پنجاب: بارش اور آندھی کے باعث مختلف حادثات میں 11 افراد جاں بحق
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
پنجاب کے مختلف شہروں میں بارش اور آندھی کے باعث مختلف حادثات میں 11 افراد جاں بحق اور 35 زخمی ہوگئے۔
پراونشل ڈیزاسٹر مینجمنٹ اتھارٹی (پی ڈی ایم اے) کی جانب سے جاری رپورٹ کے مطابق 25 سے 27 جون کے دوران صوبے میں 25 افسوسناک حادثات رپورٹ ہوئے جن میں 11 افراد جان کی بازی ہار گئے جبکہ 35 افراد زخمی ہوئے۔ متعدد مویشی بھی ہلاک ہوئے۔
پی ڈی ایم اے کی رپورٹ کے مطابق اموات کی بڑی وجہ مکانوں کی چھتوں اور دیواروں کا گرنا رہا، لاہور میں سب سے زیادہ 8 واقعات پیش آئے، جہاں چھت گرنے سے 3 افراد جان کی بازی ہار گئے۔ اوکاڑہ میں چھت منہدم ہونے کے نتیجے میں ایک بچہ جاں بحق اور دو افراد زخمی ہوئے۔ منڈی بہاءالدین میں کرنٹ لگنے سے دو کمسن بچے جاں بحق ہوئے، جب کہ ایک شخص چھت گرنے سے زخمی ہوا۔
جھنگ میں بارش کے دوران برساتی نالے میں ڈوبنے سے دو افراد جان سے گئے، ساہیوال میں چھت گرنے سے ایک مرد اور ایک خاتون دم توڑ گئے۔ قصور اور بہاولپور میں بھی چھتیں گرنے کے باعث ایک، ایک بچے کی ہلاکت رپورٹ ہوئی۔ رحیم یارخان میں درخت گرنے سے ایک شہری زخمی ہوا، جب کہ ملتان میں چھت گرنے کے واقعے میں دو مرد، پانچ خواتین اور ایک بچہ زخمی ہوا۔
اسی طرح جہلم میں دو افراد سیلابی ریلے کی نذر ہوگئے، خانیوال میں آسمانی بجلی گرنے سے ایک شخص جاں بحق ہوا اور چنیوٹ میں چھت گرنے کے نتیجے میں چار افراد زخمی ہوئے۔
پی ڈی ایم اے نے شہریوں کو خبردار کیا ہے کہ آئندہ چند روز تک مزید بارشوں کا امکان موجود ہے، اس لیے عوام غیر ضروری سفر سے گریز کریں، کمزور عمارتوں سے دور رہیں اور حفاظتی تدابیر پر عمل کریں۔
ادارے کا کہنا ہے کہ صوبائی اور ضلعی سطح پر امدادی ٹیمیں الرٹ ہیں اور کسی بھی ہنگامی صورتحال سے نمٹنے کے لیے تیار ہیں۔
.ذریعہ: Jasarat News
پڑھیں:
سندھ: ڈینگی کے مریضوں کی تعداد میں بڑا اضافہ، ایک دن میں 727 نئے کیسز رپورٹ
سندھ ہیلتھ ڈپارٹمنٹ نے اتوار کی شب تصدیق کی ہے کہ گزشتہ 24 گھنٹوں میں سندھ میں ڈینگی کے 727 نئے کیسز سامنے آئے ہیں، جس کے بعد صوبے میں ڈینگی کے مریضوں کی مجموعی تعداد میں اضافہ ہو گیا ہے۔
میڈیا پر جاری اعداد و شمار کے مطابق، کراچی ڈویژن میں 1,919 ٹیسٹ کیے گئے جن میں سے 269 مثبت پائے گئے، جبکہ حیدرآباد ڈویژن میں 1,359 ٹیسٹ کیے گئے اور 458 افراد ڈینگی سے متاثر ہوئے۔
یہ بھی پڑھیے: راولپنڈی میں ڈینگی کے 11 نئے کیسز رپورٹ، مجموعی تعداد 1372 تک پہنچ گئی
گزشتہ 24 گھنٹوں میں 103 نئے مریض سرکاری ہسپتالوں میں داخل ہوئے جبکہ پرائیویٹ اسپتالوں میں 72 نئے داخلے ہوئے۔ اس دوران 150 مریض صحتیاب ہو کر اسپتالوں سے ڈسچارج ہوئے۔
سندھ ہیلتھ ڈپارٹمنٹ کے مطابق، اس وقت 271 ڈینگی کے مریض سرکاری اور 171 پرائیویٹ ہسپتالوں میں زیرِ علاج ہیں۔ صوبائی سطح پر اس ماہ اب تک ڈینگی کے مریضوں کی تعداد 6,708 ہو گئی ہے، جبکہ اس سال اب تک مجموعی طور پر 12,284 کیسز رپورٹ ہوئے ہیں۔
یہ بھی پڑھیے: اسلام آباد: گزشتہ 24 گھنٹے کے دوران ڈینگی کے 24 نئے کیسز، زیر علاج مریضوں کی تعداد 64 ہوگئی
سرکاری اسپتالوں میں ڈینگی کے مریضوں کے لیے کل 987 بیڈز مختص کیے گئے ہیں، جن میں کراچی میں 256، حیدرآباد میں 165 اور باقی سندھ کے اضلاع میں 566 بیڈز شامل ہیں۔ پرائیویٹ اسپتالوں میں 443 بیڈز ڈینگی کے مریضوں کے لیے مختص کیے گئے ہیں، جن میں کراچی میں 164، حیدرآباد میں 213 اور دیگر اضلاع میں 66 بیڈز شامل ہیں۔
صوبائی ڈینگی نگرانی نیٹ ورک اس وقت 34 لیبارٹریز سے ڈیٹا حاصل کر رہا ہے۔ صوبائی صحت حکام نے عوام سے اپیل کی ہے کہ وہ پانی جمع ہونے والے مقامات کو صاف کریں، کنٹینرز کو ڈھانپیں اور مچھروں کی افزائش کو روکنے کے لیے احتیاطی تدابیر اپنائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈینگی سندھ محکمہ صحت
اسحاق ڈار کہہ رہے تھے 26ویں ترمیم ہضم کرنا مشکل ہے، اب 27ویں کہیں اور سے لائی جارہی ہے، فضل الرحمان