نوشکی، پنجاب سے تعلق رکھنے والے چار افراد کی لاش برآمد
اشاعت کی تاریخ: 13th, May 2025 GMT
ہسپتال ذرائع کے مطابق دو افراد معین ولد غلام مصطفیٰ اور حذیفہ ولد محمد لطیف کا تعلق پاکپتن، جبکہ عمران علی ولد مقصود احمد اور عرفان علی ولد مقصود احمد کا تعلق رحیم یار خان سے ہے اسلام ٹائمز۔ بلوچستان کے ضلع نوشکی سے پنجاب سے تعلق رکھنے والے چار افراد کی لاشیں ملی ہیں۔ لیویز ذرائع نے خبر کی تصدیق کرتے ہوئے بتایا کہ نوشکی کے علاقے گلنگور سے مذکورہ افراد کی لاشیں ملی ہیں۔ مذکورہ افراد کو نامعلوم افراد نے گالی مار کر جانبحق کیا۔ لاشوں کو مزید قانونی کارروائی کے لئے ٹیچنگ ہسپتال نوشکی منتقل کیا گیا۔ ہسپتال ذرائع نے بتایا کہ چاروں افراد کا تعلق پنجاب سے ہے۔ دو افراد معین ولد غلام مصطفیٰ اور حذیفہ ولد محمد لطیف کا تعلق پاکپتن، جبکہ عمران علی ولد مقصود احمد اور عرفان علی ولد مقصود احمد کا تعلق رحیم یار خان سے ہے۔ لیویز حکام کی جانب سے جائے وقوعہ سے شوائد اکھٹے کرنے اور ملزمان کی تلاش جاری ہے۔
.ذریعہ: Islam Times
کلیدی لفظ: علی ولد مقصود احمد کا تعلق
پڑھیں:
آج کا دن (27ستمبر) تاریخ کے آئینے میں، پہلی انجن ٹرین چلنے سمیت کیا کچھ ہوا؟
دنیا کی تاریخ میں 27 ستمبر کئی اہم واقعات کی یاد دلاتا ہے، جو سیاست، سائنس، ٹیکنالوجی، ثقافت اور عالمی حالات پر گہرا اثر چھوڑ گئے۔
یہ بھی پڑھیں: کیا آپ جرمنی میں لاگو ان دلچسپ و عجیب قوانین سے واقف ہیں؟
27 ستمبر 1825 برطانیہ میں جارج اسٹیفن سن نے پہلی بار انجن کے ذریعے مسافروں سے بھری ریل گاڑی چلائی، جس نے ٹرانسپورٹ کے ایک نئے دور کا آغاز کیا۔
27 ستمبر 1938 اسکاٹ لینڈ میں ایک شاندار تقریب کے دوران ملکہ الزبتھ نے دنیا کے سب سے بڑے اوشین لائنر کو اپنے نام سے منسوب کیا۔ یہ بحری جہاز کوئین میری کا ہم شکل (سسٹر شپ) تھا جو چار برس پہلے بنایا گیا تھا۔
27 ستمبر 1939 دوسری جنگِ عظیم کے دوران 19 دن کی شدید بمباری اور گولہ باری کے بعد پولینڈ کے دارالحکومت وارسا کے دفاع کرنے والے دستوں نے جرمن فوج کے سامنے ہتھیار ڈال دیے۔
27 ستمبر 1954 امریکی ٹی وی پروگرام دی ٹونائٹ شو کا آغاز ہوا، جس کے پہلے میزبان اسٹیو ایلن تھے۔ یہ پروگرام بعد میں امریکی ٹیلی وژن کی تاریخ کا سب سے مقبول نائٹ شو ثابت ہوا۔
یہ بھی پڑھیں: اولڈ ایج ہوم کی تنہایوں میں مِسٹری مووی کا جنم، معمر افراد نے کمال کردکھایا
27 ستمبر 1964 امریکی صدر جان ایف کینیڈی کے قتل کی تحقیقات کرنے والے وارن کمیشن نے 10 ماہ کی تفتیش کے بعد رپورٹ جاری کی، جس میں یہ نتیجہ اخذ کیا گیا کہ قاتل لی ہاروی اوسوالڈ نے اکیلے کارروائی کی، اور کسی سازش کا کوئی ثبوت نہیں ملا۔
27 ستمبر 1998 جرمنی کی سوشلسٹ ڈیموکریٹک پارٹی کے رہنما گیرہارڈ شروڈر نے انتخابات میں کامیابی حاصل کی اور ہیلمٹ کوہل کے 16 سالہ دورِ اقتدار کا خاتمہ کیا۔
27 ستمبر 2008 چین کے خلا نورد ژائی ژی گانگ نے شینزو VII خلائی جہاز سے باہر نکل کر ملک کی تاریخ کا پہلا اسپیس واک کیا۔
27 ستمبر 2010 برطانیہ میں سیگ وے اسکوٹر بنانے والے 62 سالہ کاروباری شخصیت جمی ہیسلڈن ایک حادثے میں ہلاک ہوگئے، جب وہ اپنی ہی ایجاد پر سوار ہوکر کھائی میں جا گرے۔
27 ستمبر 2013 بھارتی شہر ممبئی میں ایک پانچ منزلہ عمارت کے گرنے سے 60 افراد جاں بحق ہوئے۔ اس سے قبل بھی صرف 5 ماہ میں شہر میں 2 مزید عمارتیں گری تھیں، جن میں 80 سے زائد افراد لقمہ اجل بنے۔
27 ستمبر 2014 جاپان کے دوسرے بڑے آتش فشاں پہاڑ اونٹیک کے اچانک پھٹنے سے 63 افراد ہلاک ہوگئے، جن میں زیادہ تر کوہ پیمائی کے شوقین افراد شامل تھے۔
27 ستمبر 2017 تھائی لینڈ کی سپریم کورٹ نے سابق وزیرِاعظم ینگ لک شناواترا کو کرپشن اسکینڈل پر 5 سال قید کی سزا سنائی۔
27 ستمبر 2021 امریکا کی ایک عدالت نے گلوکار آر کیلی کو کئی برسوں تک خواتین اور کم عمر لڑکیوں پر جنسی تشدد کا مرتکب قرار دے کر مجرم ٹھہرایا، جس کے بعد انہیں 30 سال قید کی سزا دی گئی۔
27 ستمبر 2023 امریکا میں رائٹرز گلڈ آف امریکا کے اراکین نے 146 دن طویل ہڑتال ختم کی۔ مصنفین کی اس تنظیم اور پروڈیوسرز کے درمیان معاہدے کے بعد ہالی ووڈ میں کام دوبارہ شروع ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ستمبر we news آتش فشاں اونٹیک برطانیہ پہلی انجن ٹرین تاریخ ٹیکنالوجی جاپان جارج اسٹیفن سن
محبت کی جیت! سیلاب بھی دلہا کو دلہن لانے سے نہ روک سکا