بانی پی ٹی آئی سے اظہارِ یکجہتی کے لیے احتجاج، خیبرپختونخوا کے لیے پلان سامنے آگیا
اشاعت کی تاریخ: 5th, August 2025 GMT
بانی پاکستان تحریک انصاف (پی ٹی آئی) سے اظہارِ یکجہتی کے لیے خیبرپختونخوا کے مختلف اضلاع میں احتجاجی ریلیاں نکالی جائیں گی۔ تمام ریلیوں کی قیادت متعلقہ حلقوں کے اراکینِ اسمبلی اور پارٹی عہدیداران کریں گے۔
مرکزی ریلی پشاور میں نکالی جائے گی، جس کی قیادت خود وزیر اعلیٰ خیبرپختونخوا علی امین گنڈاپور کریں گے۔
پشاور ریلی کا روٹ اور شرکاءریلی کا آغاز حیات آباد ٹول پلازہ سے ہوگا، جو پیر زکوڑی پل سے ہوتی ہوئی قلعہ بالا حصار پر اختتام پذیر ہوگی۔
یہ بھی پڑھیے احتجاجی تحریک: پی ٹی آئی اسلام آباد نے اپنی حکمت عملی کا اعلان کردیا
ریلی میں شرکت کرنے والے پاکستان تحریک انصاف کے اہم رہنما بشمول ایم این اے ارباب شیر علی، ایم این اے اقبال آفریدی، ایم پی اے سہیل آفریدی، ایم پی اے عدنان قادری، ایم پی اے عبدالغنی، جنرل سیکریٹری خورشید عالم، صوبائی وزیر قاسم علی شاہ، ایم این اے شاندانہ گلزار، ایم پی اے سمیع اللہ، ایم پی اے شیر علی آفریدی، صوبائی وزیر مینا خان آفریدی، ضلع پشاور کے صدر عرفان سلیم اور ایم پی اے فضل الہٰی ہزار خوانی کے مقام پر کارکنان کے ہمراہ ریلی میں شریک ہوں گے۔
دیگر اضلاع میں ریلیوں کی قیادتمالاکنڈ میں ریلی کی قیادت صوبائی صدر پی ٹی آئی جنید اکبر کریں گے، جو چکدرہ ٹول پلازہ سے ریلی کی سربراہی کریں گے۔ مردان میں ریلی کی قیادت عاطف خان کریں گے۔ مردان، صوابی، اور چارسدہ سے نکالی جانے والی ریلیاں امبار انٹرچینج پر اختتام پذیر ہوں گی۔
یہ بھی پڑھیں: پی ٹی آئی کا اڈیالہ جیل کے باہر احتجاج کا منصوبہ، انتظامیہ نے اضافی سیکیورٹی مانگ لی
قیادت کا پیغامترجمان پی ٹی آئی خیبرپختونخوا کے مطابق یہ ریلیاں پارٹی کے بانی عمران خان سے غیر متزلزل وابستگی کا مظہر ہیں، اور عوام کی طرف سے یہ واضح پیغام ہے کہ وہ قائد کے ساتھ کھڑے ہیں۔ ترجمان پی ٹی آئی نے تمام کارکنان سے پرامن انداز میں بھرپور شرکت کی اپیل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف خیبر پختونخوا سردار علی امین گنڈاپور عمران خان.ذریعہ: WE News
کلیدی لفظ: پاکستان تحریک انصاف خیبر پختونخوا سردار علی امین گنڈاپور پی ٹی آئی ایم پی اے کی قیادت کریں گے کے لیے
پڑھیں:
ایسی دنیا چاہتے ہیں جہاں مساوات، یکجہتی اور انسانی حقوق کا احترام ہو، آصف زرداری
data-id="863a0a8" data-element_type="widget" data-widget_type="theme-post-content.default">
دوحہ:۔ صدر ملکت آصف علی زرداری نے مساوات، یکجہتی اور انسانی حقوق کے احترام پر مبنی سماجی ہم آہنگی کی ضرورت پر زور د یتے ہوئے کہا ہے کہ غربت کے تمام مظاہر کو ختم کرنا، مکمل اور بامقصد روزگار کو فروغ دینا اور سب کے لیے باعزت کام کے مواقع فراہم کرنا وقت کی ضرورت ہے۔
دوحہ میں منعقدہ ورلڈ سمٹ برائے سماجی ترقی سے خطاب کرتے ہوئے صدر مملکت کا کہنا تھا کہ ترقی پذیر ممالک کی ضروریات کے حوالے سے ہمیں یہ یقینی بنانا ہوگا کہ عالمی ادارے جامع اور جوابدہ ہوں۔
صدر مملکت نے کہا کہ پاکستان پالیسی سازی میں عوام کو مرکز میں رکھنے کے اپنے عزم پر قائم ہے جبکہ ہمارا جامع اور پائیدار ترقی کا وژن دوحہ اعلامیے کی روح کے عین مطابق ہے۔ ان کا کہنا تھا کہ پاکستان کا نمایاں بینظیر انکم سپورٹ پروگرام اب تک 90 لاکھ خاندانوں کو مالی امداد، صحت اور تعلیم کی سہولتیں فراہم کر چکا ہے، یہ تاریخی پروگرام دنیا کے لیے ایک مثال بن چکا ہے اور اس نے لاکھوں زندگیاں بدل دی ہیں۔
صدر پاکستان نے کہا کہ پائیدار ترقی کے اہداف (ایس ڈی جیز) ہماری ترجیحات میں شامل ہیں جب کہ پاکستان کا ہدف شرحِ خواندگی کو 90 فیصد تک بڑھانا اور ہر بچے کو اسکول میں یقینی طور پر داخل کرنا ہے۔ انہوں نے مزید کہا کہ نیشنل انٹرن شپ پروگرام کے ذریعے نوجوانوں کو بااختیار بنایا جا رہا ہے اور آئندہ 5 سال میں ہر بچے کے اسکول میں داخلے کے لیے بھی پرعزم ہیں۔
ماحولیاتی تبدیلی کے اثرات کا ذکر کرتے ہوئے آصف علی زرداری نے کہا کہ پاکستان پائیدار اور مزاحمتی ترقی میں سرمایہ کاری کر رہا ہے تاکہ ترقی سبز، جامع اور دیرپا ہو۔ انہوں نے کہا کہ پاکستان کو اب ایک نئے خطرے کا سامنا ہے جو پانی کے ہتھیار کے طور پر استعمال کی صورت میں ہے، مخالف فریق کی جانب سے سندھ طاس معاہدے کی خلاف ورزی کی جا رہی ہے، تاہم اس طرح کے ہتھکنڈے کامیاب نہیں ہوں گے۔
صدر آصف علی زرداری نے آخر میں فلسطین اور کشمیر کے تنازعات کے حل پر زور دیتے ہوئے کہا کہ ان مسائل کو اقوام متحدہ کی سلامتی کونسل کی قراردادوں کے مطابق حل کیا جانا چاہیے۔
محققین نے مٹاپے سے منسلک پانچ نئے جینز دریافت کر لیے