سینیٹ سے سول کورٹس ترمیمی بل 2025 کثرت رائے سے منظور
اشاعت کی تاریخ: 23rd, May 2025 GMT
اسلام آباد:
سینیٹ اجلاس میں سول کورٹس ترمیمی بل 2025 کثرت رائے سے منظور کر لیا گیا، پی ٹی آئی سینیٹر ڈاکٹر ہمایوں مہمند نے ایوان میں سینیٹرز کی عدم موجودگی پر احتجاج کرتے ہوئے کہا کہ ایوان میں چند سینیٹرز بیٹھے ہیں باقی خالی پڑا ہے، پھر بھی کارروائی چل رہی ہے۔
سینیٹ اجلاس کی صدارت مسلم لیگ ن سے تعلق رکھنے والے پریذائیڈنگ افسر عرفان صدیقی نے کی۔
سول کورٹس ترمیمی بل 2025 کثرت رائے سے منظور ہونے پر اپوزیشن لیڈر سینیٹر شبلی فراز نے کہا کہ ہم اس بل کی مخالفت نہیں کررہے ہیں طریقہ کار پر اختلاف ہے، وزیر قانون کی جگہ وزیر مملکت بل پیش کر رہی ہیں جن کو معلومات نہیں ہیں، وزیر قانون اور وزیر پارلیمانی امور نہیں ہے حکومت کیسے قانون سازی میں سنجیدہ ہے، بلز پر وضاحت وزیر قانون کو دینی چاہیے لیکن اپوزیشن وضاحت کر رہی ہے۔
سینیٹ میں فیڈرل بورڈ برائے انٹرمیڈیٹ اینڈ سیکنڈری ایجوکیشن ترمیمی بل 2025، حوالگی ترمیمی بل 2025، پاکستان شہریت ایکٹ 1951 میں مزید ترمیم کا بل، سول سرونٹس ترمیمی بل 2025، اینٹی ڈمپنگ ڈیوٹیز بل 2025 اور پاکستان نیوی ترمیمی بل 2025 پیش کیے گئے جنہیں متعلقہ کمیٹی کے سپرد کر دیا گیا۔
ایوان میں اظہار خیال کرتے ہوئے اپوزیشن لیڈر شبلی فراز نے کہا کہ یہ ہاؤس اس لیے نہیں ہے کہ اس میں صرف کاغذ لا کر رکھ دیے جائیں، یہ ہاؤس صرف کارروائی پورا کرنے کے لیے نہیں ہے، ہاؤس میں بلز پر بحث ہی نہیں ہوتی ہے اور وقفہ سوالات و جوابات بھی نہیں لیے جا رہے ہیں۔
شبلی فراز نے کہا کہ آج بھی ایجنڈا میں سوالات و جوابات معطل کر دیے گئے ہیں اور کہا جا رہا ہے کہ بلز منظور کروانے ہیں، پی ٹی آئی اور اپوزیشن آج سارے بلوں کی مخالفت کرتی ہے، ہاؤس کے چیئر سے ماسوائے ایک کے کوئی رولنگ ہی نہیں دی گئی۔
پریذائیڈنگ افسر عرفان صدیقی نے کہا کہ شبلی فراز کی باتوں سے اتفاق کرتا ہوں، کئی مواقع پر اپوزیشن نے ساتھ دیا ہے، وقفہ سوالات کی معطلی پر متعلقہ سیکریٹریز سے پوچھا جائے گا، قومی مسائل پر حکومت اور اپوزیشن کا اتفاق رائے ہے۔
سینیٹر سلیم مانڈی والا نے کہا کہ آج جو بھی قانون سازی ہو رہی ہے وہ کمیٹی کو جائیں گی، میں نے چھ سال ان کے ساتھ کام کیا ہے، اس وقت ہم ان کو کہتے تھے کہ ایسی روایت نہ ڈالیں، وفقہ سوالات کا سینیٹ میں مذاق بنا ہوا ہے۔ وقفہ سوالات موخر نہیں ہونا چاہیے، وقفہ سوالات موخر کرنے کے قواعد کی پیروی نہیں کی گئی، جو ایوان میں غلط ہو رہا ہے وہ نہیں ہونا چاہیے۔
سینیٹر شبلی فراز نے کہا کہ یہ جواب دیا جاتا ہے کہ آپ کے دور میں بھی ہوتا رہا ہے، پھر ایک قرارداد منظور کرلیں جو ہو رہا ہے ایسا ہونے دو۔
سینیٹ اجلاس میں پاکستان ٹیلی کمیونیکیشن تنظیم نو ترمیمی بل 2025 پر قائمہ کمیٹی کی رپورٹ بھی ایوان میں پیش کی گئی۔ رپورٹ سینیٹر سلیم مانڈی والا نے پیش کی۔
وزیر مملکت موسمیاتی تبدیلی شذرہ منصب نے سول کورٹس آرڈیننس 1962 میں مزید ترمیم کا بل 2025 پیش کیا۔
سینیٹر شبلی فراز نے کہا کہ وزیر مملکت کو یہ معلوم نہیں ہے کہ بل ہے کیا، اس بل کو وزیر قانون یا وزیر پارلیمانی امور کو پیش کرنا چاہیے تھا۔
پریذائیڈنگ افسر عرفان صدیقی نے کہا کہ یہ بل سینیٹ کمیٹی سے ہوکر آیا ہے، قانون سازی میں رکاوٹ نہیں ہونا چاہیے۔ بیرسٹر علی ظفر نے کہا کہ وزیر قانون اس بل پر بات کرتے تو بہتر ہوتا۔
فیڈرل بورڈ برائے انٹرمیڈیٹ اینڈ سیکنڈری ایجوکیشن ترمیمی بل 2025 سینیٹ میں پیش کیا گیا۔ سینیٹر عرفان صدیقی نے کہا کہ کمیٹی 45 روز میں اپنی رپورٹ پیش کرے۔
اپوزیشن لیڈر شبلی فراز نے کہا کہ وزیر مملکت کو بھیج دیا ہے انہیں بلز سے متعلق کوئی علم نہیں ہے، یہ حکومتی بلز ہیں، انہیں اس طرح سے ٹیک اپ نہیں کیا جا سکتا۔ بل والے سارے ایجنڈے کو مؤخر کریں، اگلے اجلاس میں پیش کیا جائے تاکہ وزیر موجود ہوں۔
پریذائیڈنگ افسر عرفان صدیقی نے کہا کہ یہ اپوزیشن کی ڈیمانڈ جائز ہے، ہمیں اس کا احترام کرنا چاہیے۔
سول سرونٹس ترمیمی بل 2025 متعلقہ قائمہ کمیٹی کے سپرد کر دیا گیا۔ وزیر مملکت موسمیاتی تبدیلی شذرہ منصب علی خان نے کہا کہ بل کے تحت گریڈ 17 سے اوپر کے افسران گوشوارے ظاہر کرنے کے پابند ہوں گے۔
وفاقی وزیر کامرس جام کمال کی جانب سے پیش کیا گیا اینٹی ڈمپنگ ڈیوٹیز بل 2025 بھی متعلقہ قائمہ کمیٹی کے سپرد کیا گیا۔ بل پر وضاحت دیتے ہوئے وفاقی وزیر نے کہا کہ اسٹیل کے کچھ پراجیکٹس سے متعلق بل میں تبدیلی کر رہے ہیں۔
سینیٹر شبلی فراز نے کہا کہ چند پراجیکٹس کے لیے ہم قانون تبدیل کر رہے ہیں، کیا کوئی اور ملک ایسے کرے گا کہ وہ ایک پراجیکٹ کے لیے قانون بدل دے؟
وفاق وزیر نے وضاحت دیتے ہوئے کہا کہ یہ پراجیکٹ کمرشل نہیں ہے بلکہ گرانٹ ہے، چینی حکومت نے گرانٹ دی ہے وہی کر رہی ہے، اس میں کوئی شک نہیں انٹی ڈمپنگ ڈیوٹیز کو مضبوط کرنا چاہیے۔
سینیٹ کا اجلاس غیر معینہ مدت کے لیے ملتوی کر دیا گیا۔
.ذریعہ: Express News
کلیدی لفظ: پریذائیڈنگ افسر عرفان صدیقی نے سینیٹر شبلی فراز نے کہا کہ عرفان صدیقی نے کہا کہ نے کہا کہ یہ وقفہ سوالات وزیر مملکت سول کورٹس ایوان میں کہ وزیر پیش کیا نہیں ہے رہی ہے کے لیے رہا ہے پیش کی
پڑھیں:
سانحہ سوات: بچے دریا میں نہیں ہوٹل میں پھنسنے کی اطلاع ملی، محکمہ آبپاشی حکام کی سینیٹ کمیٹی کو بریفنگ
سانحہ سوات پر سینیٹ قائمہ کمیٹی انسانی حقوق کے اجلاس میں محکمہ آبپاشی مالاکنڈ کے حکام نے بریفنگ دے دی ۔
حکام نے سینیٹ کمیٹی کو بتایا کہ جو پہلی کال ہمیں آئی، اُس میں کہا گیا کہ بچے ہوٹل میں پھنس گئے ہیں۔
محکمہ آبپاشی مالاکنڈ کے حکام نے بتایا کہ ہمیں کال پر یہ نہیں بتایا گیا کہ بچے دریا میں پھنسے ہیں، ٹیم کو اطلاع غلط ملی، جس کی وجہ سے تاخیر ہوئی۔
حکام نے مزید بتایا کہ ریسکیو حکام کو 10 منٹ میں اطلاع ہوگئی تھی، ہم نے 15 سال میں 15 لاکھ افراد کو ریسکیو کیا۔
انہوں نے بریفنگ میں یہ بھی بتایا کہ ہمارے پاس تمام آلات موجود ہیں، 15 منٹ کا دورانیہ تھا، جس میں یہ سب ہوا۔
بریفنگ میں بتایا گیا کہ 27 جون کو صبح 7 بجے مالاکنڈ سے سوات پانی کا بہاؤ معمول کے مطابق تھا، خوازہ خیلہ کے مقام پر 2 منٹ کے اندر موسلادھار بارش سے یہ سانحہ ہوا۔
کمشنر سوات نے بتایا کہ واقعہ 9 بج کے 49 منٹ پر ہوا، مجھے 10 بج کر 41 منٹ پر پتا چلا، سیالکوٹ اور مردان کی فیملیز صبح 9 بجکر 37 منٹ پر دریائے سوات پر آئی تھیں۔
انہوں نے مزید کہا کہ کلاؤڈبرسٹ تھا، جس مقام پر فیملیز موجود تھیں پانی کا بہاؤ بہت تیز تھا، وقت بہت کم تھا مگر پھر بھی جتنا ممکن ہو سکا بچاؤ کیا گیا۔
کمشنر سوات نے یہ بھی کہا کہ سوات اور کالام میں ہوٹلز کو احکامات جاری کیے ہیں کہ باؤنڈری تار لگائیں گے۔
ملک پر مافیا کا راج، چینی گندم کے برآمدی، درآمدی کھیل سے اربوں لوٹے جارہے ہیں، حافظ نعیم الرحمان