ہیٹ ویو کی شدت میں اضافے کی وجہ بننے والا ’ہیٹ ڈوم‘ کیا ہے؟
اشاعت کی تاریخ: 1st, July 2025 GMT
حال ہی میں یورپ کے کئی حصوں میں شدید گرمی کی لہر دیکھی گئی، خاص طور پر اسپین میں درجہ حرارت 40 ڈگری سیلسیس سے بھی اوپر چلا گیا۔ ایسے میں سائنسدانوں نے بتایا کہ اس کی وجہ ’ہیٹ ڈوم‘ ہے۔ ہیٹ ڈوم کیا ہے؟ اور اس کے کیا اثرات ہوتے ہیں آئیے جانتے ہیں۔
یہ فضاء میں ایک ایسا علاقہ ہوتا ہے جہاں ہوا کا دباؤ بہت زیادہ ہوتا ہے اور یہ دباؤ ایک جگہ پر جم جاتا ہے۔ اس سے ہوا نیچے پھنس جاتی ہے، جیسے کہ کسی برتن کے اوپر ڈھکن رکھ دیا ہو۔
اس کے نتیجے میں زمین کی سطح زیادہ گرم ہو جاتی ہے کیونکہ سورج کی روشنی بغیر کسی بادل کے سیدھی زمین پر آتی رہتی ہے، اور ہوا میں ٹھنڈی ہوا کا گزر بھی بند ہو جاتا ہے۔
دوسرے الفاظ میں ہیٹ ڈوم یا گرمی کا گڑھا ایک ایسا موسمیاتی عمل ہے جس میں ہوا میں ایک بڑا اعلیٰ دباؤ کا نظام ایک خاص علاقے پر کئی دنوں یا ہفتوں تک قائم رہتا ہے۔ یہ ایک ’ڈوم‘ کی طرح کام کرتا ہے جو گرمی کو باہر نکلنے نہیں دیتا اور بادل بننے سے روکتا ہے، جس کی وجہ سے درجہ حرارت مسلسل بہت زیادہ رہتا ہے۔
یہ خاص موسمی حالات کی وجہ سے بنتا ہے جب جیٹ اسٹریم کی حرکت میں خلل پڑتا ہے اور ایک اعلیٰ دباؤ کا سسٹم جگہ پر ٹھہر جاتا ہے۔ سمندری درجہ حرارت میں تبدیلیاں اور لا نینا جیسے عالمی کلائمٹ پیٹرن بھی اس میں کردار ادا کرتے ہیں۔
عام طور پر یہ گڑھا جگہ پر ہی رہتا ہے، اور اس کا رخ جیٹ اسٹریم کے پیٹرن سے متعین ہوتا ہے۔ جب یہ ٹوٹتا ہے تو گرمی میں کمی آتی ہے۔
گرمی اور نمی مل کر جسم کی قدرتی ٹھنڈک یعنی پسینہ بہنے کے عمل کو متاثر کرتے ہیں، جس سے حرارت جسم کے اندر بڑھ جاتی ہے۔ اس سے گرمی کی بیماری، ہیٹ اسٹروک، اور دیگر صحت کے مسائل پیدا ہو سکتے ہیں، خاص طور پر بچوں، بزرگوں، اور بیمار افراد کے لیے۔
اس کے اثرات:
دن بھر دھوپ کی تیزی رہتی ہے اور ہوا کم چلتی ہے، جس سے گرمی بڑھتی ہے۔ زمین خشک ہو جاتی ہے اور آگ لگنے کا خطرہ بڑھ جاتا ہے اوریہ گرمی کی لہر کئی دن یا ہفتوں تک برقرار رہ سکتی ہے۔
ہیٹ ڈوم کوئی نئی بات نہیں، لیکن ماہرین کہتے ہیں کہ موسمیاتی تبدیلیوں کی وجہ سے گرمی کی شدت اور اس کا دورانیہ بڑھ رہا ہے۔ زمین کا اوسط درجہ حرارت بڑھنے کی وجہ سے گرمی کی لہریں پہلے سے زیادہ شدید اور دیر پا ہو گئی ہیں۔
ماہرین کے مطابق موسمیاتی تبدیلیوں کی وجہ سے گرمی کی لہریں پہلے سے زیادہ جلدی اور زیادہ دیر تک آ سکتی ہیں۔ اس سال بھی یورپ میں گرمی کا سلسلہ معمول سے زیادہ شدت کا ہوگا۔
Post Views: 2.ذریعہ: Daily Mumtaz
کلیدی لفظ: سے گرمی کی کی وجہ سے جاتا ہے جاتی ہے ہے اور
پڑھیں:
ڈیزل کی قیمتوں میں اضافے پر گڈز ٹرانسپورٹ الائنس کا بڑا اعلان
صدر ملک شہزاد اعوان نے کہا کہ حکومتی پالیسیاں ہمیں ملک گیر ہڑتال کی طرف لے جانے پر مجبور کر رہی ہیں۔ اسلام ٹائمز۔ سابق رکن سندھ اسمبلی اور صدر پاکستان گڈز ٹرانسپورٹ الائنس ملک شہزاد اعوان نے پیٹرولیم مصنوعات کی قیمتوں میں حالیہ اضافے پر گہری تشویش کا اظہار کرتے ہوئے اس پر شدید ردعمل دیا ہے۔ اپنے وڈیو بیان میں ملک شہزاد اعوان نے کہا کہ پیٹرولیم مصنوعات کی قیمتوں میں اضافے کی ہم پوری ٹرانسپورٹ برادری مذمت کرتے ہیں، حکومت پیٹرولیم مصنوعات، ٹول ٹیکسز، اور ود ہولڈنگ ٹیکس میں مسلسل اضافہ کر رہی ہے، جس سے ٹرانسپورٹ سیکٹر اور عوام دونوں ہی متاثر ہو رہے ہیں۔ انہوں نے کہا کہ حکومتی پالیسیاں ہمیں ملک گیر ہڑتال کی طرف لے جانے پر مجبور کر رہی ہیں۔
ملک شہزاد اعوان کا کہنا تھا کہ اگر حکومتی پالیسیاں اسی طرح جاری رہیں تو ہم جلد ہی اپنے لائحہ عمل کا اعلان کریں گے اور اپنے حقوق کیلئے مزید سخت اقدامات اٹھائیں گے۔ ملک شہزاد اعوان نے اس بات کا بھی اعلان کیا کہ ٹرانسپورٹ برادری نے پیٹرولیم مصنوعات کی قیمتوں میں اضافے کے بعد اپنے کرائے 4 فیصد بڑھانے کا فیصلہ کیا ہے۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟