سوشل میڈیا اسٹار ثنا یوسف کے قاتل نے اعتراف جرم کرلیا
اشاعت کی تاریخ: 25th, June 2025 GMT
سترہ سالہ سوشل میڈیا انفلوئنسر ثنا یوسف کے قتل میں گرفتار نوجوان عمر حیات نے عدالت کے روبرو اپنے جرم کا اعتراف کرلیا ہے۔ قاتل نے یہ بھی تسلیم کیا کہ اس کی یہ حرکت غصے اور انتقام کے زیرِ اثر کی گئی تھی، کیونکہ ثنا نے اس سے ملنے سے انکار کر دیا تھا۔
میڈیا رپورٹس کے مطابق، 22 سالہ عمر حیات کو آج جوڈیشل مجسٹریٹ سعد نذیر کی عدالت میں پیش کیا گیا، جہاں اس نے تعزیراتِ پاکستان کی دفعہ 164 کے تحت اعترافی بیان ریکارڈ کروایا۔ بیان میں ملزم نے اعتراف کیا کہ وہ ثنا کے ساتھ ملاقات کرنا چاہتا تھا، لیکن اس کے مسلسل انکار نے اسے اس حد تک مشتعل کیا کہ اس نے قاتلانہ قدم اٹھا لیا۔
ملزم کے مطابق، پہلی بار جب وہ ثنا کے گھر ملاقات کے لیے گیا تو سارا دن انتظار کرتا رہا، مگر ثنا نے اسے دیکھنے سے بھی انکار کر دیا اور واپس جانے کا کہہ دیا۔ عمر حیات کا کہنا تھا کہ وہ ثنا کی سالگرہ کے لیے تحفہ بھی لے کر گیا تھا، لیکن وہ بھی مسترد کر دیا گیا۔
بیان کے مطابق، 2 جون کو ثنا نے دوبارہ ملاقات کے لیے بلایا، لیکن تب بھی بات نہ بن سکی، جس پر وہ شدید غصے میں آ گیا۔ ملزم نے مزید بتایا کہ وہ طیش میں آ کر ثنا کے گھر گھس گیا اور سینے پر دو گولیاں مار کر اسے قتل کر ڈالا۔
یاد رہے کہ یہ المناک واقعہ 2 جون کی شام پیش آیا تھا، جب سترہ سالہ ثنا یوسف کو ان کے گھر میں فائرنگ کر کے قتل کر دیا گیا۔ گولیاں سینے میں لگنے کے باعث وہ موقع پر ہی جاں بحق ہو گئیں۔
واقعہ نے سوشل میڈیا پر تہلکہ مچا دیا تھا، جہاں ثنا یوسف کی مداحوں کی بڑی تعداد نے افسوس اور غصے کا اظہار کیا۔
.
ذریعہ
ذریعہ: Express News
پڑھیں:
نوجوانوں کی خدمات کے اعتراف میں اداکار ادریس ایلبا کو نائٹ کا خطاب
برطانوی اداکار ادریس ایلبا شاید نئے جیمز بانڈ نہ بن سکیں، لیکن اب وہ برطانیہ کے نئے نائٹس یعنی سر کے خطاب پانے والوں میں ضرور شامل ہو گئے ہیں۔
منگل کے روز کنگ چارلس نے ونڈسر کیسل میں منعقدہ ایک خصوصی تقریب میں ادریس ایلبا سمیت متعدد نمایاں شخصیات کو شاہی اعزازات سے نوازا۔
روایتی تقریب کے دوران بادشاہ نے تلوار کے ذریعے انہیں نائٹ ہڈ کا اعزاز عطا کیا۔
یہ بھی پڑھیں: برطانوی فٹبال لیجنڈ ڈیوڈ بیکہم کو شاہ چارلس کی جانب سے نائٹ کا اعزاز
ادریس ایلبا نے بعد ازاں انسٹاگرام اسٹوری پر اپنی اہلیہ سیبرینا ایلبا کے ساتھ تصویر شیئر کرتے ہوئے لکھا: ’ہم شکر گزار ہیں، اور ہمارا کام جاری رہے گا۔‘
ٹی وی سیریز دی وائر اور لوتھر میں اپنی شاندار اداکاری کے لیے مشہور ادریس ایلبا کو نوجوانوں کی فلاح و بہبود اور ان کی ترقی کے لیے خدمات کے اعتراف میں نائٹ کا خطاب دیا گیا ہے۔
2022 میں ادریس ایلبا اور ان کی اہلیہ نے ایلبا ہوپ فاؤنڈیشن قائم کی تھی، جس کا مقصد برطانیہ، امریکا اور افریقہ میں پائیدار ترقی کو فروغ دینا، نوجوانوں کے لیے مواقع پیدا کرنا، اور تعلیم و
سماجی بااختیاری کے منصوبوں کی حمایت کرنا ہے۔
That's Sir Idris Elba to you. ???? He poses with Sabrina Dhowre Elba after being awarded knighthood by King Charles at Windsor Castle.pic.twitter.com/U3Mtee1sJf
— Terrible Pics (@TerriblePic) June 2, 2026
ادریس ایلبا دی کنگس ٹرسٹ کے خیر سگالی سفیر بھی ہیں، یہ فلاحی ادارہ 1976 میں اُس وقت کے شہزادہ چارلس نے نوجوانوں کی مدد کے لیے قائم کیا تھا۔
اداکار، موسیقار اور سماجی کارکن ادریس ایلبا، جو آرسینل ایف سی کے دیرینہ مداح ہیں، نے سوشل میڈیا پر ایک ویڈیو بھی شیئر کی جس میں وہ خوشی سے اچھلتے ہوئے ’سر ایلبا‘ نام والی نئی
آرسنل جرسی تھامے نظر آئے۔
View this post on Instagram
A post shared by Idris Elba (@idriselba)
ادریس ایلبا اور کنگ چارلس اس وقت ایک نیٹ فلکس دستاویزی فلم پر بھی مل کر کام کر رہے ہیں، جو دی کنگز ٹرسٹ کے قیام کے 50 سال مکمل ہونے کے موقع پر بنائی جا رہی ہے، جس کی
نمائش رواں سال خزاں میں متوقع ہے۔
ادریس ایلبا کی فنونِ لطیفہ میں کامیابی کی کہانی کا آغاز بھی شاہی فلاحی ادارے سے جڑا ہوا ہے، 18 سال کی عمر میں انہیں اس وقت کے پرنسز ٹرسٹ سے گرانٹ ملی تھی، جس کی مدد سے
انہوں نے نیشنل یوتھ میوزک تھیٹر میں داخلہ لیا اور اداکاری کی تعلیم حاصل کی۔
مزید پڑھیں: کنگ چارلس کا اپنی بگڑتی صحت کا اعتراف
تقریب میں دیگر اعزاز یافتگان میں اولمپک آئس ڈانسنگ چیمپئنز جین ٹورویل اور کرسٹوفر ڈین بھی شامل تھے، جنہیں آئس اسکیٹنگ اور رضاکارانہ خدمات کے اعتراف میں نائٹ اور ڈیم کے
اعزازات دیے گئے۔
معروف کامیڈین اور مصنفہ میرا سیال کو ادب، ڈرامہ اور فلاحی خدمات پر اعزاز سے نوازا گیا، جبکہ کامیڈین پال ایلیٹ کو سماجی خدمات کے اعتراف میں ممبر آف دی آرڈر آف دی برٹش ایمپائر
کا اعزاز دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ادریس ایلبا پال ایلیٹ جین ٹورویل سر ایلبا کرسٹوفر ڈین کنگ چارلس میرا سیال نائٹ ہڈ نیشنل یوتھ میوزک تھیٹر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ