انسانی امداد کے داخلے کی اجازت، غزہ سے جبری نقل مکانی کے منصوبے کو عملی جامہ پہنانے کیلئے ہے، صیہونی وزیر خزانہ
اشاعت کی تاریخ: 19th, May 2025 GMT
اپنی ایک تقریر میں بزالل اسموٹریچ کا کہنا تھا کہ آخری اسرائیلی قیدی کی واپسی تک، ہمیں غزہ میں پانی تک نہیں جانے دینا چاہیے۔ اسلام ٹائمز۔ اسرائیلی وزیر خزانہ Bezalel Smotrich نے ایک تقریر میں کہا کہ ہم کل سے جو کچھ دیکھ رہے ہیں وہ سراسر پاگل پن ہے۔ حماس کو کوئی امداد نہیں پہنچے گی۔ جو بھی غزہ میں امداد پہنچانے کی بات کرتا ہے وہ جھوٹ بولتا ہے۔ انہوں نے مزید کہا کہ ماضی میں جو ہوا اسے دُہرایا نہیں جائے گا۔ ہم صرف خوراک و ادویات کی کم سے کم مقدار غزہ جانے دیں گے۔ بزالل اسموٹریچ نے کہا کہ آخری اسرائیلی قیدی کی واپسی تک، ہمیں غزہ میں پانی تک نہیں جانے دینا چاہیے۔ تاہم اگر ہم نے یہی روش جاری رکھی تو دنیا ہمیں جنگ بندی پر مجبور کرے گی۔ صیہونی وزیر خزانہ نے کہا کہ ہم اس وقت غزہ کی پٹی میں باقی رہ جانے والی ہر چیز کو تباہ کر رہے ہیں، جس سے حماس کی تباہی اور قیدیوں کی واپسی ممکن ہو گی۔ انہوں نے کہا کہ غزہ کے رہائشیوں کو غزہ کی پٹی کے جنوب اور وہاں سے تیسرے ممالک میں منتقل کیا جائے گا جو کہ امریکی صدر کے فلسطینیوں کی نقل مکانی کے منصوبے کی کڑی ہے۔ یہ ایک تاریخی پیش رفت ہے۔
قبل ازیں عبرانی اخبار معاریو نے رپورٹ دی تھی کہ اسرائیلی وزیر خزانہ نے کہا کہ اگر حماس کو امداد کا ایک ٹکڑا بھی پہنچا تو وہ حکومت کی کابینہ اور وزارتی کونسل چھوڑ دیں گے، لیکن بزالل سموٹریچ نے اپنی تازہ ترین تقریر میں اس بات پر زور دیا کہ میں کابینہ سے استعفیٰ نہیں دوں گا۔ دوسری جانب اقوام متحدہ کے اداروں نے غزہ میں اسرائیل کی جانب سے امداد کی تقسیم کے طریقہ کار کی مخالفت کا اظہار کیا۔ ان اداروں نے کہا کہ صیہونی رژیم کا مقصد غزہ کے لوگوں کو جنوب کی طرف منتقل کرنا اور پھر انہیں دوسرے ممالک ہجرت پر مجبور کرنا ہے۔ اس حوالے سے اسرائیلی اخبار نے رپورٹ دی کہ غزہ کے لیے امداد کی بحالی صیہونی حکام کے مطابق نہیں بلکہ دوہری شہریت رکھنے والے صیہونی قیدی ایڈن الیگزینڈر کی رہائی کے بدلے میں ہے۔ اسی دوران صہیونی ریڈیو اور ٹیلی ویژن نے رپورٹ دی کہ اسرائیل کے وزیر خارجہ "گیڈعون سعر" نے یورپی یونین اور امریکہ کی جانب سے پابندیاں عائد کرنے کے دباؤ و دھمکیوں کے پیش نظر حکومت کی سیکورٹی کابینہ کے اجلاس میں فوری طور پر غزہ میں امداد داخل کرنے کا مطالبہ کیا تھا۔
ذریعہ
ذریعہ: Islam Times
کلیدی لفظ: نے کہا کہ
پڑھیں:
ایمنسٹی انٹرنیشنل کا نیتن یاہو کی گرفتاری کا مطالبہ، آئی سی سی میں مقدمہ چلانے پر زور
ایمنسٹی انٹرنیشنل کی سینئر عہدیدار ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان پر بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔ انہوں نے کہا کہ امریکا کو انسانی حقوق اور قانون کی حکمرانی کا احترام کرتے ہوئے عدالتی فیصلوں پر عمل درآمد یقینی بنانا چاہیے۔
ایمنسٹی انٹرنیشنل کی سینئر ڈائریکٹر برائے تحقیق، وکالت، پالیسی اور مہمات، ایریکا گویرا روزاس نے اسرائیلی وزیراعظم بنیامین نیتن یاہو کی گرفتاری اور ان کے خلاف بین الاقوامی فوجداری عدالت (آئی سی سی) میں مقدمہ چلانے کا مطالبہ کیا ہے۔
Instead of waging a campaign against the @IntlCrimCourt and continuing to arm a government committing genocide, US authorities should uphold human rights and respect the rule of law. @NYCMayor Mamdani is right: @netanyahu should be arrested, and brought before the International… pic.twitter.com/mai4rtENAh
— Erika Guevara Rosas (@ErikaGuevaraR) July 23, 2026
ایریکا گویرا روزاس نے سماجی رابطے کے پلیٹ فارم ایکس (سابقہ ٹوئٹر) پر اپنے بیان میں نیویارک کے میئر زوہران ممدانی کے حالیہ مؤقف کی حمایت کی، جنہوں نے کہا تھا کہ اگر بنیامین نیتن یاہو نیویارک کا دورہ کریں تو انہیں گرفتار کیا جانا چاہیے۔
یہ بھی پڑھیے نیتن یاہو جنگی مجرم، اس کی جگہ جیل ہے، ظہران ممدانی ستمبر میں اسرائیلی وزیراعظم کو گرفتار کرنے پر بضد
روزاس نے اپنے بیان میں کہا کہ امریکی حکام کو انسانی حقوق کے تحفظ اور قانون کی حکمرانی کا احترام کرنا چاہیے۔
واضح رہے کہ بین الاقوامی فوجداری عدالت (ICC) نے 2024 میں بنیامین نیتن یاہو کے خلاف غزہ میں جنگی جرائم کے الزامات کے تحت گرفتاری کے وارنٹ جاری کیے تھے۔ عدالت کا مؤقف ہے کہ غزہ میں جاری جنگ کے دوران مبینہ جنگی جرائم کے الزامات کی باقاعدہ تحقیقات اور قانونی کارروائی ضروری ہے۔
یہ بھی پڑھیے نیتن یاہو کو گرفتار کریں گے، ہنگری کے نومنتخب وزیراعظم کا بڑا اعلان
اسرائیل آئی سی سی کے الزامات کو مسترد کرتا ہے، جبکہ غزہ میں جاری جنگ اور انسانی بحران کے تناظر میں اسرائیلی قیادت کے خلاف بین الاقوامی سطح پر قانونی اور سفارتی دباؤ مسلسل بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایمنسٹی انٹرنیشنل جنگی جرائم نیتن یاہو
ٹی20 ورلڈ کپ 2026: پاکستان نے سپر 8 کے لیے جگہ پکی کر لی