کیاپاکستان اوربھارت کے درمیان واقعی سیز فائرہوگیا،بھارتی وزیرخارجہ ایس جے شنکر کا بیان بھی آگیا
اشاعت کی تاریخ: 10th, May 2025 GMT
نئی دہلی(نیوز ڈیسک) بھارت کے وزیر خارجہ ڈاکٹر ایس جے شنکر نے پاکستان اور بھارت کے درمیان ہونے والے سیز فائر کی تصدیق کردی ہے۔
تفصیلات کے مطابق بھارتی وزیر خارجہ ڈاکٹر ایس جے شنکر نے سماجی رابطے کی ویب سائٹ ایکس پر اپنے ایک بیان کہا ہے کہ بھارت اور پاکستان نے آج فائرنگ اور فوجی کارروائی روکنے پر ایک مفاہمت طے کر لی ہے۔
بھارتی وزیر خارجہ نے مزید لکھا کہ بھارت نے ہمیشہ ہر قسم اور ہر شکل میں دہشت گردی کے خلاف ایک مضبوط اور غیر سمجھوتہ کرنے والا موقف اختیار کیا ہے۔ وہ ایسا کرتا رہے گا۔
خیال رہے کہ پاکستان اور بھارت کے درمیان فوری طور پر جنگ بندی پر اتفاق ہوا ہے۔ بھارتی سیکریٹری خارجہ کے مطابق سیز فائر کا آغاز مقامی وقت کے مطابق شام پانچ بجےسے ہوا ہے۔یہ معاملہ دونوں ممالک کے ڈی جی ایم اوز کے درمیان براہ راست رابطے کے بعد طے پایا ہے۔
مزیدپڑھیں:اللہ کاشکر ہے پاکستان سربلند ہوا،نواز شریف
ذریعہ: Daily Ausaf
پڑھیں:
پاکستان و ہنگری کا تعلقات مزید مضبوط بنانے کے عزم کا اعادہ
نائب وزیرِ اعظم و وزیرِ خارجہ اسحاق ڈار—فائل فوٹونائب وزیرِ اعظم و وزیرِ خارجہ اسحاق ڈار کا کہنا ہے کہ پاکستانی طلباء کو 400 اسکالرشپس دینے پر ہنگری حکومت کا شکریہ ادا کرتے ہیں۔
یہ بات انہوں نے نیو یارک میں ہنگری کے وزیرِ خارجہ سے ملاقات کے موقع پر کہی ہے۔
دفترِ خارجہ کے مطابق یہ ملاقات نیو یارک میں اقوامِ متحدہ کی جنرل اسمبلی کے اجلاس کے موقع پر ہوئی ہے جس میں دونوں وزرائے خارجہ نے پاکستان اور ہنگری کے تعلقات مزید مضبوط بنانے کے عزم کا اعادہ کیا۔
نائب وزیراعظم اور وزیر خارجہ سینیٹر اسحاق ڈار نے کہا ہے کہ محض الفاظ نہیں بلکہ عملی اقدام سے اپنے عزم کو دہرانا ہوگا۔
ملاقات میں سفارتی تعلقات کے قیام کی 60 ویں سالگرہ پر نئے شعبوں میں تعاون پر اتفاق کیا گیا، جبکہ پاکستان نے ہنگری کے ساتھ تجارت اور سرمایہ کاری روابط بڑھانے کی خواہش کا اظہار کیا۔
ہنگری کے وزیرِ خارجہ نے پاکستان کی حمایت اور ذاتی دلچسپی پر وزیرِاعظم شہباز شریف اور وزیرِ خارجہ اسحاق ڈارکا شکریہ ادا کیا۔
دفترِ خارجہ کے مطابق دونوں ملکوں نے سرمایہ کاری کے تحفظ کے معاہدے کو جلد حتمی شکل دینے، شہری ہوابازی میں تعاون اور براہِ راست پروازیں شروع کرنے پر اتفاق کیا۔
دونوں وزرائے خارجہ نے سفارتی و سرکاری پاسپورٹ ہولڈرز کے لیے ویزا فری معاہدے کی تکمیل پر زور بھی دیا، اس موقع پر ہنگری کے وزیرِخارجہ نے تعلیم کے مزید مواقع فراہم کرنے کی یقین دہانی کرائی۔
پاکستان اور ہنگری کے وزرائے خارجہ کی ملاقات میں علاقائی اور عالمی امن و سلامتی کے امور بھی زیرِ غور آئے۔
نبیل ظفر کو زندگی میں کس بات کا بےحد پچھتاوا ہے؟