کیا چین نے رفال طیاروں کے خلاف غلط فہمی پھیلائی؟
اشاعت کی تاریخ: 7th, July 2025 GMT
اسلام آباد (اُردو پوائنٹ ۔ DW اردو۔ 07 جولائی 2025ء) خبر رساں ایجنسی ایسوسی ایٹڈ پریس نے فرانسیسی فوجی اور انٹیلیجنس حکام کے حوالے سے یہ اطلاع دی ہے کہ مئی کے اوائل میں پاکستان اور بھارت کے درمیان مختصر لڑائی کے بعد چین نے فرانسیسی ساختہ رفال جنگی طیاروں کے خلاف غلط معلومات پھیلانے کی کوشش کی۔
واضح رہے کہ بھارت نے اس تنازعے کے دوران رفال جنگی طیاروں کا بھی استعمال کیا تھا اور بھارتی حکام نے اپنے جنگی طیاروں کے مار گرائے جانے کی تصدیق بھی کی، تاہم یہ نہیں بتایا کہ اس کے کتنے طیار تباہ ہوئے۔
البتہ پاکستان کا کہنا ہے کہ اس نے بھارت کے چھ طیارے مار گرائے، جن میں سے تین رفال تھے۔ تاہم بھارت رفال طیاروں کے گرائے جانے سے انکار کرتا ہے۔
(جاری ہے)
بھارت نے فرانس سے رافال جنگی طیارے خریدنے کو منظوری دی
'بھارت میں رفال کی کارکردگی خراب رہی'اے پی کا کہنا ہے کہ فرانس نے اپنی ایک اندرونی تفتیش کرائی ہے، جس کی ایک کاپی اس کے ہاتھ لگی ہے اور اس میں کہا گیا ہے کہ چین نے اپنے سفارت خانوں کا استعمال کرتے ہوئے اس حوالے سے ایک مہم چلائی اور فرانس کے ہائی ٹیک جدید طیاروں کی فروخت کو نقصان پہنچانے کی کوشش کی۔
فرانسیسی انٹیلیجنس کے مطابق چینی سفارت خانے کے دفاعی اتاشیوں نے دلیل دی کہ بھارتی فضائیہ کے ذریعے استعمال کیے جانے والے "رفال طیاروں نے خراب کارکردگی کا مظاہرہ کیا" اور انہوں نے دوسرے ممالک کے سکیورٹی اور دفاعی حکام کے ساتھ ملاقاتوں میں چینی ساختہ ہتھیاروں کو فروغ دینے کی کوشش بھی کی۔
بھارت نے 36 رافال جنگی طیارے خریدنے کا فیصلہ کر لیا
فرانسیسی انٹیلیجنس کا کہنا ہے کہ چینی دفاعی اتاشیوں نے اپنی لابنگ کو ان ممالک پر مرکوز کیا، جو رفال طیاروں کی خریداری پر غور کر رہے ہیں۔
اس حوالے رپورٹ میں کہا گیا ہے کہ فرانسیسی حکام کو ان ممالک سے ملاقاتوں کا علم ہوا، جن سے رابطہ کیا گیا تھا۔ایسوسی ایٹڈ پریس کے مطابق فرانسیسی فوجی حکام نے کہا کہ غلط معلومات پھیلانے میں سوشل میڈیا پر وائرل ہونے والی پوسٹس، ویڈیو گیمز اور مصنوعی ذہانت سے تیار کردہ رفال کا ملبہ دکھانے سمیت کئی چیزوں کو پیش کرنے کی کوشش کی گئی۔
آن لائن ڈس انفارمیشن میں مہارت رکھنے والے فرانسیسی محققین کے مطابق بھارت اور پاکستان کے تنازعے کے بعد 1,000 سے زیادہ سوشل میڈیا نئے اکاؤنٹس بنائے گئے اور اس میں بھی چینی تکنیکی کی برتری کو پیش کرنے کی کوشش کی گئی۔
رافال جنگی طیاروں کو بھارتی فضائیہ میں شامل کر لیا گیا
فرانس کی وزارت دفاع کے مطابق رفال طیاروں کو "غلط معلومات پھیلانے کی ایک وسیع مہم" کے ذریعے نشانہ بنایا گیا، جس میں "متبادل آلات، خاص طور پر چینی ڈیزائن کے آلات، کی برتری کو فروغ دینے کی کوشش کی گئی۔
"وزارت نے یہ کہتے ہوئے کہ رفال "اسٹریٹجک فرانسیسی پیشکش" کی نمائندگی کرتا ہے اسے چین کی ڈس انفارمیشن مہم میں ایک ہدف بنایا گیا تھا۔
اس رپورٹ میں مزید کہا گیا، "بعض عناصر نے طیارے پر حملہ کر کے فرانس اور اس کے دفاعی صنعت اور تکنیکی بنیاد کی ساکھ کو نقصان پہنچانے کی کوشش کی۔ اس وجہ سے غلط معلومات پھیلانے کی مہم نے صرف ایک طیارے کو نشانہ نہیں بنایا، بلکہ وسیع طور پر اسٹریٹجک خود مختاری، صنعتی اعتبار اور ٹھوس شراکت داری کی قومی تصویر کو بھی نشانہ بنایا۔
"فرانس کی بھارتی تحفظات دور کرنے کی کوشش
ابھی تک چین نے اس خبر سے متعلق کوئی رد عمل ظاہر نہیں کیا ہے۔
رفال بنانے والی فرانسیسی کمپنی ڈسالٹ ایوی ایشن نے اب تک 533 رفال جنگی طیارے فروخت کیے ہیں، جن میں مصر، بھارت، قطر، یونان، کروشیا، متحدہ عرب امارات، سربیا اور انڈونیشیا کو اس نے 323 طیارے برآمد کیے ہیں۔ انڈونیشیا نے 42 طیاروں کا آرڈر دیا ہے اور مزید خریدنے پر غور کر رہا ہے۔
ادارت: جاوید اختر
.ذریعہ: UrduPoint
کلیدی لفظ: تلاش کیجئے غلط معلومات پھیلانے جنگی طیاروں رفال طیاروں کی کوشش کی طیاروں کے کے مطابق چین نے
پڑھیں:
غیر ملکی طیاروں نے سوڈان میں اعصابی گیس بموں سے بمباری کی ہے، یو این میں نمائندے کا بیان
سوڈان ٹریبیون اخبار کے مطابق اردیس نے ریپڈ سپورٹ فورسز کو ایک دہشت گرد تنظیم کے طور پر تسلیم کرنے اور اس گروپ کے ساتھ بات چیت کرنے والوں کو مجرم قرار دینے کے ساتھ ساتھ ریپڈ سپورٹ فورسز کو پیسے اور ہتھیار فراہم کرنے والے ممالک پر پابندیاں عائد کرنے کا مطالبہ کیا۔ اسلام ٹائمز۔ افریقہ کے شورش زدہ ملک سوڈان میں غیر ملکی طیاروں نے الفاشر میں آرمی ہیڈ کوارٹر پر اعصابی گیس سے بمباری کی ہے۔ اقوام متحدہ میں سوڈان کے مستقل نمائندے نے الزام لگایا کہ غیر ملکی طیاروں نے شمالی دارفور ریاست کے مرکز میں ملکی فوج کے ہیڈ کوارٹر پر اعصابی گیس سے بمباری کر کے آرایس ایف کی مدد کی ہے۔ سلامتی کونسل نے ریپڈ سپورٹ فورسز کی جانب سے شہر پر قبضے کے بعد الفاشر میں ہونے والی پیش رفت کا جائزہ لینے کے لیے اجلاس منعقد کیا۔
اجلاس کے دوران اس نے شہر میں شہریوں کے خلاف حملہ آور فورسز کی کارروائیوں کی مذمت کی اور قصور واروں کو سزا دینے کا مطالبہ کیا۔ غیر ملکی طیاروں نے گزشتہ ایک ہفتے کے دوران مداخلت کی اور اعصابی گیس کے ذریعے شہر الفاشر (ریاست شمالی دارفر کا مرکز) میں چھٹے انفنٹری ڈویژن کے ٹھکانوں کو نشانہ بنایا۔ انہوں نے مزید کہا کہ بین الاقوامی ضابطوں کے مطابق لڑائیوں میں اس قسم کی گیس کا استعمال ممنوع ہے اور سوڈان سلامتی کونسل سے اس اقدام کی مذمت کرنے کا مطالبہ کرتا ہے۔
سوڈان ٹریبیون اخبار کے مطابق اردیس نے ریپڈ سپورٹ فورسز کو ایک دہشت گرد تنظیم کے طور پر تسلیم کرنے اور اس گروپ کے ساتھ بات چیت کرنے والوں کو مجرم قرار دینے کے ساتھ ساتھ ریپڈ سپورٹ فورسز کو پیسے اور ہتھیار فراہم کرنے والے ممالک پر پابندیاں عائد کرنے کا مطالبہ کیا۔ انہوں نے سلامتی کونسل سے فاشر میں شہریوں کی نسل کشی کی تحقیقات کا مطالبہ کیا۔ اقوام متحدہ کی ایک رپورٹ کے مطابق ریپڈ سپورٹ فورسز نے الفاشر پر کنٹرول کے چند گھنٹوں میں 2000 سے زیادہ شہریوں کا قتل عام کیا، اور ہسپتال میں داخل 460 مریضوں کو ہلاک کیا۔
سوڈان کے مستقل نمائندے نے کہا کہ ریپڈ سپورٹ فورسز کے ساتھ اس وقت تک کوئی مذاکرات نہیں ہوں گے جب تک کہ وہ اپنے ہتھیار نہیں ڈال دیتے۔ اجلاس کے اختتام پر سلامتی کونسل نے فاشر پر ریپڈ سپورٹ فورسز کے حملے اور شہریوں کے خلاف جرائم کی مذمت کی اور قصور واروں کو سزا دینے کا مطالبہ کیا۔ واضح رہے سوڈان نے متعدد بار متحدہ عرب امارات پر تیزی سے رد عمل کی قوتوں کی مالی اعانت اور مسلح کرنے کا الزام عائد کیا ہے اور ابوظہبی کے خلاف سلامتی کونسل میں ثبوتوں کی حمایت کے ساتھ باضابطہ شکایت جمع کرائی ہے۔
ایمازون 14 ہزار ملازمین کو فارغ کرنے کا اعلان، AI اثرات کا ذکر