پاکستان کے رفال طیارےمارگرانے پر فرانس چین سے ناراض،الزامات کی بوچھاڑکردی
اشاعت کی تاریخ: 7th, July 2025 GMT
بھارت اور پاکستان کے درمیان مختصر جھڑپ کے دوران رفال طیارے استعمال کیے گئے تھے اور اب فرانس نے الزام عائد کیاہے کہ چین نے اس کے رفال طیاروں کے خلاف مبینہ طور پر غلط معلومات پھیلانے کی کوشش کی۔
جرمن نشریاتی ادارے کی رپورٹ کے مطابق ایسوسی ایٹڈ پریس نے فرانسیسی فوجی اور انٹیلی جنس حکام کے حوالے سے یہ دعویٰ کیا ہے کہ مئی کے اوائل میں پاکستان اور بھارت کے درمیان مختصر لڑائی کے بعد چین نے فرانسیسی ساختہ رفال جنگی طیاروں کے خلاف غلط معلومات پھیلانے کی کوشش کی۔
واضح رہے کہ بھارت نے اس تنازعے کے دوران رفال جنگی طیاروں کا بھی استعمال کیا تھا اور بھارتی حکام نے اپنے جنگی طیاروں کے مار گرائے جانے کی تصدیق بھی کی، تاہم یہ نہیں بتایا کہ اس کے کتنے طیار تباہ ہوئے۔ البتہ پاکستان کا کہنا ہے کہ اس نے بھارت کے چھ طیارے مار گرائے، جن میں سے تین رفال تھے۔ تاہم بھارت رفال طیاروں کے گرائے جانے سے انکار کرتا ہے۔
امریکی خبررساں ادارے کا کہنا ہے کہ فرانس نے اپنی ایک اندرونی تفتیش کرائی ہے، جس کی ایک کاپی اس کے ہاتھ لگی ہے اور اس میں کہا گیا ہے کہ چین نے اپنے سفارت خانوں کا استعمال کرتے ہوئے اس حوالے سے ایک مہم چلائی اور فرانس کے ہائی ٹیک جدید طیاروں کی فروخت کو نقصان پہنچانے کی کوشش کی۔
فرانسیسی انٹیلی جنس کے مطابق چینی سفارت خانے کے دفاعی اتاشیوں نے دلیل دی کہ بھارتی فضائیہ کے ذریعے استعمال کیے جانے والے “رفال طیاروں نے خراب کارکردگی کا مظاہرہ کیا” اور انہوں نے دوسرے ممالک کے سکیورٹی اور دفاعی حکام کے ساتھ ملاقاتوں میں چینی ساختہ ہتھیاروں کو فروغ دینے کی کوشش بھی کی۔
فرانسیسی انٹیلی جنس کا کہنا ہے کہ چینی دفاعی اتاشیوں نے اپنی لابنگ کو ان ممالک پر مرکوز کیا، جو رفال طیاروں کی خریداری پر غور کر رہے ہیں۔ اس حوالے رپورٹ میں کہا گیا ہے کہ فرانسیسی حکام کو ان ممالک سے ملاقاتوں کا علم ہوا، جن سے رابطہ کیا گیا تھا۔
ایسوسی ایٹڈ پریس کے مطابق فرانسیسی فوجی حکام نے کہا کہ غلط معلومات پھیلانے میں سوشل میڈیا پر وائرل ہونے والی پوسٹس، ویڈیو گیمز اور مصنوعی ذہانت سے تیار کردہ رفال کا ملبہ دکھانے سمیت کئی چیزوں کو پیش کرنے کی کوشش کی گئی۔
آن لائن ڈس انفارمیشن میں مہارت رکھنے والے فرانسیسی محققین کے مطابق بھارت اور پاکستان کے تنازعے کے بعد 1,000 سے زیادہ سوشل میڈیا نئے اکاؤنٹس بنائے گئے اور اس میں بھی چینی تکنیکی کی برتری کو پیش کرنے کی کوشش کی گئی۔
فرانس کی وزارت دفاع نے الزام عائد کیا رفال طیاروں کو “غلط معلومات پھیلانے کی ایک وسیع مہم” کے ذریعے نشانہ بنایا گیا، جس میں “متبادل آلات، خاص طور پر چینی ڈیزائن کے آلات، کی برتری کو فروغ دینے کی کوشش کی گئی۔”
فرانسیسی وزارت نے یہ کہتے ہوئے کہ رفال “اسٹریٹجک فرانسیسی پیشکش” کی نمائندگی کرتا ہے اسے چین کی ڈس انفارمیشن مہم میں ایک ہدف بنایا گیا تھا۔ اس رپورٹ میں مزید کہا گیا، “بعض عناصر نے طیارے پر حملہ کر کے فرانس اور اس کے دفاعی صنعت اور تکنیکی بنیاد کی ساکھ کو نقصان پہنچانے کی کوشش کی۔ اس وجہ سے غلط معلومات پھیلانے کی مہم نے صرف ایک طیارے کو نشانہ نہیں بنایا، بلکہ وسیع طور پر اسٹریٹجک خود مختاری، صنعتی اعتبار اور ٹھوس شراکت داری کی قومی تصویر کو بھی نشانہ بنایا۔تاہم چین نے فوری طور پر اس خبر سے متعلق کوئی رد عمل ظاہر نہیں کیا ۔
رفال بنانے والی فرانسیسی کمپنی ڈسالٹ ایوی ایشن نے اب تک 533 رفال جنگی طیارے فروخت کیے ہیں، جن میں مصر، بھارت، قطر، یونان، کروشیا، متحدہ عرب امارات، سربیا اور انڈونیشیا کو اس نے 323 طیارے برآمد کیے ہیں۔ انڈونیشیا نے 42 طیاروں کا آرڈر دیا ہے اور مزید خریدنے پر غور کر رہا ہے۔
ذریعہ: Daily Mumtaz
کلیدی لفظ: رفال طیاروں کی کوشش کی طیاروں کے کے مطابق چین نے
پڑھیں:
دو طرفہ فوجی تصادم میں دیگر ملکوں کو شامل کرنا بھارت کی ناقص سیاسی کوشش ہے: فیلڈ مارشل سید عاصم منیر
راولپنڈی (اوصاف نیوز)فیلڈ مارشل سید عاصم منیر،نشان امتیاز(ملٹری) کا نیشنل ڈیفنس یونیورسٹی اسلام آباد کا دورہ،فیلڈ مارشل کا” نیشنل سیکیورٹی اینڈ وار کورس” کرنے والےمسلح افواج کے فارغ التحصیل افسران سے خطاب
شرکاء سے خطاب کے دوران فیلڈ مارشل نے جنگ کے بدلتے ہوئے کردار پر روشنی ڈالی ،فیلڈ مارشل نے مشکل حالات میں پیچیدہ چیلنجز سے مؤثر طور پر نمٹنے کے لیے ذہنی تیاری، عملی فہم، اور ادارہ جاتی پیشہ ورانہ مہارت کی اہمیت پر زور دیا
آرمی چیف نے ہائبرڈ، روایتی اور غیر روایتی خطرات سے مؤثر انداز میں نمٹنے کی صلاحیت رکھنے والی مستقبل کی قیادت کی تیاری میں نیشنل ڈیفنس یونیورسٹی جیسے اہم اداروں کے کردار کو سراہا
آرمی چیف نے سول اور ملٹری اداروں کے مابین ہم آہنگی کو فروغ دینے کی ضرورت پر بھی زور دیا،بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا، فیلڈ مارشل
بھارت کی جانب سے آپریشن سندور میں ناکامی کی غیر منطقی توجیہات پیش کرنا ،دراصل بھارت کی آپریشنل تیاری اور اسٹریٹجک دور اندیشی کی کمی کو ثابت کرتا ہے، فیلڈ مارشل
آپریشن بنیان مرصوص میں پاکستان کی کامیابی میں بھارت کی جانب سے بیرونی حمایت جیسے الزامات غیر ذمہ دارانہ اور حقائق کے منافی ہیں، فیلڈ مارشل
اس قسم کے بیانات بھارت کی آپریشن بنیان مرصوص میں پاکستان کی کامیابی کو تسلیم کرنے میں روایتی ہچکچا ہٹ کی عکاسی کرتے ہیں اور پاکستان کی دہائیوں پر مبنی حکمتِ عملی، مقامی صلاحیت اور مضبوط اداروں کی بنیاد پر کامیابی کو تسلیم کرنے سے گریزاں ہے، آرمی چیف
خالصتاً دوطرفہ فوجی تصادم میں دیگر ملکوں کو شامل کرنا، بھارت کی ناقص سیاسی کوشش ہے، فیلڈ مارشل
بھارت کی طرف سے اس طرح کے بے بنیاد بیانات کا مقصد خطے میں فرضی” نیٹ سیکیورٹی پر وائڈر”کے خود ساختہ رول کی ناکام کوشش ہے ، وہ بھی ایسے وقت میں جب خطے کے ممالک بھارت کی جارحانہ اور ہندوتوا نظریے سے تنگ ہیں، فیلڈ مارشل
بھارت کے خودغرضانہ اور تنگ نظر برتاؤ کے برعکس پاکستان نے اقوام عالم میں اصولی سفارتکاری پر مبنی دیرپا شراکت داری، باہمی احترام اور امن کی بنیاد پر تعلقات قائم کیے ہیں اور خود کو خطے میں نیٹ ریجنل اسٹیبلائزر ثابت کیا ہے ، فیلڈ مارشل
آرمی چیف نے پاکستان کے اصولی موقف کو دہراتے ہوئے کہا کہ ؛
” کسی بھی مہم جوئی، پاکستان کی خودمختاری اور سالمیت کو نقصان پہنچانے کی کوشش یا اس کی خلاف ورزی کا بغیر کسی ہچکچکاہٹ کے فوری اور منہ توڑجواب دیا جائے گا ”
ہماری آبادی کے مراکز، فوجی اڈوں، اقتصادی مراکز اور بندرگاہوں کو نشانہ بنانے کی کسی بھی کوشش کا شدید، گہرا، تکلیف دہ اور سوچ سے بڑھ کر زیادہ سخت جواب دیا جائے گا ، فیلڈ مارشل
اس پیدا ہونے والی کشیدگی کی اصل ذمہ داری اس (بھارت) بصیرت سے محروم مغرور جارح پر عائد ہوگی، جو ایک خودمختار ایٹمی ریاست کے خلاف اشتعال انگیزی سے پیدا ہونے والے ممکنہ تباہ کن نتائج کا ادراک کرنے میں ناکام رہا ، فیلڈ مارشل
جنگیں میڈیا کی بیان بازی، درآمد شدہ فینسی جنگی ساز و سامان یا سیاسی نعرے بازی سے نہیں جیتی جاتیں، آرمی چیف
جنگیں یقین ِ محکم ،پیشہ ورانہ قابلیت ، آپریشنل شفافیت، اداروں کی مضبوطی اور قومی عزم وحوصلےکے ذریعے جیتی جاتی ہیں، آرمی چیف
فیلڈ مارشل نے پاکستان کی مسلح افواج کی پیشہ ورانہ مہارت، جذبے اورجنگی تیاری پر مکمل اعتماد کا اظہار کیا
فیلڈ مارشل نے فارغ التحصیل افسران پر زور دیا کہ؛” وہ دیانتداری، بے لوث خدمت اور قوم کے لیے غیر متزلزل عزم پر ثابت قدم رہیں”
کنگ سلمان ریلیف سینٹرکے زیراہتمام فوڈ سکیورٹی سپورٹ پروجیکٹ کے تیسرے مرحلے کا آغاز
جوڈیشل کمیشن نے ہائی کورٹس کے چیف جسٹسز کی تقرری سے وزیراعظم کو آگاہ کر دیا