سعودی عرب میں 10 ہزار سے زائد پاکستانی قید ہیں، وزیر خارجہ
اشاعت کی تاریخ: 11th, August 2025 GMT
قومی اسمبلی میں وزیر خارجہ اسحٰق ڈار نے بیرون ملک قید پاکستانیوں کی تفصیلات پیش کرتے ہوئے بتایا کہ مشرق وسطیٰ اور جنوبی مشرقی ایشیا کے 24 ممالک میں کل 15 ہزار 953 پاکستانی قید ہیں، جن میں سب سے زیادہ سعودی عرب میں 10 ہزار 279 پاکستانی قید ہیں۔
تفصیلات کے مطابق سعودی عرب میں سب سے زیادہ پاکستانی قید ہیں، جن کی تعداد 10 ہزار 279 ہے۔ اس کے بعد متحدہ عرب امارات میں 3523 ، بحرین میں 581 ، اور قطرمیں 599 پاکستانی قید ہیں۔
دیگر ممالک جیسے ملائیشیا میں 459 ، عراق میں 81 ، عمان میں 252 اور کویت میں 50 پاکستانی قید ہیں۔
قیدیوں کے تبادلے کے معاہدے
وزیر خارجہ نے بتایا کہ پاکستان کا سعودی عرب ، متحدہ عرب امارات اور کویت کے ساتھ قیدیوں کے تبادلے کا معاہدہ ہے۔ تاہم 21 ممالک کے ساتھ قیدیوں کے تبادلے کا معاہدہ موجود نہیں ہے۔
یہ تفصیلات اس بات کی غمازی کرتی ہیں کہ بیرون ملک پاکستانی قیدیوں کی حالت ایک اہم مسئلہ ہے اور ان قیدیوں کے حقوق کی حفاظت اور ان کے تبادلے کے حوالے سے مزید اقدامات کی ضرورت ہے۔
ذریعہ: Daily Mumtaz
کلیدی لفظ: پاکستانی قید ہیں قیدیوں کے کے تبادلے
پڑھیں:
کوئٹہ: غیرقانونی مقیم افراد کیخلاف کارروائی، 2 ہزار سے زائد افغان گرفتار
---فائل فوٹوکوئٹہ شہر میں غیرقانونی طور پر مقیم افغان باشندوں کے خلاف کارروائی کے دوران 2 ہزار سے زائد افراد کو گرفتار کر لیا گیا۔
حکام کے مطابق کوئٹہ میں غیر قانونی طور پر مقیم افغان باشندوں کے خلاف کارراوئیاں جاری ہیں، گزشتہ 24 گھنٹوں کے دوران پولیس نے مزید 2038 افغان باشندوں کو گرفتار کیا ہے۔
اس سال یکُم ستمبر سے اب تک 60 ہزار سے زائد افغان باشندوں کو گرفتار کر کے واپس افغانستان بجھوایا جا چکا ہے۔
حکام کے مطابق گرفتار افغان باشندوں کو ڈی سی آفس میں قائم ڈیپورٹیشن سینٹر منتقل کر دیا گیا ہے، ضروری کارروائی کے بعد اِنہیں چمن کے راستے واپس اِن کے وطن افغانستان بجھوایا جائے گا۔
پنجاب میں56 ہزار مساجد کی جیوٹیکنگ