نیویارک میئر کے لیے امیدوار ظہران ممدانی اور امریکی صدر ٹرمپ آمنے سامنے
اشاعت کی تاریخ: 26th, June 2025 GMT
نیویارک سٹی کے میئر کے امیدوار زوہران مامدانی نے اپنی انتخابی تقریر میں کہا ہے کہ وہ صدر ڈونلڈ ٹرمپ کی سخت اور غیرمنصفانہ پالیسیوں کو مکمل طور پر مسترد کریں گے۔
یہ بھی پڑھیں:ٹرمپ نے نیو یارک کے امیدوار برائے میئرشپ ظہران ممدانی کو ’کمیونسٹ پاگل‘ قرار دیدیا
ان کا کہنا تھا کہ ہم نے اس لیے کامیابی حاصل کی کیونکہ نیویارک کے لوگ ایسے شہر کے لیے کھڑے ہوئے ہیں جہاں وہ صرف گزارا نہ کریں بلکہ عزت سے زندگی گزار سکیں۔ جہاں رات بھر کام کرنے والے دن کو اپنے کام کے پھل سے لطف اندوز ہو سکیں۔
انہوں نے مزید کہا کہ ہم ایسا شہر بنائیں گے جہاں محنت کا بدلہ سکون بھری زندگی ہو۔ اور جہاں میئر اپنے اختیارات استعمال کر کے ٹرمپ کی پالیسیوں کو روکے گا۔ ہم ایسے شہر کی قیادت کریں گے جو ڈیموکریٹ پارٹی کے لیے مثال بنے۔
یہ بھی پڑھیں:نیویارک میئر کے لیے نامزد امیدوار ظہران ممدانی نے ’روٹی، کپڑا اور مکان‘ کا نعرہ لگادیا
ممدانی نے خاص طور پر امیگریشن پالیسیوں اور غیر قانونی تارکین وطن کی جبری بے دخلی کے خلاف آواز اٹھائی، اور کہا کہ وہ ICE ایجنٹس کی کارروائیاں روکنے کے لیے اقدامات کریں گے۔
واضح رہے کہ میئر کے لیے ہونے والی الیکشن کے ابتدائی نتائج میں ممدانی کو سبقت حاصل ہے اور امکان ظاہر کیا جا رہا ہے کہ اگلے ہفتے آنے والے حتمی نتائج میں بھی وہ واضح برتری برقرار رکھیں گے، خاص طور پر اس لیے کہ تیسرے نمبر پر آنے والے امیدوار بریڈ لینڈر نے اپنے حامیوں سے ممدانی کو دوسرے نمبر پر ووٹ دینے کی اپیل کی تھی۔
یہ الیکشن اس بات کا اشارہ بھی سمجھا جا رہا ہے کہ ڈیموکریٹک پارٹی کو آئندہ کن پالیسیوں پر توجہ دینی چاہیے، کیونکہ یہ صدر ٹرمپ کی دوسری مدت کے پانچویں مہینے میں ہو رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ٹرمپ زوہران مامدانی نیویارک میئر.
ذریعہ
ذریعہ: WE News
کلیدی لفظ: امریکی صدر زوہران مامدانی نیویارک میئر میئر کے کے لیے
پڑھیں:
ٹرمپ انتظامیہ نے 60 تجارتی شراکت داروں پر نئے ٹیرف عائد کر دیئے
واشنگٹن (اُردو پوائنٹ اخبارتازہ ترین - اے پی پی۔ 24 جولائی2026ء) امریکی صدر ڈونلڈ ٹرمپ کی انتظامیہ نے یورپی یونین جیسے گروپوں اور ممالک سمیت 60 تجارتی شراکت داروں سے درآمد ہونے والی مصنوعات پر 10 اور 12.5 فیصد کے نئے ٹیرف نافذ کر دیئے۔ برطانوی خبر رساں ادارے رائٹرز کے مطابق امریکی تجارتی نمائندے جیمی سن گریئر نے بیان میں کہا ہےکہ نئی ڈیوٹیز امریکی تجارتی قانون 1974 کے سیکشن 301 کے تحت نافذ کی گئی ہیں اور ان کا اطلاق امریکی درآمدات کے تقریباً 99.4 فیصد حصے پر ہوگا، تاہم تیل و گیس، کھاد اور بعض غذائی اشیاء سمیت متعدد مصنوعات کو اس سے مستثنیٰ رکھا گیا ہے۔ان ممالک میں یورپی یونین،جاپان، جنوبی کوریا، تائیوان، سوئٹزرلینڈ، کینیڈا، بھارت ، برطانیہ، میکسیکو اور دیگر شامل ہیں۔(جاری ہے)
جیمی سن گریئر نے کہا کہ امریکا تقریباً ایک صدی سے جبری مشقت سے تیار کردہ مصنوعات کی درآمد پر پابندی عائد کیے ہوئے ہے اور اس پر سختی سے عمل درآمد کرتا ہے۔ اب وقت آ گیا ہے کہ امریکا کے تجارتی شراکت دار بھی ایسے ہی موثر اقدامات کریں۔
امریکا نے ارجنٹائن، بنگلہ دیش، برطانیہ، کمبوڈیا، کینیڈا، ایکواڈور، ایل سلواڈور، گوئٹے مالا، ہونڈوراس، بھارت، انڈونیشیا، اردن، ملائیشیا، میکسیکو ،سری لنکا، ٹرینیڈاڈ اینڈ ٹوباگو سمیت متعدد ممالک پر 10 فیصد ٹیرف عائد کیا ہے۔ دوسری جانب یورپی یونین، تائیوان، جاپان، جنوبی کوریا اور سوئٹزرلینڈ پر پہلے سے موجود درآمدی محصولات کو مدنظر رکھتے ہوئے مجموعی ٹیرف 10 یا 12.5 فیصد مقرر کیا گیا ہے جبکہ باقی 38 ممالک پر 12.5 فیصد شرح نافذ کی گئی ہے جن میں چین اور ویتنام بھی شامل ہیں۔ امریکا کے اس اقدام پر متعدد ممالک نے فوری ردِعمل دیتے ہوئے احتجاج کیا۔ یورپی یونین کی خارجہ امور کی سربراہ کاجا کیلس نے کہا کہ یورپی بلاک اس اقدام کو ایک غیر متوقع دھچکا سمجھتا ہے اور امریکا کی جانب سے پیش کی گئی اس کی توجیہ ناقابلِ فہم ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی