پاکستان ہر مشکل گھڑی میں ایرانی قوم کے ساتھ کھڑا ہے: بیرسٹر علی ظفر
اشاعت کی تاریخ: 21st, June 2025 GMT
پی ٹی آئی سینیٹر بیرسٹر علی ظفر—فائل فوٹو
پی ٹی آئی سینیٹر بیرسٹر علی ظفر نے کہا ہے کہ پاکستان ہر مشکل گھڑی میں ایرانی قوم کے ساتھ کھڑا ہے۔
بیرسٹر علی ظفر کی قیادت میں وفد ایرانی سفارت خانے پہنچا جہاں انکی ایرانی سفیر سے ملاقات ہوئی۔
ایرانی سفیر سے ملاقات میں دو طرفہ سیاسی امور پر مشاورت ہوئی، سینیٹ کے اپوزیشن وفد میں بیرسٹر علی ظفر، علامہ ناصر عباس، عون عباس بپی، فوزیہ ارشد اور سیف اللّٰہ نیازی شامل تھے۔
ملاقات میں وزیراعظم نے ایران کے خلاف حالیہ اسرائیلی جارحیت کی مذمت کی۔
اس موقع پر بیرسٹر علی ظفر نے کہا کہ ہمارا وفد پاکستان کی جانب سے ایران کے لیے اظہارِ یکجہتی کا پیغام لایا ہے۔
بیرسٹر علی ظفر نے کہا کہ پاکستان ہر مشکل گھڑی میں ایرانی قوم کے ساتھ کھڑا ہے۔
انہوں نے اسرائیلی جارحیت کے خلاف ایرانی سفیر کو بانی پی ٹی آئی کی جانب سے یکجہتی کا پیغام بھی پہنچایا۔
ملاقات کے حوالے سے سینیٹر علامہ ناصر عباس نے کہا کہ ایرانی سفیر نے موجودہ کشیدہ صورتحال پر بریف کیا۔
علامہ راجہ ناصر عباس نے بتایا ہے کہ ایرانی سفیر نے جنگ کے حالات اور ایران کے ردعمل سے آگاہ کیا۔
علامہ راجہ ناصر عباس نے مزید کہا کہ اسرائیلی ظلم اور بربریت کے خلاف پوری امت مسلمہ یکجا ہے۔
.ذریعہ: Jang News
کلیدی لفظ: بیرسٹر علی ظفر ایرانی سفیر
پڑھیں:
عباس آفریدی کی قیادت میں پاکستان کرکٹ ٹیم ہانگ کانگ سکسز کے لیے روانہ
data-id="863a0a8" data-element_type="widget" data-widget_type="theme-post-content.default">
پاکستان کرکٹ ٹیم ہانگ کانگ کے لیے روانہ ہو گئی ہے جہاں وہ 7 سے 9 نومبر تک جاری رہنے والے ہانگ کانگ سکسز ٹورنامنٹ میں شرکت کرے گی۔
تیز رفتار اور دلچسپ فارمیٹ والا ایونٹ ایک بار پھر کرکٹ شائقین کے لیے تفریح اور جوش و خروش کا باعث بننے جا رہا ہے جب کہ پاکستان ٹیم اس بار نوجوان قیادت اور تازہ توانائی کے ساتھ میدان میں اترے گی۔
ٹیم کی قیادت ابھرتے ہوئے آل راؤنڈر عباس آفریدی کے سپرد کی گئی ہے، جو پاکستان سپر لیگ میں اپنی کارکردگی کے باعث پہچانے جاتے ہیں۔ ان کے ہمراہ عبدالصمد، خواجہ محمد نافع، معاذ صداقت، محمد شہزاد، سعد مسعود اور شاہد عزیز ٹیم کا حصہ ہیں۔ ٹیم کے ہمراہ رضا کچلو مینیجر کی حیثیت سے فرائض انجام دیں گے۔
ٹورنامنٹ ہانگ کانگ کے ٹن وانگ روڈ ریکری ایشن گراؤنڈ میں منعقد ہوگا، جہاں کل بارہ ٹیمیں ایکشن میں دکھائی دیں گی۔ ایونٹ کو چار گروپوں میں تقسیم کیا گیا ہے، ہر گروپ میں تین ٹیمیں شامل ہیں۔ پاکستان ٹیم گروپ سی میں شامل ہے اور اپنے میچز جمعہ، 7 نومبر کو کھیلے گی۔
ہانگ کانگ سکسز کو کرکٹ کی دنیا کا ایک منفرد فارمیٹ سمجھا جاتا ہے جس میں تیز رفتار کھیل، چھوٹے اوورز اور دلکش شاٹس شائقین کو محظوظ کرتے ہیں۔ پاکستان اس فارمیٹ میں ماضی میں بھی شاندار کارکردگی دکھا چکا ہے اور کئی یادگار فتوحات اپنے نام کر چکا ہے۔
نجی ٹی وی کی رپورٹ کے مطابق نوجوان کھلاڑیوں کو موقع دیا گیا ہے تاکہ وہ بین الاقوامی سطح پر اپنی صلاحیتوں کا لوہا منوا سکیں۔ کوچنگ اسٹاف کا کہنا ہے کہ کھلاڑی بھرپور فارم میں ہیں اور ٹیم کے اندر مثبت توانائی پائی جاتی ہے۔
اسرائیل کے بارے میں امریکیوں کے خیالات