اقوام متحدہ میں اسلاموفوبیا کے خلاف خصوصی سفیر کی تقرری، پاکستان کا خیر مقدم
اشاعت کی تاریخ: 9th, May 2025 GMT
پاکستان نے اقوام متحدہ کے جانب سے میگیل اینگل مارتینوس کی اسلاموفوبیا کے خلاف بطور خصوصی سفیر تقرری کو خوش آئند قرار دیا ہے۔
ترجمان دفتر خارجہ شفقت علی خان کی جانب سے جاری بیان میں کہا گیا ہے کہ ہم جنرل اسمبلی کی قرارداد نمبر 264/78 بعنوان ’اسلاموفوبیا کے خاتمے کے اقدامات‘ کے تحت مذکورہ تقرری کو خوش آئند قرار دیتے ہیں۔
یہ بھی پڑھیں: اسلامو فوبیا کا مقابلہ کرنے کے لیے مشترکہ اقدامات کی ضرورت ہے، وزیر خارجہ اسحاق ڈار
دفترخارجہ کا کہنا ہے کہ یہ تاریخی تقرری مسلمانوں کے خلاف دنیا بھر میں بڑھتی ہوئی نفرت، عدم برداشت، امتیازی سلوک اور اسلاموفوبیا کے واقعات کا مقابلہ کرنے کے لیے اقوام متحدہ کی جانب سے ایک بڑا سنگِ میل ہے۔
????PR NO.
Pakistan Welcomes the Appointment of Miguel Ángel Moratinos as the United Nations Special Envoy to Combat Islamophobia. pic.twitter.com/p6NfVLKg0c
— Ministry of Foreign Affairs – Pakistan (@ForeignOfficePk) May 9, 2025
بیان میں کہا گیا ہے کہ پاکستان کو اس بات پر فخر ہے کہ اُس نے او آئی سی کی نمائندگی کرتے ہوئے مذکورہ قرارداد کی منظوری میں اپنا کردار ادا کیا اور اقوام متحدہ کے سیکریٹری جنرل کو یہ اختیار تفویض کیا گیا کہ وہ اسلاموفوبیا کے مقابلے کے لیے اپنا خصوصی سفیر مقرر کر سکتے ہیں۔
قرار داد نمبر 264/78 اس سے قبل پاکستان کی جانب سے پیش کی گئی ایک قرار دار نمبر 254/76 کی بنیاد پر منظور کی گئی۔ 254/76 میں 15 مارچ کو اسلاموفوبیا کے خلاف عالمی دن کے طور پر منانے کی منظوری دی گئی تھی۔
یہ بھی پڑھیں: اسلامو فوبیا سے نمٹنے کے اقدامات: پاکستان کا جنرل اسمبلی میں قرارداد کی منظوری کا خیرمقدم
دفتر خارجہ کے بیان میں کہا گیا ہے کہ مذکورہ قرارداد بروقت ہے کیونکہ دنیا بھر میں اسلاموفوبیا کے واقعات بڑی تیزی سے بڑھ رہے ہیں۔ پاکستان، مسلمانوں کے بدنام کرنے کے لیے باقاعدہ مہم، مسجدوں اور مسلم آبادیوں پر حملے اور مسلمان اکثریت والے ملکوں پر بلا اشتعال حملوں کو تشویش کی نگاہ سے دیکھتا ہے۔ یہ حملے زیادہ تر اُن ممالک کی جانب سے کیے جاتے ہیں جو اپنے دوغلے طرز عمل کے بہروپ میں خود کو جمہوری اور سیکولر اقدار کا حامل قرار دیتے ہیں۔
On the occasion of the International Day to Combat Islamophobia today, Pakistan urges the international community to implement tangible and effective measures to address the rising tide of Islamophobia.
Incidents of Islamophobic rhetoric, hate speech, and assaults on Muslim… pic.twitter.com/90ug9of652
— Ministry of Foreign Affairs – Pakistan (@ForeignOfficePk) March 15, 2025
بیان میں کہا گیا ہے کہ نسلی تفاخر اور مقبول عام نعروں سے جنم لینے والے نظریات کے تحت اس طرح کے منظم اور سوچے سمجھے اقدامات نہ صرف بین الاقوامی امن اور سلامتی کے لیے خطرہ ہیں بلکہ اقوام متحدہ چارٹر کے بنیادی اُصولوں کے بھی منافی ہیں۔
دفتر خارجہ کا کہنا ہے کہ دنیا بھر میں اس وقت مذہبی تکریم اور ثقافتی تنوّع کے اُصولوں کے فروغ کے لیے پہلے سے زیادہ عالمی کاوشوں کی ضرورت ہے جس سے لوگوں کے درمیان معاصر تہذیبوں کی تفہیم، باہمی عزت و وقار کے ساتھ ساتھ انسانی حقوق اور انسانی آزادیوں کے تصورات پروان چڑھ سکیں۔
یہ بھی پڑھیں: ’اسلامو فوبیا سے نمٹنے کے لیے عالمی یکجہتی کی اہمیت‘ پر گول میز کانفرنس، سفرا کی شرکت
بیان میں مزید کہا گیا ہے کہ اسلامو فوبیا سے مقابلے کے لیے پاکستان اپنے قائدانہ کردار کے ساتھ پوری طرح پرعزم ہے اور یہ بین المذاہب ہم آہنگی اور مذہبی اقلیتوں کے حقوق کی حفاظت کے لیے بات کرتا رہے گا۔
پاکستان، اسلاموفوبیا کے مقابلے کے لیے سیکریٹری جنرل کے جامع ایکشن پلان کا بیتابی سے منتظر ہے جو کہ بین الاقوامی طور پر جاری ایک بڑھتے ہوئے غلط روّیے سے نمٹنے کے لیے اشد ضروری تزویراتی فریم ورک مہیا کرے گا۔
دفتر خارجہ کے مطابق پاکستان اقوام متحدہ کے خصوصی نمائندہ برائے انسدادِ اسلاموفوبیا کے ساتھ مل کر کام کرنا چاہتا ہے تاکہ وہ اپنی منصبی ذمے داریوں کے ساتھ خوش اسلوبی سے عہدہ برا ہو سکیں اور ایک متحمل، منصف دنیا کے لیے کوشش کرسکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلامو فوبیا اقوام متحدہ پاکستان جنرل اسمبلی دفتر خارجہ میگیل اینگل مارتینوس
ذریعہ
ذریعہ: WE News
کلیدی لفظ: اسلامو فوبیا اقوام متحدہ پاکستان جنرل اسمبلی دفتر خارجہ میں کہا گیا ہے کہ اسلاموفوبیا کے اسلامو فوبیا اقوام متحدہ دفتر خارجہ کی جانب سے کے خلاف کے لیے
پڑھیں:
امتحان میں کامیابی کے باوجود عبدالمجید نوکری سے محروم، عمر کی حد رکاوٹ بن گئی
بھارتی ریاست کیرالہ(Kerala) سے ایک غیر معمولی اور حیران کن واقعہ سامنے آیا ہے جہاں ایک شخص کو سرکاری نوکری کا تقرری نامہ امتحان دینے کے 21 سال بعد جاری کیا گیا، تاہم اس وقت تک وہ عمر کی قانونی حد عبور کر چکا تھا۔
بھارتی میڈیا رپورٹس کے مطابق عبدالمجید نے 2005 میں جونیئر عربی ٹیچر کی آسامی کے لیے امتحان دیا تھا۔ وہ اس امتحان میں کامیاب امیدواروں کی فہرست میں بھی شامل تھے، تاہم اس وقت انہیں تقرری نہیں مل سکی۔ سرکاری فہرست کی مدت تین سال تھی جو 2008 میں ختم ہو گئی، مگر اس دوران خالی آسامی کو پر نہیں کیا جا سکا۔
طویل عرصے تک معاملہ التوا میں رہنے کے بعد 24 اپریل 2026 کو اچانک عبدالمجید کو تقرری نامہ جاری کر دیا گیا۔ لیکن چونکہ اس وقت تک ان کی عمر 60 سال ہو چکی تھی، اس لیے وہ سرکاری ملازمت کے لیے قانونی طور پر اہل نہیں رہے اور ملازمت سنبھال نہیں سکے۔
یہ صورتحال نہ صرف ایک فرد کے لیے مایوسی کا باعث بنی بلکہ سرکاری نظام کی سست روی اور انتظامی تاخیر پر بھی سوالات کھڑے کر دیے ہیں۔ عبدالمجید کا کہنا ہے کہ اگر انہیں بروقت تقرری مل جاتی تو وہ برسوں پہلے اپنی ذمہ داریاں سنبھال چکے ہوتے اور ان کا کیریئر مختلف ہوتا۔
مزیدپڑھیں:فیفا ورلڈکپ 2026 کا آغاز 12 جون سے
مزید دلچسپ اور متنازع پہلو اس وقت سامنے آیا جب ان کے تعلیمی ریکارڈ میں تاریخ پیدائش 27 مئی 1966 درج ہے، جبکہ وہ دعویٰ کرتے ہیں کہ ان کی اصل تاریخ پیدائش 27 مئی 1967 ہے۔ ان کے مطابق اگر سرکاری ریکارڈ میں ایک سال کی درستگی کر دی جائے تو وہ اب بھی ملازمت کے اہل ہو سکتے ہیں۔
انہوں نے اس حوالے سے ریاستی وزیر تعلیم اور قانونی ماہرین کو باضابطہ درخواستیں بھی جمع کروائی ہیں، جن میں انصاف فراہم کرنے کی اپیل کی گئی ہے۔
یہ واقعہ سوشل میڈیا پر بھی زیر بحث ہے، جہاں صارفین کی بڑی تعداد نے سرکاری نظام میں طویل تاخیر اور انتظامی ناکامی پر تنقید کی ہے، جبکہ کچھ لوگوں نے متاثرہ شخص سے ہمدردی کا اظہار کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ