’ناقابلِ شکست پاکستان‘ ہاکی ایشیا کپ انڈر 18 کے فائنل میں پہنچ گیا
اشاعت کی تاریخ: 11th, July 2025 GMT
کوالالمپور(سپورٹس ڈیسک)ہاکی ایشیا کپ کے سیمی فائنل مقابلے میں پاکستان نے ملائیشیا کو پنلٹی شوٹ آوٹ پر شکست دے کر فائنل کے لیے کوالیفائی کر لیا ہے۔
نجی ٹی وی کے مطابق چین کے شہر داژو میں جاری ہاکی ایشیا کپ انڈر18 میں پاکستان کی مسلسل کامیابیوں کا سلسلہ جاری ہے، پاکستان اور ملائیشیا کے درمیان سیمی فائنل مقابلہ مقررہ وقت تک 3-3 گول سے برابر رہا، پنلٹی شوٹ آؤٹ پر قومی ٹیم نے حریف ٹیم کو شکست دے کر فائنل میں رسائی حاصل کر لی ہے۔
پاکستان انڈر18 ٹیم ایشیا ہاکی کپ میں اب تک ناقابل شکست رہی ہے۔ پاکستان نے گروپ میچ میں ہانگ کانگ کو 0-8 سے شکست سے دو چار کیا۔
سری لنکا کیخلاف پاکستان نے 0-9 سے یک طرفہ طور پر مقابلہ اپنے نام کیا، بنگلہ دیش کیخلاف پاکستان کو 3-6 سے کامیابی حاصل ہوئی جبکہ میزبان چین کو پاکستان نے 1-2 سے شکست دی۔
ایونٹ کا فائنل مقابلہ 13 جولائی کو داژو نیشنل ہاکی ٹریننگ سینٹر میں کھیلا جائے گا۔
مزیدپڑھیں:بانی پی ٹی آئی کے بچے پُرامن رہیں تو ٹھیک ہے : فیصل کریم کنڈی
ذریعہ: Daily Ausaf
کلیدی لفظ: پاکستان نے
پڑھیں:
ٹی20 ایشیا کپ: متحدہ عرب امارات نے عمان کو 42 رنز سے شکست دے دی
data-id="863a0a8" data-element_type="widget" data-widget_type="theme-post-content.default">
ابوظہبی: ٹی20 ایشیا کپ کے ساتویں میچ میں متحدہ عرب امارات (یو اے ای) نے عمان کو 42 رنز سے ہرادیا۔ 173 رنز کے ہدف کے تعاقب میں عمان کی ٹیم 130 رنز بناسکی۔
ابوظبی میں میں کھیلے جارہے گروپ اے کے میچ میں عمان کے کپتان جتندر سنگھ نے ٹاس جیت کر پہلے فیلڈنگ کا فیصلہ کیا۔یو اے ای کی ٹیم نے مقررہ 20 اوورز میں کپتان محمد وسیم اور علی شان شرفو کی شاندار نصف سینچریوں کی بدولت 5 وکٹ پر 172 رنز بنائے ہیں۔
یو اے ای کی اوپننگ جوڑی نے پہلی وکٹ پر 88 رنز کی شراکت قائم کی علی شان شرفو 51 بناکر کر پویلین لوٹ گئے، اُن کی اننگز 7 چوکوں اور 1 چھکے سے مزین تھی۔
یو اے ای کے کپتان محمد وسیم 54 گیندوں پر 69 رنز بناکر رن آؤٹ ہوئے، انہوں نے اس دوران 6 چوکے اور 3 چھکے لگائے۔محمد زوہیب نے 21 اور ہرشیت کوشک نے 19 رنز کی باری کھیلی جبکہ عمان کے جیتن نے 2 کھلاڑیوں کو آؤٹ کیا۔
جواب میں عمان کی ٹیم 19ویں اوور میں 130 رنز بناکر آؤٹ ہوگئی، آریان بشت نے 24، جتیندر سنگھ اور ونائیک شُکلا نے20،20 رنز اسکور کیے۔یو اے ای کی طرف سے جنید صدیقی نے چار، محمد جواد اللہ اور حیدر علی نے دو، دو کھلاڑیوں کو آؤٹ کیا۔
گروپ اے میں پاکستان اور بھارت 2، 2 میچز کھیل چکے ہیں، اس میچ کے بعد گروپ کی تمام ٹیموں کے 2،2 میچز ہوجائیں گے، عمان نے اپنا میچ بھارت سے جبکہ یو اے ای نے اپنا آخری مقابلہ پاکستان سے کرنا ہے۔
دنیا بھر میں اسکولوں پر حملوں میں 44 فیصد اضافہ تشویشناک ہے، وزیراعلیٰ سندھ