کراچی ‘ غیرملکی کرنسی، جعلی ادویات اوراسمگلنگ میں ملوث 3 ملزمان گرفتار
اشاعت کی تاریخ: 1st, May 2025 GMT
کراچی(اُردو پوائنٹ اخبارتازہ ترین - این این آئی۔ 01 مئی2025ء)ایف آئی اے اسٹیٹ بینک سرکل کراچی نے جناح انٹرنیشنل ایئرپورٹ کے پارکنگ ایریا میں کارروائی کرتے ہوئے 3 ملزمان کو گرفتار کرلیا۔ترجمان ایف آئی اے کے مطابق گرفتار ملزمان کی شناخت محمد سلیمان، محمد حسین اور شیخ محمد رفیق کے نام سے ہوئی۔ملزم محمد سلیمان تھائی لینڈ سے پاکستان پہنچا جس کے موبائل فون سے غیر قانونی غیر ملکی کرنسی کے تبادلے سے متعلق آڈیو اور ٹیکسٹ پیغامات برآمد ہوئے۔
چھاپہ مار کارروائی میں ملزم سے لاکھوں روپے مالیت کی ملکی و غیر ملکی کرنسی 1 لاکھ چائنیز یان، 35 ہزار 540 تھائی بھات اور 77 ہزار پاکستانی روپے برآمد ہوئے۔علاوہ ازیں ملزم سے یورو، سری لنکن روپے، ملائیشین رنگٹ، سنگاپور ڈالر اور ہانگ کانگ ڈالر بھی برآمد ہوئے۔(جاری ہے)
دوسری کارروائی میں محمد حسین نامی ملزم سے نان کسٹم اشیاء برآمد ہوئی۔ملزم دبئی سے پاکستان پہنچا جس سے 5 عدد نان کسٹم پیڈ لیپ ٹاپ، سام سنگ موبائل فون اور شراب کی 3 بوتلیں برآمد ہوئیں جبکہ ایک اور کارروائی میں شیخ محمد رفیق نامی ملزم گرفتار کیا گیا۔ملزم بیرون ملک سے درآمد شدہ غیر رجسٹرڈ ادویات اسٹیرائیڈز کی بھاری مقدار میں اسمگلنگ کرتے ہوئے پکڑا گیا۔ملزمان کو گرفتار کر کے تفتیش کا آغاز کر دیا گیا ہے۔
.ذریعہ: UrduPoint
کلیدی لفظ: تلاش کیجئے
پڑھیں:
صوابی میں کارروائی: بدعنوانی میں ملوث تحصیل دار اور پٹواری گرفتار
اینٹی کرپشن خیبرپختونخوا نے صوابی میں کارروائی کرتے ہوئے بدعنوانی میں ملوث تحصیل دار اور پٹواری کو گرفتار کرلیا۔
ایکسپریس نیوز کے مطابق ملزمان سرکاری اراضی کو جعلی انتقالات کے ذریعے غیرقانونی طور پر غیرتجارتی بنانے اور ٹیکس کی مد میں خزانے کو چھ ملین روپے کے نقصان پہنچانے میں ملوث پائے گئے۔
شکایات اینٹی کرپشن خیبرپختونخوا کی مشیر وزیراعلیٰ خیبرپختونخوا مصدّق عباسی کی زیرصدارت ماہانہ کھلی کچہری میں موصول ہوئی تھیں۔ ضلع صوابی کے سرکاری اہلکاروں پر تجارتی اراضی کو غیرتجارتی قرار دے کر ٹیکس چوری اور بدعنوانی کا الزام عائد کیا گیا تھا۔
تفتیش کے دوران ریکارڈ کی جانچ پڑتال سے انکشاف ہوا کہ ملزمان نے جعلی انتقالات کے ذریعے زمین کی درجہ بندی تبدیل کر کے سرکاری خزانے کو لاکھوں روپے کا نقصان پہنچایا۔
اینٹی کرپشن خیبرپختونخوا نے ایف آئی آر زیر دفعات 409، 419، 420، 471 پی پی سی اور 5(2) پی سی ایکٹ کے تحت درج کی۔ گرفتار شدگان میں تحصیل دار رزڑ صوابی عصمت اللہ وزیر اور پٹواری ارشد شامل ہیں جبکہ دیگر ملزمان گرداور سرکل شیر سِل، نقاش علی اور امتیاز علی کو بھی ایف آئی آر میں نامزد کیا گیا ہے۔
وائرل فحش ویڈیو میری نہیں: سجل ملک