بجلی چور عناصر کا واپڈا ملازمین پر تشدد معمول بن بن چکا ہے،عبداللطیف
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)مسلح دہشت گرد بجلی چور عناصر کا دوران ڈیوٹی واپڈا ملازمین پر تشدد کرنا معمول بن چکا ہے یونین مسلسل محکمہ بجلی کے اعلیٰ افسران اور مقامی انتظامیہ کو بار بار متوجہ کرتی چلی آرہی ہے مگر ہماری آواز کی سنوائی نہیں ہورہی جس کا نتیجہ اب یہ نکلا ہے کہ بات تشدد سے آگے بڑھ چکی ہے اور گزشتہ روز سیپکو سکھر کے LS فہیم احمد سمیجو کو دوران ڈیوٹی فرض کی ادائیگی پر پے درپہ چاقوں چھریوں کے وار کرکے شدید زخمی کردیا گیاجس کے باعث وہ زخموں کی تاب نہ لاکر شہید ہوگیا یونین اس گھنائونے اور دہشت گردی کے واقعے کی سخت ترین الفاظ میں نہ صرف مذمت کرتی ہے بلکہ قاتلوں کی فوری گرفتاری اور قرار واقعی سزا کا مطالبہ کرتے ہوئے پہلے مرحلے میں پورے سیپکو میں احتجاج کررہی ہے پھر بھی قاتلوں کی گرفتاری عمل میں نہیں لائی گئی تو احتجاج کا دائرہ سندھ بھر میں بڑھایا جائیگا۔ ان خیالات کا اظہار آل پاکستان واپڈا ہائیڈرو الیکٹرک ورکرز یونین (سی بی اے) کے مرکزی صدر عبداللطیف نظامانی نے لیبر ہال حیدرآباد میں منعقدہ ہنگامی اجلاس سے خطاب کرتے ہوئے کیا۔ اس موقع پر یونین کے صوبائی سیکرٹری اقبال احمد خان، اعظم خان، محمد حنیف خان، الہ دین قائمخانی ، نور احمد نظامانی و دیگر ذمہ داران و نمائندگان بھی موجود تھے ۔ اجلاس سے خطاب میں انہوں نے مزید کہا کہ شہید لائن سپرنٹنڈنٹ جو کہ فرض منصبی کی ادائیگی میں مصروف تھا کہ دوران بلز کی ریکوری پر سکھر شہر کے دکاندار حسنین قریشی مشتعل ہوگیا اور پھر پہ در پہ چھری اور چاقو کے وار کرکے نہتے ملازم فہیم احمد سمیجو کو شدید زخمی کردیا جس کے باعث وہ زخموں کی تاب نہ لاکر جام شہادت نوش کرگیا ۔ یونین نے اس حوالے سے متعلقہ افسران ،بی او ڈی اور سول انتظامیہ سے رابطہ کیا ہے۔ ساتھ ہی پہلے مرحلے میں پورے سیپکو میں احتجاج شروع کرایا گیا ہے اور انصاف کی فراہمی تک یونین احتجاج جاری رکھے گی اگر انصاف نہ ملا تو احتجاج کے دائرے کو نہ صرف سندھ بھر میں بلکہ پورے پاکستان میں تمام واپڈا ملازمین اپنے تحفظ کیلئے بڑھانے میں حق بجانب ہونگے۔ صدر یونین نے شہید فہیم احمد سمیجو کے لواحقین کو یقین دہانی کرائی کہ یونین اس مشکل وقت میں آپ کے غم اور دکھ میں برابر کی شریک ہے اور محکمے کی جانب سے جو ضروری کارروائی اور واجبات ہیں انہیں فوری دلایاجائے گا اور آپ کو اس نازک وقت میں ہرگز ہرگز تنہا نہیں چھوڑا جائیگا۔ اس موقع پر یونین کے صوبائی جنرل سیکرٹری اقبال احمد خان نے اس واقعے کی شدید الفاظ میں مذمت کرتے ہوئے قاتلوں کی فوری گرفتاری کا مطالبہ کیا اور شہید کے لیے دعائے مغفرت ، درجات کی بلندی اور لواحقین کو صبر جمیل پر اجر عظیم کیلئے دعا کی۔
.
ذریعہ
ذریعہ: Jasarat News
پڑھیں:
لاہور میں ہونیوالی ’’شہید اُمت کانفرنس‘‘ میں ایک اور نشست کا اضافہ
ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ اسلام ٹائمز۔ لاہور میں 13 جون کو مینار پاکستان گراؤنڈ میں ہونیوالی ’’شہید اُمت کانفرنس‘‘ میں ایک اور نشست کا اضافہ کر دیا گیا ہے۔ ترجمان اتحاد اُمت فورم کے مطابق کانفرنس کے دوران ’’استقبال محرم‘‘ کے عنوان سے ایک نشست شامل کی گئی ہے، جس میں ملک بھر سے ماتمی سنگتوں کو دعوت دی گئی ہے، جو استقبال محرم کی اس نشست میں ماتم اور نوحہ خوانی کریں گے۔ ترجمان کے مطابق ملک بھر سے معروف نوحہ خواں حضرات کو بھی خصوصی طور پر دعوت دی گئی ہے جبکہ ماتمی سنگتیں بھی دُختر رسولؑ کو پرسہ دیں گی۔
ترجمان کا کہنا تھا کہ اس حوالے سے باقاعدہ ایک کمیٹی تشکیل دی گئی ہے جو نوحہ خواں حضرات اور ماتمی انجمنوں کے سالاروں سے رابطے کر رہی ہے اور اس کے مثبت نتائج سامنے آ رہے ہیں۔ ترجمان کا مزید کہنا تھا کہ ماتمی سنگتوں کے سالاروں اور نوحہ خواں حضرات نے اظہار تشکر کیا ہے کہ انہیں بھی اس عظیم اجتماع میں شرکت کا موقع دیا جا رہا ہے۔ کانفرنس میں نوحہ خواں حضرات نوحہ خوانی کیساتھ شہیدِ امت آیت اللہ سید علی خامنہ ای کو بھی اپنے اپنے انداز میں خراج عقیدت پیش کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ