غزہ میں مسلمانوں پر گدھوں کی مانند یہودی یلغار21 شہید
اشاعت کی تاریخ: 28th, June 2025 GMT
)
وحشیانہ بمباری ، فائرنگ کے نتیجے میں شہادتوں کا سلسلہ جاری ، عالمی بے حسی برقرار
نہتے اور بھوکے افراد کو نشانہ بنانے کا سلسلہ جاری ہے،خوراک و طبی سہولیات کا بحران
صیہونی درندوں نے ایک بار پھر معصوم فلسطینیوں کو خون میں نہلا دیا۔26اور27جون کے دوران جاری وحشیانہ بمباری اور فائرنگ کے نتیجے میں مزید 21فلسطینی شہید ہو گئے ہیں، جن میں خواتین، معصوم بچے اور امداد کے منتظر نہتے شہری شامل ہیں۔ذرائع کے مطابق 26جون کو شہید ہونے والوں کی ابتدائی تعداد44تھی، جو اب بڑھ کر56ہو چکی ہے۔ ان میں10افراد وہ شامل ہیں ،جن کی اطلاع بعد ازاں موصول ہوئی جبکہ27 جون کو بھی صیہونی افواج نے غزہ کے مختلف علاقوں کو نشانہ بنایا، اب تک موصول ہونے والی اطلاع کے مطابق11فلسطینی شہید ہوچکے ہیں ،عینی شاہدین کا کہنا ہے کہ اسرائیلی ڈرونز اور توپ خانے نے رہائشی عمارتوں، پناہ گزین کیمپوں اور امدادی قطاروں پر حملے کیے، جس کے نتیجے میں کئی خاندان مکمل طور پر صفحہ ہستی سے مٹ گئے،غزہ کے اسپتال زخمیوں سے بھر گئے ہیں، جب کہ طبی سامان، بجلی، ایندھن اور بنیادی سہولیات کی سنگین قلت ہے، درجنوں نوزائیدہ بچے آکسیجن اور دودھ کی عدم دستیابی کے باعث موت و زندگی کی کشمکش میں مبتلا ہیں۔بین الاقوامی انسانی حقوق کی تنظیموں نے خبردار کیا ہے کہ خوراک اور پانی کی بندش کی وجہ سے غزہ میں قحط کا خطرہ شدید تر ہو گیا ہے، تاہم اقوام متحدہ اور عالمی طاقتوں کی جانب سے اب تک کوئی موثر اقدام سامنے نہیں آیا۔
.
ذریعہ
ذریعہ: Juraat
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع