دہشتگردی کیخلاف جنگ آخری دہشتگرد کے خاتمے تک جاری رہے گی‘ سرفراز بگٹی
اشاعت کی تاریخ: 20th, May 2025 GMT
کوئٹہ(این این آئی) وزیراعلیٰ بلوچستان میرسرفراز بگٹی نے قلعہ عبداللہ گلستان مارکیٹ میں دھماکہ کی شدید مذمت کی ہے۔وزیراعلیٰ بلوچستان میر سرفراز بگٹی نے کہا کہ شہداء کے اہل خانہ کے غم میں برابر کے شریک ہیں، غم کی اس گھڑی میں متاثرہ خاندانوں کو تنہا نہیں چھوڑیں گے، معصوم شہریوں کی شہادت پر دل شدید رنجیدہ ہے، زخمیوں کی جلد صحت یابی کیلئے دعا گو ہیں۔میر سرفراز بگٹی نے کہا کہ دہشتگردی کے خلاف جنگ بلا شبہ قومی سلامتی کی جنگ ہے، دہشتگردوں کو کسی صورت معاف نہیں کیا جائے گا، دہشتگردی کے خلاف جنگ آخری دہشتگرد کے خاتمے تک جاری رہے گی۔وزیر اعلیٰ بلوچستان نے مزید کہا کہ گلستان دھماکے میں ملوث عناصر کو جلد انجام تک پہنچائیں گے۔
.ذریعہ: Nawaiwaqt
پڑھیں:
5 سے 8 جولائی تک ملک کے بیشتر علاقوں میں شدید بارشوں کا امکان اور سیلاب کا خطرہ
این ڈی ایم اے نے خبردار کیا ہے کہ مون سون بارشوں کا سلسلہ 2 تا 8 جولائی 2025 تک جاری رہنے کا امکان ہے، اس دوران شدید بارشوں کے سبب بعض علاقوں میں سیلاب کا بھی خطرہ ہے۔
نیشنل ڈیزاسٹر مینجمنٹ اتھارٹی کے مطابق مون سون بارشوں کا یہ سلسلہ 8 جولائی تک جاری رہنے کا امکان ہے۔ خیبرپختونخوا، آزاد کشمیر، شمال مشرقی پنجاب میں 5-8 جولائی کو شدید بارشوں کا امکان ہے۔
دوسری طرف محکمہ موسمیات کے مطابق آج اور کل ملک بھر کے مختلف علاقوں میں تیز ہواؤں اور گرج چمک کے ساتھ بارش کا امکان ہے بعض علاقوں میں بارش موسلا دھار ہونے کی توقع ہے۔
آج بروز جمعرات بالائی و جنوبی پنجاب، خطہ پوٹھوہار، جنوب مشرقی سندھ، شمال مشرقی و جنوبی بلوچستان ،کشمیر اور خیبر پختونخوا میں تیز ہواؤں اور گرج چمک کے ساتھ بارش کا امکان ہے۔ اس دوران بالائی پنجاب اور جنوبی بلوچستان میں چند مقاما ت پر تیز، موسلادھاربارش کی بھی توقع ہے۔
جمعه کے روز بالائی پنجاب، جنوب مشرقی سندھ، شمال مشرقی و جنوبی بلوچستان ،کشمیر اور خیبر پختونخوا میں تیز ہواؤں اور گرج چمک کے ساتھ بارش کا امکان ہے۔ اس دوران کشمیر اور جنوبی بلوچستان میں چند مقاما ت پر تیز اور موسلادھاربارش کی توقع ہے۔
گذشتہ 24 گھنٹوں کے دوران بالائی خیبرپختونخوا، پنجاب، اسلام آباد، کشمیر، شمال و مشرقی بلوچستان اور گلگت بلتستان میں گرج چمک کے ساتھ بارش جبکہ چند مقامات پر تیز، موسلادھار بارش ہوئی۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش خیبر پختونخوا میں چراٹ 98 ملی میٹر، بنوں 16 میں ملی میٹر، پشاور سٹی میں 01 ملی میٹر، پنجاب کے علاقہ جہلم میں 31 ملی میٹر، منگلا میں 29 ملی میٹر، اٹک، ملتان سٹی میں 14ملی میٹر، اسلام آباد میں (ایئرپورٹ 06، گولڑہ، زیروپوائنٹ 01ملی میٹر)، گجرات میں 04ملی میٹر، راولپنڈی میں (چکلالہ، پیروداھی 03ملی میٹر)، چکوال میں 02 ملی میٹر، سیالکوٹ، منڈی بہاؤالدین میں 01ملی میٹر، کشمیر کے دارالحکومت مظفرآباد میں (ایئرپورٹ 20، سٹی 18ملی میٹر)، راولاکوٹ میں 05ملی میٹر، کوٹلی میں 02ملی میٹر، بلوچستان کے علاقے خضدار میں 15 ملی میٹر، ژوب میں 06 ملی میٹر،گلگت بلتستان کے علاقے استور میں 06 ملی میٹر اور اسکردو میں 01ملی میٹر بارش ریکارڈ کی گئی۔
گزشتہ روز زیادہ سےزیادہ درجہ حرارت نوکنڈی 48، دالبندین 47، دادو،سبی اور چلاس میں 44ڈگری سینٹی گریڈ ریکارڈ کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارش سیلاب مون سون پاکستان
دھاندلی زدہ سابق حکومت چلنے دی نہ اس حکومت کو چلنے دیں گے، مولانا فضل الرحمان