ایک سال سے ایمازون کی غیرمطلوب اور مفت ڈیلیوریز سے خاتون تنگ آگئیں
اشاعت کی تاریخ: 12th, July 2025 GMT
کیلیفورنیا کی ایک خاتون پچھلے ایک سال سے سینکڑوں ایمازون پیکجز وصول کرتے آرہی ہیں جو انہوں نے کبھی آرڈر نہیں کیے۔
تفصیلات کے مطابق یہ پیکجز زیادہ تر کار سیٹ کورز ہیں اور وہ اتنے مقدار میں پہنچ چکے ہیں کہ ان کی ڈرائیو وے اور گیراج میں جگہ ختم ہو گئی ہے۔
ایک چینی سیلر جس کا نام لیوسان دیدیان ہے نے صارفین کی جانب سے واپس کرنے والی مصنوعات کے ایڈریس پر غلطی سے یا جان بوجھ کر خاتون کا پتہ شامل کیا ہے۔
نتیجتاً، آرڈر دینے والے صارفین جب چیزیں واپس بھیجتے ہیں تو وہ پیکجز براہِ راست ان خاتون کے گھر پہنچ جاتے ہیں۔
اس وجہ سے ایمازون کے واپسی کے نظام (return system) میں ایک سنگین کمزوری پائی جاتی ہے۔ خاتون نے تقریباً چھ بار اس کی شکایت درج کرائی ہے لیکن کمپنی نے طویل عرصے تک مسئلہ حل نہیں کیا ہے۔
ان غیرمطلوب پیکجز نے خاتون کے 88 سالہ معذور والدہ کی آمدورفت کو بھی مشکل بنا دیا ہے۔ مقامی میڈیا نے جب اس حوالے سے رپورٹ کیا تو ایمازون نے جلد ہی اس پر عمل کرتے ہوئے پیکجز کو واپس لینے کا عمل شروع کردیا ہے اور وعدہ کیا ہے کہ آئندہ ایسی صورت حال نہیں ہونے دی جائے گی۔
.ذریعہ: Express News
پڑھیں:
کراچی: شادی والے دن لاپتہ ہونیوالا دلہا واپس لوٹ آیا، پولیس
اسکرین گریبکراچی کے ضلع کورنگی کے علاقے مدینہ کالونی میں شادی والے دن لاپتہ ہونے والا دولہا اپنے گھر واپس لوٹ آیا۔
پولیس کے مطابق جہانزیب سے گمشدگی سے متعلق زمان ٹاؤن تھانے میں پوچھ گچھ کی جا رہی ہے کہ آیا وہ اپنی مرضی سے گیا تھا یا پھر اس کو کسی نے اغواء کیا تھا۔
دوسری جانب دولہے کے اہلِ خانہ کا کہنا ہے کہ ابھی ہم کچھ تفصیل نہیں بتا سکتے۔
جہانزیب کے اہل خانہ کے مطابق اِن کے بیٹے کی حالت ابھی کچھ بتانے کے قابل نہیں ہے، فی الحال جہانزیب کی ذہنی حالت ٹھیک نہیں لگ رہی۔
پولیس کے مطابق جہانزیب کی گمشدگی کا مقدمہ تھانہ زمان ٹاؤن میں والد کی مدعیت میں درج کرلیا گیا ہے۔
یاد رہے کہ 11 ستمبر کو شادی کے روز دولہا پُراسرار طور پر لاپتہ ہوگیا تھا، دولہے کے والد، مدعی نے پولیس کو بتایا کہ جہانزیب کی بارات 11 ستمبر کو جانی تھی، شادی کے روز وہ شام 6 بجے کورنگی نمبر چار پر واقعے سیلون جانے کے لیے موٹر سائیکل پر گھر سے نکلا تھا، شام تقریباً ساڑھے 7 بجے سیلون سے تنویر نامی شخص کی کال آئی جس نے بتایا کہ جہانزیب تاحال سیلون نہیں پہنچا ہے۔
فون کال کے بعد جہانزیب کی تلاش شروع کی گئی، جہانزیب کا زیر استعمال موبائل فون بھی گھر پر موجود تھا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام