بڑے بھائی کے ہاتھوں گولی چلنے سے چھوٹا بھائی جاں بحق
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">پشاور: خیبر پختونخوا میں بڑے بھائی کے ہاتھ سے اتفاقیہ پستول چلنے سے چھوٹا بھائی جاں بحق ہوگیا۔
تفصیلات کے مطابق یہ افسوسناک واقعہ خیبر پختونخوا کے علاقے پبی کے نواحی علاقے ڈاگی جدید میں پیش آیا جہاں بڑے بھائی کی مبینہ طور پر پستول ہاتھ میں لیے بیٹھا اسے چیک کر رہا تھا کہ اسی دوران اتفاقیہ گولی چل گئی اور چھوٹے بھائی کو جالگی جس کی عمر 13 سالہ ہے، گولی لگنے سے بچہ موقع پر ہی جاں بحق ہو گیا۔
واقعے کے فوراً بعد بچے کی لاش کو میاں راشد حسین شہید میموریل اسپتال پبی منتقل کر دیا گیا۔ پولیس نے اطلاع ملتے ہی جائے وقوع پر پہنچ کر شواہد اکٹھے کرلیے اور تحقیقات شروع کردی ہیں۔
پولیس کا کہنا ہے کہ ابتدائی طور پر واقعہ حادثاتی فائرنگ کا نتیجہ معلوم ہوتا ہے، تاہم تمام پہلوؤں سے تفتیش کی جارہی ہے تاکہ حقیقت سامنے لائی جا سکے۔
.ذریعہ: Jasarat News
پڑھیں:
شکارپور میں گیس چوری پکڑی گئی، غیر قانونی بجلی بنانے والا گروہ رنگے ہاتھوں گرفتار
لاڑکانہ ریجن میں سی جی ٹی او لاڑکانہ، تھیفٹ سیکشن اور ڈسٹری بیوشن شکارپور کی ٹیموں نے مشترکہ کارروائی کرتے ہوئے شکارپور کے علاقے صدیق ماری سرکلر روڈ پر گیس چوری کرنے والے گروہ کو گرفتار کر لیا۔
ترجمان کے مطابق چھاپے کے دوران دو ملزمان مہتاب علی سومرو ولد مراد علی سومرو اور اعجاز شاہ کو موقع پر رنگے ہاتھوں گرفتار کیا گیا۔
دونوں افراد غیر قانونی طریقے سے سروس والوو کے نیچے رائزر پیس سے براہِ راست گیس حاصل کر کے 15 کلو واٹ کا جنریٹر چلا رہے تھے، جس کے ذریعے دکانوں اور گھروں کو کمرشل بنیادوں پر بجلی فراہم کی جا رہی تھی۔
تحقیقات کے دوران معلوم ہوا کہ ملزمان نے گیس کو دو پلاسٹک کے غباروں میں بھی ذخیرہ کر رکھا تھا تاکہ رات کے وقت گیس پروفائلنگ کے دوران بھی جنریٹر کو گیس کی سپلائی جاری رکھی جا سکے۔ کارروائی میں معلوم ہوا کہ مجموعی کنیکٹڈ لوڈ 188 کیوبک فٹ فی گھنٹہ تھا۔
حکام کے مطابق، ملزمان کے خلاف ایف آئی آر درج کر لی گئی ہے اور ان سے واجب الادا گیس چوری کے دعوے بھی کیے جا رہے ہیں۔
سونا مزید مہنگا ہوگیا؛ فی تولہ قیمت تاریخ کی نئی بلند ترین سطح پر