اسرائیل نے غزہ پر مکمل قبضے کا اعلان کردیا؟
اشاعت کی تاریخ: 19th, May 2025 GMT
اسرائیلی وزیراعظم نیتن یاہو نے کہا ہے کہ اسرائیل غزہ پر مکمل قبضہ کرے گا، اسرائیلی فوج نے غزہ کے دوسرے بڑے شہر خان یونس کے تمام شہریوں کو فوری جبری انخلا کا حکم بھی دے دیا۔
یہ بھی پڑھیں: عرب رہنماؤں کا غزہ میں جنگ بندی پر زور، علاقے کی تعمیر نو کا عزم
اسرائیل کے نشریاتی ادارے ’کان‘ کے مطابق اسرائیلی وزیراعظم نیتن یاہو نے کہا ہے کہ ہم غزہ کی پٹی کے تمام علاقوں پر کنٹرول حاصل کرنے جارہے ہیں۔
خان یونس میں آج صبح ہونے والے اسرائیلی فوج کے ’خصوصی آپریشن‘ کے بارے میں نیتن یاہو نے کہا کہ اسرائیلی فورسز ’وہاں بہت اچھا کام کر رہی ہیں، تاہم میں زیادہ تفصیلات بیان نہیں کرسکتا۔
اسرائیلی فوج کا فلسطینی شہریوں کو خان یونس چھوڑنے کا حکماسرائیلی فوج کے عربی زبان کے ترجمان اویچائے ادرعی نے سوشل میڈیا پلیٹ فارم ’ایکس‘ پر ایک حکم شیئر کیا ہے، جس میں اسرائیلی فوج نے غزہ کے دوسرے بڑے شہر خان یونس، قریبی علاقوں بنی سہیلا اور عبسان کے رہائشیوں کو فوری طور پر علاقہ چھوڑنے کا حکم دیا ہے، اور انہیں خبردار کیا ہے کہ وہاں ’ایک بے مثال حملہ‘ ہونے والا ہے۔
یہ بھی پڑھیں: برطانوی ڈاکٹر نے غزہ کے اسپتال پر اسرائیلی حملے کے بعد کی ہولناک فوٹیج جاری کر دی
حکم نامے میں شہریوں سے کہا گیا ہے کہ وہ مغرب کی طرف واقع علاقے المواسی منتقل ہوجائیں، پوسٹ میں مزید کہا گیا ہے کہ خان یونس کو فوری طور پر ایک ’خطرناک جنگی زون‘ تصور کیا جائے گا۔
یاد رہے کہ ایسا ہی ایک حکم اس سے ایک دن قبل اسرائیلی فوج کی جانب سے وسطی غزہ کے علاقوں، بشمول جنوبی دیر البلح میں واقع القارعہ، کے لیے بھی جاری کیا گیا تھا، جہاں اسرائیلی فوج نے اپنے حملوں کا دائرہ وسیع کردیا ہے۔
غزہ میں معدود پیمانے پر امداد کی بحالیامریکا کے دباؤ پر اسرائیلی وزیر اعظم نیتن یاہو نے غزہ کی پٹی میں بنیادی انسانی امداد کی فوری بحالی کا حکم دیا ہے، امریکا کی طرف سے کئی ماہ سے جاری ناکہ بندی ختم کرنے کے لیے اسرائیل پر دباؤ بڑھ رہا تھا، اور امریکا کا اسرائیل سے تعاون خطرے میں پڑ گیا تھا۔
ٹائمز آف اسرائیل کے مطابق یہ اقدام اسرائیل کی سیکیورٹی کابینہ کے اجلاس میں منظور کیا گیا، جنہوں نے مبینہ طور پر خبردار کیا تھا کہ اقوام متحدہ اور امدادی تنظیموں کے پاس خوراک کا ذخیرہ مکمل طور پر ختم ہوچکا ہے، جس سے شدید انسانی بحران پیدا ہوچکا ہے۔
غزہ پر اسرائیلی حملوں میں شدتغزہ میں اسرائیلی حملوں میں مزید شدت آگئی ہے، اسرائیلی فوج نے غزہ میں گزشتہ 24 گھنٹوں کے دوران 160 مقامات کو نشانہ بنایا ہے۔
یہ بھی پڑھیں: حماس نے اسرائیل کے ساتھ غزہ میں جنگ بندی کے لیے نئے مذاکرات کی تصدیق کردی
اسرائیلی فوج نے دعویٰ کیا ہے کہ اس نے غزہ کے مختلف علاقوں میں فلسطینی مزاحمت کاروں کے زیر استعمال بنیادی ڈھانچے کو تباہ کیا، جن میں اینٹی ٹینک راکٹ لانچر کے مقامات اور اسلحہ کے گودام شامل ہیں۔
فلسطینی کمانڈر کی شہادت کی تصدیقغزہ میں قائم فلسطینی گروپ ’پاپولر ریزسٹنس کمیٹیز‘ کے عسکری ونگ الناصر صلاح الدین بریگیڈز نے خان یونس میں اسرائیل کے حملے میں اپنے کمانڈر کی شہادت کی تصدیق کی ہے کہ احمد سرحان جنوبی غزہ کے شہر خان یونس میں شہید ہوئے ہیں۔
یہ بھی پڑھیں: سعودی عرب کا مضبوط بیان: عرب ممالک کے ردعمل کی تحسین، نیتن یاہو کے بیانات کی شدید مذمت
’اسرائیل کی خصوصی فورسز نے کمانڈر کو گرفتار کرنے کی کوشش کی، لیکن انہوں نے مزاحمت کی، جس پر جھڑپ میں وہ شہید ہوگئے۔‘
عینی شاہدین کے مطابق اسرائیلی فورسز نے مزاحمتی کمانڈر کی بیوی اور بچے کو بھی حراست میں لے لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل اسرائیلی فوج خان یونس فلسطین قبضہ نیتن یاہو.
ذریعہ
ذریعہ: WE News
کلیدی لفظ: اسرائیل اسرائیلی فوج خان یونس فلسطین نیتن یاہو اسرائیلی فوج نے نیتن یاہو نے اسرائیل کے نے غزہ کے خان یونس کے لیے کا حکم
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی