پاکستان اور چین کا دوستی کو مزید مستحکم کرنے تعاون کو فروغ دینے کے عزم کا اعادہ
اشاعت کی تاریخ: 2nd, August 2025 GMT
وفاقی وزیر منصوبہ بندی، ترقی و خصوصی اقدامات پروفیسر احسن اقبال نے بیجنگ میں چین کے نائب وزیر خارجہ سن ویڈونگ سے ملاقات کی، جس میں سی پیک فیز ٹو، صنعتی تعاون اور بزنس ٹو بزنس روابط پر تفصیلی تبادلہ خیال کیا گیا۔
ملاقات کے آغاز پر چینی نائب وزیر خارجہ نے احسن اقبال کا پُرتپاک خیرمقدم کیا۔ دونوں رہنماؤں نے پاک چین دوستی کو مزید مستحکم بنانے اور باہمی تعاون کو فروغ دینے کے عزم کا اعادہ کیا۔
یہ بھی پڑھیں: چینی ماڈل سے متعلق خدشات غلط ثابت، پاکستان چین کے تجربات سے سیکھنا چاہتا ہے، وزیراعظم شہباز شریف
وزیر منصوبہ بندی نے وزیراعظم شہباز شریف کی جانب سے چین کی قیادت کے لیے نیک تمناؤں اور خیرسگالی کا پیغام پہنچایا۔ انہوں نے اس موقع پر سن ویڈونگ کی پاکستان میں سفارتی خدمات کو خراجِ تحسین پیش کرتے ہوئے کہاکہ اُن کے دور میں سی پیک نے کاغذ سے اربوں ڈالر کے منصوبوں تک کا سفر طے کیا۔
احسن اقبال نے کہاکہ حالیہ علاقائی کشیدگی کے دوران چین نے پاکستان کی غیر مشروط حمایت جاری رکھی، جس پر پاکستانی قوم کو چین کی قیادت اور عوام کی لازوال دوستی پر فخر ہے۔ پاک چین دوستی بدلتے حالات میں مزید مضبوط ہو رہی ہے اور ہر دور میں نئی توانائی سے مستحکم ہو رہی ہے۔
چینی ترقیاتی ماڈل کو پاکستان کے لیے مشعل راہ قرار دیتے ہوئے احسن اقبال نے کہا کہ پاکستان چین کے تجربات سے فائدہ اٹھا کر برآمدات اور ٹیکنالوجی کی بنیاد پر معیشت کی تشکیل کی طرف بڑھ رہا ہے۔ انہوں نے مزید کہا کہ ’اُڑان پاکستان‘ کا فائیو ایز فریم ورک سی پیک فیز ٹو کے وژن سے مکمل مطابقت رکھتا ہے اور اس کا مقصد عوام دوست اصلاحات کے ذریعے معاشی، سماجی اور معاشرتی استحکام کو یقینی بنانا ہے۔
احسن اقبال نے کہاکہ سی پیک فیز ٹو میں صنعتی اور تکنیکی شعبے مرکزی اہمیت کے حامل ہوں گے، اور بزنس ٹو بزنس تعاون سے سی پیک کا دائرہ مزید وسعت اختیار کرے گا۔
انہوں نے چین کی قیادت کے عالمی امن کے لیے کردار کو بھی سراہا اور کہا کہ پاکستان کی اولین ترجیح ایک باصلاحیت، تعلیم یافتہ اور ہنرمند افرادی قوت تیار کرنا ہے۔
اس موقع پر چینی نائب وزیر خارجہ سن ویڈونگ نے کہاکہ چین مختلف شعبوں میں پاکستان کے ساتھ تعاون کو مزید فروغ دینے کے لیے پرعزم ہے۔
انہوں نے کہاکہ پاکستان کا فائیو ایز فریم ورک ملک کے معاشی استحکام اور خود انحصاری کے روشن امکانات کی نشاندہی کرتا ہے۔
یہ بھی پڑھیں: پاکستان امریکا تعلقات کو پاک چین دوستی کے تناظر میں نہ دیکھا جائے، اسحاق ڈار
سن ویڈونگ نے سی پیک منصوبوں میں احسن اقبال کے قائدانہ اور کلیدی کردار کو سراہتے ہوئے کہاکہ چین میں اُنہیں قدر کی نگاہ سے دیکھا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احسن اقبال پاک چین دوستی پاکستان چین چینی نائب وزیر خارجہ سی پیک فیز ٹو وی نیوز.
ذریعہ
ذریعہ: WE News
کلیدی لفظ: احسن اقبال پاک چین دوستی پاکستان چین چینی نائب وزیر خارجہ سی پیک فیز ٹو وی نیوز احسن اقبال نے پاک چین دوستی سی پیک فیز ٹو انہوں نے نے کہاکہ کے لیے
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ