انسانیت کے نام محبت الٰہی کا پیغام
اشاعت کی تاریخ: 1st, June 2025 GMT
ہتھیار محبت کے سوا، سب توڑ دو اور دل کے در کھول دو۔ ذرا توقف کرواور اس خاموش آوازکو سنو جو ہر طرف گونج رہی ہے۔
جنگ کے میدانوں سے، اسکرینوں کے پیچھے سے، ویران دلوں سے،اور خالی آنکھوں سے یہ وہ زمانہ ہے جہاں محبت کمزوری بن چکی ہے، الفاظ کھوکھلے اور تعلقات دکھاوے بن چکے ہیں اور انسان اپنی ہی ایجادات کا قیدی بن چکا ہے ۔
ایسے میں ایک ندا عرش سے اترتی ہے کہ آئو تلواریں رکھ دو، توپیں توڑ دو،اور صرف ایک ہتھیار باقی رکھو: محبت یہ کوئی خواب نہیں یہ سچائی کا وہ چراغ ہے جو ہر بیدار دل میں جلتا ہے،ہر زخمی روح کی آخری دعا ہے،ہر سچے انسان کی پہلی امید ہے۔ ہم محبت سے پیدا ہوئے، محبت کے لیے پیدا ہوئے ۔ میں نے تجھے اپنی محبت کے لیے پیدا کیا۔
(حدیث قدسی) حضرت آدم کی مٹی جب گوندھی گئی تو اس میں کوئی نفرت، کوئی دشمنی نہ تھی اس میں فقط اللہ کی محبت کا نور شامل تھا۔اسی لیے آدم کو روحِ الہی عطا کی گئی،اور ہم سب کو اولادِ عشق بنایا گیا ۔ نہ قوم، نہ زبان، نہ مذہب بس محبت کا ایک ہی نسب۔
ہم تاجدارِ محبت ہیں ہم وہ قوم ہیں جسے رب نےبنایا: نہ نفرت کے لیے، نہ تسلط کے لیے،بلکہ فقط محبت، امن، اور قربت کے لیے۔ تو وہ آئینہ ہے جس میں خدا اپنی محبت کو دیکھتا ہے ۔
مولانا رومی۔۔ محبت وہ الہی طاقت جس سے دشمن، دوست بن جاتے ہیں ،اندھیرے روشنی بن جاتے ہیں، دلوں کے در یکجہتی سے کھل جاتے ہیں اور انسانیت، خدا کی قربت محسوس کرتی ہے ایک نئی دنیا خواب نہیں، ضرورت ہے! جہاں بچوں کے ہاتھ میں کھلونے ہوں، ہتھیار نہیں، جہاں رنگ و نسل نہیں صرف دل کی روشنی دیکھی جائے، جہاں امام، پنڈت، اور پادری سب محبت کی بات کریں اور جہاں انسان، صرف انسان کہلائے۔ خدائے واحد و لا شری کا عکس بنے۔ جج نہیں بلکہ عبد شکور بنا رہے اور عبادت کے نغمے دل سے ادا کرتا رہے۔
زمین جنت کا آئینہ ہے یہ مقتل نہیں، نہ بازارِ خون یہ آشیانہ ہے محبت کا، اور گلزارِ الہی کا، تو پھر اے انسان اب فیصلہ تیرا ہے کہ محبت کو چننا ہے یا نفرت کو؟خالق کی رضا یا مخلوق کی غلامی؟
مملکتِ عشق ایک روحانی دعوت ہے یہ کوئی سیاسی جماعت نہیں،نہ کوئی مذہبی فرقہ بس لا الہ لااللہ ا علان زبان سے اور تصدیق دل سے جو نقطہ آغاز محبت رب العالمین ہے۔
یہ تو دلوں کا وطن ہے جہاں قانون صرف محبت ہے،کرسی فقط خلوص کی ہے اور عبادت صرف رحمت کے سجدے میں ہے ہمارا منشور’’ہر ذی روح محترم، ہر مسکراہٹ عبادت‘‘ اور ہر ایک کو معاف کردینا فتح عظیم ایک نیا سورج طلوع ہو رہا ہے!
جہاں انسانیت متحد ہو،مخلوق محفوظ ہو، اور محبت حکمران ہو۔آئو اس نورانی انقلاب کا حصہ بنو،جو تلوار نہیں، دعا سے جیتا ہے جو فوج نہیں، فرشتوں کے قافلے لاتا ہے اور جس کا پرچم صرف ایک ہے۔ محبت ہی اصل بادشاہی ہے محبت کو زبان بنا محبت کو راستہ بنا محبت کو آئندہ نسلوں کی میراث بنایہ پیغام دل سے نکلا ہےاور دلوں تک پہنچے گا کیونکہ آخر میں صرف محبت باقی رہ جاتی ہے قرآن تصدیق سب کی تسلی کے لئےسورۃ البقرۃ (2:165)
ترجمہ:اورجو ایمان لائے، وہ اللہ سے سب سے بڑھ کر محبت کرتے ہیں۔تفسیریہ آیت بیان کرتی ہے کہ مومنوں کی سب سے گہری محبت اللہ سے ہوتی ہے، کیونکہ وہ جانتے ہیں کہ سب کچھ اسی کا ہے، اور وہی سب سے زیادہ رحیم و کریم ہے۔ ان کے دل میں کوئی اور محبت اللہ کی محبت پر غالب نہیں آتی۔ سورۃالمائدہ (5:54)
ترجمہ:عنقریب اللہ ایک ایسی قوم کو لائے گا جن سے وہ محبت کرے گا اور وہ اس سے محبت کریں گے۔
تفسیر، یہ آیت ایک ایسے گروہ کی پیش گوئی ہے جو اللہ کے ساتھ محبت کے تعلق میں مضبوط ہو گا۔ اللہ ان سے راضی ہو گا، اور وہ اللہ سے سچی محبت کریں گے۔ یہ مقامِ قرب اور مقامِ محبوبیت ہے۔
ذریعہ
ذریعہ: Daily Ausaf
کلیدی لفظ: محبت کے محبت کو کے لیے
پڑھیں:
انتقال کی خبریں بے بنیاد،طاہرہ سید نے ویڈیو پیغام جاری کر دیا
نامور غزل اور لوک گلوکارہ طاہرہ سید(Tahira Syed) نے سوشل میڈیا پر اپنی وفات سے متعلق زیر گردش خبروں کو سختی سے مسترد کرتے ہوئے واضح کیا ہے کہ وہ بالکل خیریت سے ہیں اور ان کے بارے میں پھیلائی جانے والی تمام افواہیں بے بنیاد ہیں۔
وائرل ہونے والی غلط خبروں کے ایک روز بعد طاہرہ سید نے فیس بک پر ایک ویڈیو پیغام جاری کیا، جس میں انہوں نے اپنی صحت کے بارے میں مداحوں کو آگاہ کیا۔ انہوں نے کہا کہ انہیں علم ہوا ہے کہ ان کے انتقال سے متعلق جھوٹی خبریں پھیلائی جا رہی ہیں، تاہم وہ نہ صرف صحت مند ہیں بلکہ اس وقت نیویارک میں اپنی معمول کی زندگی گزار رہی ہیں۔
اپنے ویڈیو پیغام میں انہوں نے عوام سے اپیل کی کہ سوشل میڈیا پر غیر مصدقہ اور جھوٹی خبروں کو پھیلانے سے گریز کیا جائے۔ ان کا کہنا تھا کہ ایسی افواہیں نہ صرف ان کے لیے تکلیف دہ ہیں بلکہ ان کے چاہنے والوں میں بھی غیر ضروری پریشانی کا باعث بنتی ہیں۔ انہوں نے مداحوں کی محبت اور دعاؤں کا شکریہ بھی ادا کیا اور کہا کہ لوگوں کی نیک خواہشات ان کے لیے حوصلے کا باعث ہیں۔
View this post on Instagram
A post shared by Galaxy Lollywood (@galaxylollywood)
مزیدپڑھیں:امتحان میں کامیابی کے باوجود عبدالمجید نوکری سے محروم، عمر کی حد رکاوٹ بن گئی
اس معاملے کے بعد معروف شخصیات نے بھی گلوکارہ کی صحت کی تصدیق کی۔ فیشن ڈیزائنر حسن شہریار یاسین نے سوشل میڈیا پر ان کی تازہ تصویر شیئر کرتے ہوئے واضح کیا کہ وہ مکمل طور پر صحت مند ہیں۔ اسی طرح سینئر اداکارہ بشریٰ انصاری نے بھی طاہرہ سید کا ویڈیو پیغام اپنے سوشل میڈیا اکاؤنٹ پر شیئر کر کے افواہوں کی تردید کی۔
واضح رہے کہ گزشتہ چند دنوں کے دوران سوشل میڈیا پر طاہرہ سید کے انتقال سے متعلق جھوٹی خبریں تیزی سے پھیل گئی تھیں، جس کے باعث ان کے مداحوں میں شدید تشویش پائی گئی۔ تاہم اب ان کی اپنی وضاحت کے بعد یہ معاملہ واضح ہو گیا ہے کہ یہ خبریں مکمل طور پر بے بنیاد تھیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ