تحریک انصاف کی لاہور جیل میں قید قیادت کی مذاکرات کی اپیل
اشاعت کی تاریخ: 2nd, July 2025 GMT
data-id="863a0a8" data-element_type="widget" data-widget_type="theme-post-content.default">
لاہور: تحریک انصاف (پی ٹی آئی) کی لاہور کی جیل میں قید اعلیٰ قیادت نے ملک کے موجودہ سیاسی و معاشی بحران سے نکلنے کے لیے فوری مذاکرات کی اپیل کر دی ہے۔
میڈیا رپورٹس کےمطابق جیل سے جاری مشترکہ بیان میں تحریک انصاف کے مرکزی رہنماؤں نے کہا ہے کہ ملک بدترین سیاسی، آئینی اور معاشی بحران سے دوچار ہے اور اس سے نکلنے کا واحد راستہ بامعنی اور سنجیدہ مذاکرات ہیں۔
پی ٹی آئی رہنماؤں نے کہا کہ مذاکرات کا آغاز سیاسی سطح پر کیا جائے اور بعد ازاں مقتدر حلقوں کو بھی اس عمل کا حصہ بنایا جائے، ہمیں ایک نئے عمرانی معاہدے کی ضرورت ہے جو تمام اسٹیک ہولڈرز کو یکجا کرے۔
تحریک انصاف رہنماؤں نے مطالبہ کیا ہے کہ مذاکراتی عمل میں لاہور کی جیلوں میں قید پارٹی کی اعلیٰ قیادت کو بھی شامل کیا جائے تاکہ تمام فریقین کا مؤقف سنا جا سکے،مذاکراتی کمیٹی کی تشکیل کے لیے پارٹی کے بانی و قائد عمران خان تک رسائی کو آسان بنایا جائے تاکہ وہ اس عمل میں رہنمائی فراہم کر سکیں۔
رہنماؤں نے کہا کہ تحریک انصاف نے ہمیشہ سیاسی عمل اور آئینی راستے پر یقین رکھا ہے اور ہم اب بھی اس موقف پر قائم ہیں کہ تمام مسائل کا حل صرف اور صرف بات چیت اور افہام و تفہیم سے ہی ممکن ہے۔
انہوں نے موجودہ حکومت، تمام سیاسی جماعتوں اور ریاستی اداروں سے اپیل کی کہ وہ اپنے اپنے مؤقف سے ہٹ کر ملک کے وسیع تر مفاد میں مذاکرات کا راستہ اختیار کریں تاکہ پاکستان کو درپیش چیلنجز کا دیرپا اور پائیدار حل نکالا جا سکے۔
خیال رہےکہ لاہور جیل سے جاری اس اہم بیان پر ڈاکٹر یاسمین راشد، عمر سرفراز چیمہ، میاں محمودالرشید، شاہ محمود قریشی اور اعجاز احمد چوہدری کے دستخط موجود ہیں جو اس بات کی نشاندہی کرتا ہے کہ پارٹی کی اعلیٰ سطحی قیادت اس وقت مذاکرات کے ذریعے ہی ملک کو موجودہ بحران سے نکالنے کو واحد حل سمجھتی ہے۔
.ذریعہ: Jasarat News
کلیدی لفظ: تحریک انصاف
پڑھیں:
ایم ڈبلیو ایم جعفرآباد کا اجلاس، صوبائی و ضلعی رہنماؤں کی شرکت
اجلاس کے دوران تحصیل اور ضلعی سطح کے انتخابات منعقد ہوئے، جن میں شہزادہ خان دشتی کو تین سال کیلیے تحصیل صدر اور سید اسرار شاہ دوپاسی کو صدر ضلع جعفر آباد منتخب کیا گیا۔ اسلام ٹائمز۔ مجلس وحدت مسلمین ضلع جعفر آباد کی ضلعی شوریٰ کا اہم اجلاس ورکنگ کمیٹی کے آرگنائزر علامہ سید ظفر عباس شمسی اور رکنِ ورکنگ کمیٹی علامہ سہیل اکبر شیرازی کی زیرِ صدارت منعقد ہوا۔ اجلاس میں تحصیل روجھان، تحصیل جھٹ پٹ کے یونٹس اور ضلعی کابینہ کے ذمہ داران نے بھرپور شرکت کی۔ اجلاس کے دوران تحصیل اور ضلعی سطح کے انتخابات منعقد ہوئے، جن میں شہزادہ خان دشتی کو تین سال کے لیے تحصیل صدر اور سید اسرار شاہ دوپاسی کو آئندہ تین سال کے لیے صدر ضلع جعفر آباد منتخب کیا گیا۔ اس موقع پر مجلس علماء مکتب اہلبیت بلوچستان کے صدر مولانا زوالفقار علی سعیدی اور ضلعی رہنماء سید فضل شاہ نے خصوصی شرکت کی۔ نو منتخب صدور سے ایم ڈبلیو ایم بلوچستان کی ورکنگ کمیٹی کے آرگنائزر علامہ سید ظفر عباس شمسی نے حلف لیا۔
اس موقع پر خطاب کرتے ہوئے علامہ سید ظفر عباس شمسی نے کہا کہ مجلس وحدت مسلمین پاکستان آج کے دور میں ملت جعفریہ کی وہ مضبوط دینی، سیاسی اور سماجی قوت بن چکی ہے، جو ملک میں امن، استحکام اور باوقار نمائندگی کے لیے ناگزیر ہے۔ انہوں نے مزید کہا کہ مؤمنین برسوں سے مختلف چیلنجز اور محرومیوں کا سامنا کرتے رہے ہیں، لیکن ایم ڈبلیو ایم نے پہلی بار اس قوم کی آواز کو منظم، باوقار اور مؤثر انداز میں قومی سطح پر پیش کیا۔ انہوں نے امید ظاہر کی کہ نو منتخب ضلعی و تحصیل صدور اپنی ذمہ داریاں بھرپور فعالیت اور منظم حکمتِ عملی کے ساتھ انجام دیں گے۔ مجلس علماء مکتب اہلبت کے رہنماء مولانا ذوالفقار علی سیعدی نے خطاب کرتے ہوئے کہا کہ مجلس وحدت مسلمین کی بنیاد اتحاد، ہم آہنگی اور امن پر رکھی گئی ہے۔ یہ وہ واحد قومی پلیٹ فارم ہے جو ہر سطح پر فرقہ واریت کے خاتمے اور اُمتِ مسلمہ کے باہمی اتحاد کی بات کرتا ہے۔
انہوں نے کہا کہ ایم ڈبلیو ایم نے ہمیشہ آئینی و قانونی دائرے میں رہتے ہوئے ملت جعفریہ کے حقوق، مذہبی آزادیوں، قومی معاملات میں نمائندگی اور دہشت گردی و ٹارگٹ کلنگ کے خلاف اپنا بھرپور کردار ادا کیا ہے۔ ایم ڈبلیو ایم رہنماء علامہ سہیل اکبر شیرازی نے خطاب کرتے ہوئے کہا کہ مجلسِ وحدت مسلمین پاکستان اب محض ایک تنظیم نہیں، بلکہ ملت جعفریہ کی اجتماعی ڈھال، قومی وحدت کی علامت اور ظلم کے خلاف ایک جرأت مند آواز بن چکی ہے۔ انہوں نے کہا کہ ایسی جماعت کا مضبوط، فعال اور منظم رہنا وقت کی سب سے اہم ضرورت ہے۔ انہوں نے نو منتخب صدور سے امید ظاہر کی کہ وہ تنظیمی فعالیت، عوامی رابطے اور تنظیمی نظم و ضبط کو مزید بہتر انداز میں آگے بڑھائیں گے۔
27ویں آئینی ترمیم، اپوزیشن کا قومی اسمبلی اجلاس سے واک آؤٹ