سعودی عرب میں محرم الحرام کا چاند نظر آگیا، نئے ہجری سال کا آغاز، غلاف کعبہ تبدیل
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
ریاض : سعودی عرب میں ہجری سال 1447 کا آغاز ہوگیا ہے۔ سعودی رویت ہلال کمیٹی نے تمیر ریجن میں چاند نظر آنے کا اعلان کیا جس کے بعد جمعرات 27 جون کو یکم محرم الحرام قرار دیا گیا ہے۔
غیر ملکی میڈیا رپورٹس کے مطابق تمیر اور دیگر علاقوں میں رویت ہلال کمیٹیوں کے اجلاس کے بعد چاند نظر آنے کی باقاعدہ تصدیق کی گئی، جس کے بعد ملک بھر میں نئے اسلامی سال کے آغاز کا اعلان کر دیا گیا۔
نئے ہجری سال کے آغاز کے ساتھ ہی مکہ مکرمہ میں مسجد الحرام میں غلاف کعبہ (کسوہ) کی تبدیلی کی روح پرور تقریب بھی منعقد ہوئی، روایت کے مطابق پرانے غلاف کا سنہری حصہ 29 ذوالحجہ کو نماز عصر کے بعد اتار لیا گیا تھا جب کہ نئے غلاف کی تنصیب کا عمل یکم محرم الحرام کی شب مکمل کیا گیا۔
مزید پڑھیں:غلاف کعبہ کو اونچا کرنے کی وجہ کیا ہے؟ تیاری میں کتنا سونا استعمال ہوتا ہے؟ جانیے!
غلافِ کعبہ کی تیاری اور تبدیلی کا عمل سعودی حکومت کی نگرانی میں ہوتا ہے اور ہر سال نئے ہجری سال کے آغاز پر اسے تبدیل کیا جاتا ہے، غلافِ کعبہ خالص ریشم، سونے اور چاندی کی تاروں سے تیار کیا جاتا ہے، جس پر قرآن کریم کی آیات کشیدہ کاری کے ذریعے تحریر کی جاتی ہیں۔
دریں اثنا سعودی عرب سمیت دیگر خلیجی ممالک میں نئے سال کی آمد پر مسلمانوں نے خصوصی دعائیں کیں اور اس موقع کو روحانی تازگی کے طور پر منایا۔ مسجد الحرام اور مسجد نبوی ﷺ میں بڑی تعداد میں زائرین نے شرکت کی اور نئے اسلامی سال کے لیے امن، سلامتی اور خیر و برکت کی دعائیں مانگیں۔
یاد رہے کہ اسلامی کلینڈر قمری حساب سے چلتا ہے اور محرم الحرام کو سال کا پہلا مہینہ اور حرمت والا مہینہ قرار دیا جاتا ہے، دنیا بھر میں مسلمان اس مہینے کو احترام اور عقیدت کے ساتھ مناتے ہیں، بالخصوص 10 محرم کو یوم عاشور کے طور پر خصوصی اہتمام کیا جاتا ہے۔
.
ذریعہ
ذریعہ: Jasarat News
کلیدی لفظ: محرم الحرام ہجری سال جاتا ہے کے بعد سال کے
پڑھیں:
یکم جون سے فیس لیس چالان سسٹم کا آغاز،پہلے دن کتنے چالان جاری ہوئے؟ تفصیلات سامنے آگئی
اسامہ ملک : یکم جون سے لین کی خلاف ورزی پر فیس لیس چالان کے آغاز کا معاملہ،پہلے دن کتنے شہری کیمرے کی نظر میں آئے؟ کتنے چالان ہوئے؟ تفصیلات سامنے آگئی۔
کراچی شہر میں لین ڈسپلن کی خلاف ورزی پر فیس لیس چالان سسٹم کے آغاز کے پہلے ہی دن مجموعی طور پر 96 چالان جاری کیے گئے ہیں۔
رپورٹس کے مطابق تمام چالان میٹروپول سے ایئرپورٹ جانے اور آنے والی مرکزی سڑک پر کیمروں کی مدد سے کیے گئے، پہلے دن مجموعی طور پر 11 مختلف کیٹیگریز کی گاڑیوں کو خلاف ورزی پر جرمانہ کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اعداد و شمار کے مطابق بڑی بسوں کے 2، کوسٹر کے 2، ڈبل کیبن کا 1 اور عام گاڑیوں کے 9 چالان کیے گئے، اسی طرح منی بس کے 6، منی ٹرک کے 3 اور سوزوکی پک اپ کے 21 چالان بھی جاری ہوئے۔
رپورٹ میں بتایا گیا کہ موٹرسائیکل کی سب سے زیادہ خلاف ورزیاں سامنے آئیں جن کے 43 چالان کیے گئےجبکہ ٹرک کے 3، وین کے 4 اور واٹر ٹینکر کے 2 چالان بھی شامل ہیں۔
تمام چالان اس بنیاد پر کیے گئے کہ گاڑیاں اپنی مقررہ لین چھوڑ کر دوسری لین میں چل رہی تھیں، مزید یہ بھی سامنے آیا کہ فرسٹ لین میں کم رفتار سے چلنے والی گاڑیوں کو بھی لین ڈسپلن کی خلاف ورزی پر فیس لیس چالان کا سامنا کرنا پڑا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ