ماضی میں حکمران اسرائیل کو تسلیم کرنے جارہے تھے، مولانا فضل الرحمان
اشاعت کی تاریخ: 15th, May 2025 GMT
کوئٹہ میں تقریب سے خطاب کرتے ہوئے مولانا فضل الرحمان نے کہا کہ پاکستان نے اہل غزہ کا بدلہ لے لیا ہے اور اگر حکمران اجازت دیں تو اسرائیل کی اینٹ سے اینٹ بجا دینگے۔ اسلام ٹائمز۔ جمعیت علمائے اسلام کے سربراہ مولانا فضل الرحمان نے کہا ہے کہ مودی کا باپ بھی پاکستان کا پانی بند نہیں کرسکتا۔ بھارت نے اسرائیل کا نمائندہ بن کر پاکستان پر حملہ کیا، لیکن ہمارے جوانوں اور جانبازوں نے ایسا دندان شکن جواب دیا جو بھارت کو ہمیشہ یاد رہے گا۔ یہ بات انہوں نے کوئٹہ میں ’مودی، اسرائیل مردہ باد ملین مارچ‘ کی تقریب سے خطاب کرتے ہوئے کہی۔ جے یو آئی کے سربراہ مولانا فضل الرحمان نے کہا کہ جمعیت علمائے اسلام نے ہمیشہ امت مسلمہ کی آواز کو بلند کیا ہے اور آج بھی اہل غزہ کے ساتھ اظہار یکجہتی کے لیے کوئٹہ کی سرزمین سے آواز بلند کر رہے ہیں۔ انہوں نے دعویٰ کیا کہ ماضی میں پاکستان کے حکمران اسرائیل کو تسلیم کرنے جا رہے تھے لیکن جے یو آئی نے ملک گیر تحریک چلا کر ان کے ارادوں کو ناکام بنایا۔ انہوں نے اسرائیل کے غزہ پر حملوں کی شدید مذمت کرتے ہوئے کہا کہ اسرائیل روز اول سے پاکستان کا دشمن ہے اور مودی نے اسرائیل کی حمایت کر کے مسلمانوں کے خلاف سازش کی ہے۔
جے یو آئی سربراہ نے مزید کہا کہ پاکستان نے اہل غزہ کا بدلہ لے لیا ہے اور اگر حکمران اجازت دیں تو اسرائیل کی اینٹ سے اینٹ بجا دیں گے۔ مولانا فضل الرحمان نے امریکی صدر کو بھی تنقید کا نشانہ بناتے ہوئے کہا کہ ٹرمپ اسرائیل کی پشت پناہی بند کرے۔ انہوں نے واضح کیا کہ پاکستان کا استقلال اور استحکام ہمیں عزیز ہے اور اس پر کوئی سمجھوتہ نہیں کیا جائے گا۔ بلوچستان کے عوام کے حقوق پر بات کرتے ہوئے مولانا نے کہا کہ بلوچستان کے وسائل پر پہلا حق یہاں کے عوام اور ان کے بچوں کا ہے۔ کوئی کسی کے وسائل پر قبضہ نہیں کرسکتا۔ پنجاب، سندھ اور خیبرپختونخوا کے وسائل پر بھی ان کے عوام کا ہی حق ہے۔ بھارت کو سخت پیغام دیتے ہوئے مولانا فضل الرحمان نے کہا کہ مودی کا باپ بھی پاکستان کا پانی بند نہیں کرسکتا۔ مودی نے طاقت کے زور پر تنازعات حل کرنے کی کوشش کی لیکن اس کا جو انجام ہوا وہ سب کے سامنے ہے۔ مارچ کے شرکاء نے مودی مردہ باد اور اسرائیل مردہ باد کے فلک شگاف نعرے لگائے اور فلسطینی عوام کے ساتھ مکمل یکجہتی کا اظہار کیا۔
ذریعہ: Islam Times
کلیدی لفظ: مولانا فضل الرحمان نے کہا اسرائیل کی پاکستان کا کرتے ہوئے نے کہا کہ انہوں نے ہے اور
پڑھیں:
غزہ میں اسرائیلی نسل کشی پر مودی حکومت کی خاموشی شرمناک ہے، پرینکا گاندھی
کانگریس رکن پارلیمنٹ نے کہا ہے کہ اسرائیل نے بھوک سے سینکڑوں لوگوں کو ہلاک کیا ہے، جن میں بہت سارے بچے بھی شامل ہیں اور لاکھوں لوگوں کو بھوک سے مرنے کی دھمکی دی گئی ہے۔ اسلام ٹائمز۔ انڈین نیشنل کانگریس کی لیڈر پرینکا گاندھی نے کہا کہ اسرائیل فلسطین میں نسل کشی کر رہا ہے، اب تک 60 ہزار سے زیادہ افراد ہلاک ہوئے ہیں جن میں سے 18430 بچے شامل ہیں۔ پرینکا گاندھی کی رکن پارلیمنٹ نے مودی حکومت کو اس حقیقت پر تنقید کی کہ جب اسرائیل فلسطین کے لوگوں پر تباہی مچا رہا ہے تو یہ اب بھی خاموش ہیں۔ پرینکا گاندھی نے کہا کہ اسرائیل نے قتل عام مچایا ہے، اس نے 60 ہزار سے زیادہ افراد کو ہلاک کیا ہے جن میں 18430 بچے بھی شامل ہیں۔ انہوں نے ایکس پر لکھا ہے کہ اسرائیل نے بھوک سے سینکڑوں لوگوں کو ہلاک کیا ہے، جن میں بہت سارے بچے بھی شامل ہیں اور لاکھوں لوگوں کو بھوک سے مرنے کی دھمکی دی گئی ہے۔
پرینکا گاندھی نے کہا کہ ان جرائم کو خاموشی اور بے عملی کے ساتھ فروغ دینا اپنے آپ میں ایک جرم ہے، یہ شرم کی بات ہے کہ ہندوستانی حکومت خاموش بیٹھی ہے جبکہ اسرائیل فلسطین کے لوگوں کو تباہی کا باعث بن رہا ہے۔ ایکس پر ایک اور پوسٹ میں پرینکا گاندھی نے کہا کہ الجزیرہ کے پانچ صحافیوں کا بے رحمانہ قتل فلسطینی زمین پر ایک اور گھناؤنا جرم ہے۔ انہوں نے کہا کہ ان لوگوں کی ناقابل تسخیر ہمت جو سچائی کے لئے کھڑے ہیں وہ کبھی بھی اسرائیلی تشدد اور نفرت سے نہیں ٹوٹ پائیں گے، ایسی دنیا میں جہاں بیشتر میڈیا طاقت اور کاروبار کا غلام ہے، ان بہادر لوگوں نے ہمیں حقیقی صحافت کی یاد دلادی۔ پرینکا گاندھی نے مزید کہا کہ خدا ان کی روح کو تسکین دے۔ انہوں نے کہا کہ الجزیرہ میڈیا نیٹ ورک کے مطابق غزہ شہر کے الشفا اسپتال کے باہر صحافیوں کے ایک خیمے پر اسرائیلی حملے میں الجزیرہ کے صحافی اناس الشریف کو ان کے چار ساتھیوں کے ساتھ ہلاک کیا گیا۔
بحریہ ٹاؤن کی ممکنہ بندش کے بعد کیا ہوگا؟