پشاور، اسلامی جمعیت طلبہ کے زیراہتمام 10واں انڈر گریجویٹ میڈیکل فورم کانفرنس اختتام پذیر
اشاعت کی تاریخ: 13th, May 2025 GMT
ناظم اعلیٰ اسلامی جمعیت طلبہ پاکستان حسن بلال ہاشمی نے کہا ہے کہ میڈیکل شعبہ سے وابستہ طلبہ و طالبات بے چینی کا شکار ہیں، میڈیکل کے طلباء کو بے شمار مسائل کا سامنا ہے جن کی طرف توجہ دینا اور ان کا حل نکالنا ضروری ہے۔ اسلام ٹائمز۔ ناظم اعلیٰ اسلامی جمعیت طلبہ پاکستان حسن بلال ہاشمی نے کہا ہے کہ میڈیکل شعبہ سے وابستہ طلبہ و طالبات بے چینی کا شکار ہیں، میڈیکل کے طلباء کو بے شمار مسائل کا سامنا ہے جن کی طرف توجہ دینا اور ان کا حل نکالنا ضروری ہے۔ ان خیالات کا اظہار انہوں نے اسلامی جمعیت طلبہ پرائیوٹ میڈیکل کالجز کے زیراہتمام پشاور میں منعقدہ سالانہ انڈرگریجویٹ میڈیکل فورم (یو ایم ایف) کانفرنس سے خطاب کرتے ہوئے کیا۔ ناظم اعلیٰ نے پی ایم ڈی سی کی جانب سے جاری کردہ نوٹیفکیشن جس میں حاضری اور پاسنگ مارکس میں اضافہ کیا گیا ہے، کو مسترد کرتے ہوئے کہا کہ پہلے ہی میڈیکل طلباء کو مختلف چیلنجز کا سامنا ہے اور اس نوٹیفکیشن سے مزید اضطراب پیدا ہو گیا ہے۔ پی ایم ڈی سی کو اپنا نوٹیفکیشن فی الفور واپس لے لینا چاہیے۔ کانفرنس میں پشاور بھر کے سرکاری و نجی میڈیکل کالجز سے طلبہ و طالبات کی بڑی تعداد نے شرکت کی۔
سالانہ کانفرنس کا مقصد شعبہ طب سے وابستہ طلبہ و طالبات کے لیے مثبت اور تعلیم دوست سرگرمیوں کا انعقاد تھا جس میں میڈیکل ایتھکس، پروفیشنل لائف اور کلینکل سکلز کو فروغ دینے پر زور دیا گیا۔ صوبائی ناظم اسفندیار عزت نے کہا کہ ماضی میں مسلمانوں کی تحقیق اور علمی سرمایہ نے دنیا کو نہ صرف نئے علوم سے روشناس کرایا، بلکہ سائنسی میدان میں بھی اہم کامیابیاں حاصل کیں۔ انہوں نے مزید کہا کہ آج کے دور میں بھی تحقیق اور علم کو فروغ دینے کی ضرورت ہے تاکہ ہم اپنی تاریخی وراثت کو محفوظ رکھ سکیں اور دنیا بھر میں اپنا مقام دوبارہ حاصل کر سکیں۔ انڈر گریجویٹ میڈیکل فورم کی 10 سالہ کامیاب سرگرمیوں کو اجاگر کرنے کے لیے ایک کیک کاٹنے کی تقریب کا انعقاد بھی کیا گیا، جس میں طلبہ کی ترقی، میڈیکل تعلیم اور پیشہ ورانہ اخلاقیات کے میدان میں 10 سال مکمل کرنے کی خدمات کو سراہا گیا۔
ذریعہ
ذریعہ: Islam Times
کلیدی لفظ: اسلامی جمعیت طلبہ طلبہ و طالبات
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ