جوائنٹ فیملی سسٹم میں پھنسی لڑکیاں: جدید سوچ، پرانے بندھن
اشاعت کی تاریخ: 22nd, May 2025 GMT
جوائنٹ فیملی سسٹم میں پھنسی لڑکیاں: جدید سوچ، پرانے بندھن WhatsAppFacebookTwitter 0 22 May, 2025 سب نیوز
تحریر۔۔۔رفعت اشرف ورک
پاکستانی معاشرہ ایک ایسی نازک ڈور پر کھڑا ہے جہاں روایت اور جدیدیت کے درمیان کشمکش شدت اختیار کر چکی ہے۔ خاص طور پر خواتین کے لیے، یہ تصادم زندگی کے ہر موڑ پر مسائل کو جنم دیتا ہے۔ انہی مسائل میں سے ایک مسئلہ مشترکہ خاندانی نظام (جوائنٹ فیملی سسٹم)ہے، جو آج بھی ہمارے معاشرتی ڈھانچے کا ایک مضبوط جزو مانا جاتا ہے، مگر اس کی قیمت بالخصوص خواتین کو چکانا پڑتی ہے۔ماضی میں، جب تعلیم عام نہ تھی، عورت کو رسم و رواج کے سانچے میں ڈھالا جاتا تھا۔ اسے سکھایا جاتا تھا کہ وہ نہ صرف اپنے میکے بلکہ سسرال کے تمام افراد کے ساتھ سمجھوتے کر کے زندگی گزارے۔ شوہر کو “مجازی خدا” مان کر اس کے ہر حکم کو تسلیم کرنا ہی نیکی اور سعادت مندی سمجھی جاتی تھی۔
ایسی عورتیں خاموشی سے سمجھوتے کر کے زندگی گزارتی تھیں کیونکہ انہیں یہی سکھایا گیا تھا۔تاہم، آج کی عورت باشعور ہے۔ تعلیم، میڈیا اور معاشرتی آگاہی نے اسے نہ صرف اپنے حقوق کا شعور دیا ہے بلکہ ایک بہتر زندگی کی امید بھی۔ اب ایک لڑکی محض گھر کی چار دیواری تک محدود نہیں رہنا چاہتی بلکہ وہ اپنی شناخت، کیریئر، ذہنی سکون اور شخصی آزادی کی خواہشمند ہے۔ ایسے میں جب اسے جوائنٹ فیملی سسٹم میں ایڈجسٹ ہونے پر مجبور کیا جاتا ہے، تو وہ شدید ذہنی دبا کا شکار ہو جاتی ہے۔ایک ہنستی مسکراتی، زندگی سے بھرپور لڑکی جب ہر وقت نگرانی، تنقید، مداخلت اور غیر ضروری ذمہ داریوں کے بوجھ تلے آ جاتی ہے تو اس کا وجود ایک روبوٹ کی مانند ہو جاتا ہے۔ اس کے اٹھنے بیٹھنے، کھانے پینے، حتی کہ لباس اور بول چال تک پر نظر رکھی جاتی ہے۔ اس کی خواہشات، خواب، اور آزادی آہستہ آہستہ دم توڑنے لگتی ہیں۔
وہ اندر ہی اندر گھٹتی ہے، لیکن معاشرے کے خوف یا خاندانی دباو کے تحت اپنی تکلیف کا اظہار بھی نہیں کر پاتی۔معاشرتی ماہرین اور ماہرینِ نفسیات اس بات پر متفق ہیں کہ جوائنٹ فیملی سسٹم کا دبا خواتین میں ڈپریشن، اینگزائٹی، کم اعتمادی اور جذباتی عدم توازن جیسے مسائل کو جنم دیتا ہے۔ ایک حالیہ مطالعے کے مطابق، پاکستان میں شادی شدہ خواتین میں ذہنی دبا کی ایک بڑی وجہ خاندانی مداخلت اور ساس بہو کے روایتی جھگڑے ہیں، جو عموما مشترکہ خاندانوں میں زیادہ پائے جاتے ہیں۔اب سوال یہ پیدا ہوتا ہے کہ کیا ہمیں اپنی روایت کو مکمل طور پر چھوڑ دینا چاہیے؟ ہرگز نہیں۔ خاندانی نظام کے بہت سے فوائد بھی ہیں جیسے باہمی تعاون، مالی سہولت اور بچوں کی تربیت میں بزرگوں کا کردار۔ تاہم، وقت کے ساتھ ساتھ اس نظام کو بھی ارتقائی مراحل سے گزرنا چاہیے۔ نئی نسل کو خود مختار زندگی کا حق دینا ہوگا، جہاں وہ اپنے فیصلے خود کر سکیں، اپنی زندگی کو اپنی سوچ کے مطابق ترتیب دے سکیں۔جوائنٹ فیملی سسٹم آج بھی پاکستانی معاشرے کا ایک اہم جزو ہے، مگر یہ ضروری ہے کہ اس نظام کو جدید تقاضوں کے مطابق ڈھالا جائے۔ خاص طور پر لڑکیوں کو ذہنی، جذباتی اور شخصی طور پر آزاد ماحول فراہم کیا جائے تاکہ وہ ایک خوشحال، پرامن اور نتیجہ خیز زندگی گزار سکیں۔ نئی سوچ، نئی نسل اور نئی دنیا میں پرانے بندھنوں کو بدلنا وقت کی اہم ضرورت ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرشہباز شریف کی قیادت میں پاکستان نے معاشی استحکام سے اقدامات سے ناممکن کو ممکن کر دکھایا، ورلڈ بینک ایک پُرامن قوم، ایک زوردار انتباہ پاکستان میں نوجوان نسل اور سگریٹ نوشی عنوان: پاکستان میں اقلیتی برادریوں کا کردار اور درپیش چیلنجز دھوکہ دہی کی بازگشت: یو ایس ایس لبرٹی 1967 سے پہلگام 2025 تک ڈوبتی انسانیت: مودی حکومت کے ظلم و بربریت کا ایک اور داستان قصابوں کا اتحادCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: جوائنٹ فیملی سسٹم
پڑھیں:
امریکی صدر ٹرمپ کا جدید ترین دفاعی سسٹم ‘گولڈن ڈوم’ منصوبے کا اعلان
نیویارک(اوصاف نیوز)امریکی صدر ڈونلڈ ٹرمپ نے امریکہ کیلئے ایک نئے میزائل دفاعی نظام ‘گولڈن ڈوم’ کے منصوبے کا اعلان کر دیا۔
غیرملکی خبر رساں ایجنسی کے مطابق امریکی صدر ڈونلڈ ٹرمپ نے غیر ملکی حملوں سے امریکا کو بچانے کے لیے ایک نئے میزائل دفاعی نظام “گولڈن ڈوم” کے منصوبے کا اعلان کیا ہے اور کہا ہے کہ یہ نظام ان کی دوسری مدت صدارت کے اختتام تک فعال ہو جائے گا۔
ٹرمپ نے وائٹ ہاؤس میں خطاب کرتے ہوئے کہا الیکشن مہم کے دوران میں نے امریکی عوام سے وعدہ کیا تھا کہ میں ایک جدید ترین میزائل دفاعی شیلڈ بناؤں گا۔
انہوں نے کہا کہ آج مجھے یہ اعلان کرتے ہوئے خوشی ہو رہی ہے کہ ہم نے اس جدید نظام کے لیے باضابطہ طور پر بنیادی خاکہ منتخب کر لیا ہے۔گولڈن ڈوم دفاعی نظام پر175ارب ڈالرخرچ ہوں گے۔
ٹرمپ نے کہا کہ دفاعی بل میں گولڈن ڈوم کیلئے 25 ارب ڈالر شامل ہوں گے، گولڈن ڈوم کیلئے ہر چیز امریکا میں بنائی جائے گی، اسپیس آپریشنز کے نائب سربراہ جنرل مائیکل اس منصوبے کی قیادت کریں گے۔
امریکی صدر نے بتایا کہ گولڈن ڈوم دفاعی نظام کے کچھ حصےزمین کے گردمدار میں بھی ہوں گے، اس نظام میں سیٹیلائیٹ ٹریکنگ اور اسپیس انٹرسیپٹرز بھی شامل ہوں گے۔گولڈن ڈوم دفاعی نظام خلاسے داغے گئے میزائلوں کو بھی مارگرانے کے قابل ہوگا۔
اس کے علاوہ ٹرمپ نے کہا کہ کینیڈا گولڈن ڈوم میزائل دفاعی نظام کا حصہ بننا چاہتا ہے اور امریکا اس حوالے سے کینیڈا کی مدد بھی کرے گا۔
دوسری جانب امریکی محکمہ دفاع پینٹاگون کے سربراہ نے بتایا کہ گولڈن ڈوم کا مقصد کروز، بیلسٹک،ہائپرسونک میزائلوں سے وطن کی حفاظت کرناہے چاہے وہ روایتی ہوں یا جوہری۔
بیجنگ میں سی فریقی وزرائے خارجہ کی ملاقات، سی پیک کو افغانستان تک توسیع دینے پر زور
بیجنگ میں سی فریقی وزرائے خارجہ کی ملاقات، سی پیک کو افغانستان تک توسیع دینے پر زور
معرکہ حق میں تاریخی فتح پر ملک بھر میں آج یوم تشکر منایا جا رہا ہے