بانیٔ اور بشریٰ بی بی پر سختیاں بڑھائی جا رہی ہیں: بیرسٹر سلمان صفدر
اشاعت کی تاریخ: 6th, August 2025 GMT
بیرسٹر سلمان صفدر—فائل فوٹو
بانیٔ پی ٹی آئی کے وکیل بیرسٹر سلمان صفدر کا کہنا ہے کہ بانیٔ اور بشریٰ بی بی پر سختیاں بڑھائی جا رہی ہیں۔
راولپنڈی میں میڈیا سے گفتگو میں انہوں نے کہا کہ توشہ خانہ کیس میں آج ہم نےدرخواست دی کہ ہم اوپن ٹرائل کے بغیر عدالتی کارروائی کا حصہ نہیں بنیں گے، عدالت نے یقین دہانی کرائی ہے کہ اوپن ٹرائل کے تقاضے پورے ہوں گے۔
بانیٔ پی ٹی آئی کے وکیل نے کہا کہ توشہ خانہ کیس ایک منفرد کیس ہے، یہ جب ہائی کورٹ میں جاتا ہے تو کیس ہی نہیں لگتا، آج جج صاحب نے جب کارروائی شروع کی تو صرف مجھے اندر جانے کی اجازت ملی، نہ میڈیا کو نہ فیملی کو داخلے کی اجازت ہے۔
پی ٹی آئی وکیل نے یہ بھی کہا کہ پچھلے پندرہ سولہ مہینوں سے ملک میں جو کچھ چل رہا ہے اس کے خلاف سپریم کورٹ میں بار بار درخواستیں آئیں۔
بیرسٹر سلمان صفدر نے کہا کہ ہائی کورٹ نے اوپن ٹرائل کا طریقہ کار واضح بتایا ہے، عدالت نے آج ہمارے مؤقف کے ساتھ اتفاق کیا، یہ اوپن ٹرائل نہیں، یہ ٹرائل ہائی کورٹ کے احکامات کے منافی چل رہا ہے۔
انہوں نے سوال کیا کہ جیل سپرنٹنڈنٹ باہر وکلاء کو کیوں روک رہے ہیں؟ عدالت نے آج بغیر کارروائی کے سماعت ملتوی کی، اگر یہ اوپن نہیں ہو گا تو ہم عدالتی کارروائی کا حصہ نہیں بنیں گے۔
بیرسٹر سلمان صفدر کا کہنا ہے کہ پراسیکیوشن کی پوری ٹیم کو اجازت ہے لیکن وکلاء کو اجازت نہیں، بانیٔ پی ٹی آئی اور بشریٰ بی بی پر سختیاں بڑھائی جا رہی ہیں، بانی نے آج خود عدالت کو کہا کہ سلمان اکرم راجہ میرے فوکل پرسن ہیں، انہیں آنے کی اجازت دی جائے۔
.ذریعہ: Jang News
کلیدی لفظ: اوپن ٹرائل پی ٹی ا ئی کہا کہ
پڑھیں:
اسلام آباد ہائی کورٹ کا جیل حکام کو عمران خان سے وکیل کی فوری ملاقات کرانے کا حکم
ہائی کورٹ نے عمران خان سے سلمان اکرم راجا کی آج ہی ملاقات کرانے کا حکم جاری کردیا۔ بانی چیئرمین پی ٹی آئی عمران خان کے ایکس اکاؤنٹ پر ریاست مخالف مواد شیئر کرنے کی بنیاد پر پابندی کی درخواست پر سماعت اسلام آباد ہائی کورٹ کے جسٹس ارباب محمد طاہر نے کی، جس میں عمران خان کے وکیل سلمان اکرم راجا پیش ہوئے جب کہ بانی پی ٹی آئی کی بہن علیمہ خان بھی عدالت میں موجود تھیں۔ دورانِ سماعت جیل حکام نے عدالت میں جواب جمع کرا دیا، جس پر عدالت نے جواب کی کاپی فریقین کو فراہم کرنے کی ہدایت کی۔ وکیل نے عدالت میں مؤقف اختیار کیا کہ آپ کے 24 مارچ کے آرڈر کے باوجود ملاقات نہیں ہوئی ۔ عدالت نے پوچھا کہ جن اتھارٹیز نے آنا تھا وہ کہاں ہیں ؟، جس پر وکیل نے بتایا کہ آج منگل ہے، بانی سے ملاقات کا دن ہے ۔ میں نے بانی سے مل کر اس کیس متعلق ہدایت لینی ہیں۔ ملاقات کے کیس میں ابھی جو لارجر بینچ کا آرڈر آیا ہے وہ ابھی ہمیں ملا نہیں ۔ جسٹس ارباب محمد طاہر نے ریمارکس دیے کہ میں نے دستخط کر دیے ہیں وہ آرڈر آپ لے لیں ۔ وکیل سلمان اکرم راجا نے کہا کہ پہلے ہم بہت سے آرڈرز کی کاپیاں لے کر گئے ہیں لیکن عمل نہیں ہوا ۔ آج دیکھتے ہیں اس آرڈر پر ہوتا ہے یا نہیں ۔ عدالت نے حکم دیا کہ سلمان اکرم راجا کی عمران خان سے ملاقات آج یقینی بنائی جائے۔ ڈپٹی اٹارنی جنرل اور اسٹیٹ کونسل فون کال کے ذریعے جیل حکام کو آگاہ کریں۔ سماعت کے دوران جیل حکام کی جانب سے بانی پی ٹی آئی کے ایکس اکاؤنٹ پر پابندی کے کیس میں رپورٹ جمع کروائی گئی جب کہ نیشنل سائبر کرائم انوسٹی گیشن ایجنسی نے عدالت سے جواب جمع کرانے کے لیے وقت مانگ لیا۔ وکیل سلمان اکرم راجا نے عدالت کو بتایا کہ میری بانی پی ٹی آئی تک رسائی نہیں ہے، ہدایات لینے کے بعد ہی جواب دے سکتا ہوں۔ بعد ازاں عدالت نے سلمان اکرم راجا کی آج ہی عمران خان سے ملاقات کرانے کا حکم دیتے ہوئے کیس کی سماعت ملتوی کردی۔
نومبر میں احتجاج کی کال کی خبریں بے بنیاد ہیں:بیرسٹر گوہر