سابق ایئرمارشل کی کورٹ مارشل کارروائی کیخلاف اور چارج شیٹ تفصیلات فراہمی کی درخواست پر سماعت
اشاعت کی تاریخ: 22nd, May 2025 GMT
اسلام آباد ہائی کورٹ میں سابق ائیر مارشل جواد سعید کی کورٹ مارشل کی کارروائی اور چارج شیٹ کی تفصیلات فراہمی کی درخواست پر سماعت ہوئی۔
بھارتی بالا کورٹ حملے کے بعد 27 فروری 2019 کو پاکستان کی جانب سے چھ ایئر سٹرائیکس کا آپریشن سوئفٹ ریٹارٹ، سوئفٹ ریٹارٹ آپریشن کے انچارج سابق ائیر مارشل جواد سعید پر حساس معلومات شیئر کرنے پر کورٹ مارشل سزا کے معاملے سے متعلق کیس کی سماعت ہوئی، ائیر فورس حکام کی جانب سے سابق ائیر مارشل جواد سعید کو کورٹ مارشل کی کاروائی اور چارج شیٹ کا ریکارڈ پیش نہ کیا گیا۔
عدالت نے آئندہ سماعت پر وکیل درخواست گزار سے ریکارڈ فراہمی کی عدالتی نظیریں پیش کرنے کا حکم دے دیا، درخواست گزار کے وکیل عبدالوحید ایڈوکیٹ عدالت میں پیش ہوئے، وفاق کی جانب سے ایڈیشنل اٹارنی جنرل، ائیر فورس لیگل حکام عدالت میں پیش ہوئے۔
ائیر فورس حکام نے کہا کہ پی اے ایف ایکٹ کے مطابق اگر آپ نے سزائے موت دینی ہے تو بس ایک جملہ لکھنا ہوتا ہے، وکالت نامہ مانگا جا رہا ہے، مصدقہ کاپیاں مانگی جا رہی ہیں، پی اے ایف لاء کے مطابق دی گئی سزا کا ریکارڈ اور چارج شیٹ کا ریکارڈ فراہم نہیں جا سکتا۔
جسٹس خادم حسین سومرو نے کہا کہ آپکا جو لاء ہے اس پر ہم کچھ نہیں کہہ سکتے، وکیل درخواست گزار نے کہا کہ ان کے ہی لاء پر پہلے یہاں بھی ایسے کبھی نہیں ہوا، ائیر فورس حکام نے کہا کہ ایسا نہ کہیں کہ ایسا یہاں بھی نہیں ہوا۔ انکا کہنا ہے آپکی اپیل مسترد ہو چکی یے،
جسٹس خادم حسین سومرو نے درخواست گزار کے وکیل سے مکالمہ کیا کہ اس کیس میں نا انصافی ہوئی ہے ، وکیل درخواست گزار نے کہا کہ ہمیں انصاف نہیں دیا گیا ، انھوں نے خود کہا کہ ائیر مارشل جواد سعید کو ائیر چیف نے خود وکیل دیا، نہ اپنا لیگل وکیل دیا گیا نہ ریکارڈ دیا گیا کہ الزام کیا ہے نہ فیملی کو بتایا گیا، اس کیس میں بدنیتی کی گئی صاف نظر آرہا ہے ملزم کو اس کا اپنا وکیل تک نہیں دیا گیا۔
عدالت نے کہا کہ آپ آئندہ سماعت پر عدالتی نظیریں پیش کریں جس میں پہلے ایسے کیس میں ریکارڈ فراہم کیا گیا ہو، وکیل درخواست گزار نے مؤقف اپنایا کہ عدالت وقت دے میں سپریم کورٹ کے فیصلے اور عدالتی نظیریں پیش کردونگا، ایسے ہی کیسز میں فل بینچ کی ججمنٹس بھی موجود ہیں، میں وہ پیش کردونگا۔
جسٹس خادم حسین سومرو نے کہا کہ آپ پیراوائز کمنٹس کی صورت میں عدالتی نظیریں پیش کردیں ،
ملٹری کورٹ نے حساس معلومات لیک کرنے پر سابق ایئر مارشل ریٹائرڈ جواد سعید کو 14 سال قید کی سزا سنائی تھی، عدالت نے کیس کی مزید سماعت 17 جون تک ملتوی کردی۔
.ذریعہ: Express News
کلیدی لفظ: ائیر مارشل جواد سعید عدالتی نظیریں پیش وکیل درخواست گزار اور چارج شیٹ کورٹ مارشل ائیر فورس نے کہا کہ دیا گیا
پڑھیں:
علی امین گنڈاپور کیخلاف شراب برآمدگی کیس کی سماعت بغیر کارروائی کے ملتوی
ڈسٹرکٹ اینڈ سیشن کورٹس اسلام آباد میں جوڈیشل مجسٹریٹ مبشر حسن چشتی نے کیس پر سماعت کی۔ کیس میں علی امین گنڈا پور کے وارنٹ گرفتاری برقرار ہیں۔ اسلام ٹائمز۔ وزیراعلیٰ خیبر پختونخوا علی امین گنڈاپور کیخلاف شراب و اسلحہ برآمدگی کیس کی سماعت وکلاء کی ہڑتال کے باعث بغیر کارروائی ملتوی کردی گئی۔ ڈسٹرکٹ اینڈ سیشن کورٹس اسلام آباد میں جوڈیشل مجسٹریٹ مبشر حسن چشتی نے کیس پر سماعت کی۔ کیس میں علی امین گنڈا پور کے وارنٹ گرفتاری برقرار ہیں۔ کیس کی آئندہ سماعت 23 ستمبر کو ہوگی، علی امین گنڈاپور کیخلاف تھانہ بارہ کہو میں مقدمہ درج ہے۔
کرینہ کپور کے دلچسپ جواب پر مداحوں میں چہ میگوئیاں