے سے پھنسا ہوا ہے اس پر اور عوام پر مزید ٹیکس بڑھا دیے گئے ہیں۔
حکومتی ٹیکسوں کی بھرمار، مہنگی بجلی و گیس پر فکسڈ چارجز لگا کر بھی حکومت مطمئن نہیں۔ عوام بجلی نہ بھی استعمال کریں اور سولر سسٹم لگائیں وہ بھی حکومت کو قبول نہیں۔ بجلی پر پہلے ہی بے شمار ٹیکس لگے ہوئے ہیں اس پر کم سے کم بجلی استعمال پر فکسڈ چارجز دو ماہ بعد ہی چھ سو سے نو سو روپے ماہانہ کر دیے گئے ہیں۔ فکسڈ چارجز سے آمدنی بڑھانے کا نیا طریقہ ایجاد کر لیا گیا ہے۔
عوام سانس لینے اور سڑکیں ضرور مفت استعمال کر رہے ہیں اور ہر چیز پر ٹیکس متعلقہ اداروں کو ادا کر رہے ہیں اور وزارت خزانہ ایک ہزار روپے معاوضہ لینے والوں سے بھی ڈیڑھ سو روپے ٹیکس لے رہا ہے اور بیس ہزار ماہانہ کمانے والوں سے بھی تین ہزار روپے لیے جا رہے ہیں جو حکومتی مظالم کی انتہا ہے پھر بھی حکومتی رونا ختم ہونے میں نہیں آتا اور عوام پر جھوٹا الزام کہ وہ ٹیکس نہیں دیتے۔
بڑے تاجروں سے انکم ٹیکس وصولی اور ہر سال اپنے اہداف وصولی میں ناکامی سرکار کا قصور ہے سرکاری ادارے اپنے اہداف حاصل کرنے میں ناکام ثابت ہو چکے ہیں۔ حکومت دکھاوے کی حد تک سرمایہ کاری کو اپنی ترجیح قرار تو دیتی ہے مگر عملی طور ایسا نہیں کر رہی اور اس کی ترجیح اب بھی غیر ملکی قرضوں اور امداد کا حصول ہے۔
وزیر توانائی نے کہا ہے کہ قابل تجدید توانائی کے لیے تین سو ارب ڈالر کی سرمایہ کاری کی ہمیں ضرورت ہے۔ ملکی صنعتوں پر پہلے سے ٹیکسوں کی بھرمار ہے ، نئی سرمایہ کاری کہاں سے آئے گی۔ صنعتیں باہر سے کون لائے گا یہاں تو ملکی سرمایہ بیرون ملک منتقل کیا جا رہے ہے تو یہاں بیرونی سرمایہ کار کیوں آنا چاہیں گے۔ نجیبجلی کمپنیوں کو نوازنا جاری ہے ۔ ایک مخصوص طبقے کو ٹیکسوں پر چھوٹ دی جارہی ہے، جب کہ عام لوگوں کو حکومت ریلیف کیا دے گی ،اسے تو طاقتوروں کو ٹیکسوں سے چھوٹ دینے سے ہی فرصت نہیں مل رہی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ