فضا علی نے وینا ملک کو ٹی وی شو میں آڑے ہاتھوں لے لیا، ویڈیو وائرل ہوگئی
اشاعت کی تاریخ: 15th, August 2025 GMT
فضا علی نے اپنے شو کے دوران وینا ملک کی کم عمر لڑکے کے ساتھ متنازع ویڈیوز بنانے پر سخت برہمی کا اظہار کیا ہے۔
فضا علی اور وینا ملک دونوں پاکستان کی باصلاحیت اور معروف اداکارائیں ہیں جنہوں نے تقریباً دو دہائی قبل اپنے فنی کیریئر کا آغاز کیا۔ دونوں نے متعدد مقبول ٹی وی ڈراموں میں کام کیا اور ساتھ ہی کامیاب ہوسٹ کے طور پر بھی اپنی شناخت بنائی۔
فضا علی ان دنوں مختلف مارننگ شوز کی میزبانی کرتی نظر آتی ہیں، جبکہ وینا ملک سیاحت پر مبنی پروگرامز اور سیاسی طنز و مزاح کے شوز کے لیے پہچانی جاتی ہیں۔
وینا ملک نوجوان لڑکوں کے ساتھ بولڈ انداز میں گانے اور ڈانس ویڈیوز بنا کر خبروں کی زینت بنی ہوئی ہیں، جبکہ فضا علی بھی اکثر بالی وڈ گانوں پر لپ سنک ویڈیوز پوسٹ کرتی رہتی ہیں۔
View this post on InstagramA post shared by Dialogue Pakistan (@dialoguepakistan)
حال ہی میں فضا علی کے پروگرام کا ایک کلپ سوشل میڈیا پر وائرل ہو رہا ہے، جس میں وینا ملک مہمان کے طور پر شریک ہوئیں، جہاں فضا علی نے ان کی ٹک ٹاک ویڈیوز اور بولڈ مواد پر کھل کر تنقید کی۔
فضا علی نے شو میں وینا ملک کو مخاطب کرتے ہوئے کہا، میں تم سے سخت ناراض ہوں وینا۔ میں تمہیں کسی اجنبی لڑکے کے ساتھ ڈانس کرتے نہیں دیکھ سکتی۔ تم وینا ملک ہو ، تم خود ایک برانڈ ہو اور تمہارے ساتھ جو بھی کھڑا ہوتا ہے، وہ خود ایک برانڈ بن جاتا ہے۔
فضا نے مزید کہا کہ، تمہیں اپنی موسیقی سے کمانا چاہیے، تمہیں دوسروں کے ساتھ ویڈیوز بنانے کی کیا ضرورت ہے؟ کسی بھی نوجوان لڑکے کے ساتھ ویڈیوز بنانا محبت نہیں ہے۔
ان کا یہ بھی کہنا تھا کہ، میں نہیں چاہتی کہ تم ایسی ویڈیوز بناؤ، میں جانتی ہوں کہ تم کتنی باوقار ہو۔ میں تمہیں کسی لڑکے کے ساتھ شیشہ پیتے یا قریب بیٹھے نہیں دیکھنا چاہتی۔ میں چاہتی ہوں کہ تم چمکو، تمہاری اصل طاقت یہی ہے۔
لیکن فضاعلی کے بار بار اصرار اور کریدنے کے باوجود وینا ملک نے اس نوجوان کے ساتھ کسی تعلق کا اعتراف نہیں کیااور بس اتنا کہنے پر اکتفا کیا کہ“میں جس سے محبت کرتی ہوں، اسی کے ساتھ ویڈیوز بناتی ہوں۔“
یاد رہے کہ وینا ملک اکثر اپنے متنازع بیانات اور ذاتی زندگی کےحوالے سے بھی خبروں کی سرخیوں میں رہتی ہیں اور حالیہ دنوں وہ اپنے منیجر کے ساتھ مبینہ تعلقات کی وجہ سے توجہ کا مرکز بنی ہوئی ہیں۔
Post Views: 4.ذریعہ: Daily Mumtaz
کلیدی لفظ: لڑکے کے ساتھ فضا علی نے وینا ملک
پڑھیں:
چلڈرن ڈے پر سلمان خان کی بچوں سے دل موہ لینے والی ملاقات، ویڈیو وائرل
بالی ووڈ سلطان سلمان خان نے چلڈرنز ڈے اپنے ننھے مداحوں کے ساتھ منا کر سوشل میڈیا پر دھوم مچا دی۔ اداکار جو بچوں سے بے حد محبت کے حوالے سے مشہور ہیں، نے یو اے ای دورے کے دوران بچوں سے ایک خصوصی بیک اسٹیج ملاقات کا اہتمام کیا۔
یہ بھی پڑھیں: جب سلمان خان دوران پرواز موت سے بال بال بچے، اداکار نے سنسنی خیز واقعہ سنا دیا
ویرال بھیانی کی جانب سے شیئر کی گئی ویڈیو میں 59 سالہ سلمان خان بچوں سے ہاتھ ملا رہے ہیں، انہیں مسکرا کر ویلکم کررہے ہیں اور مسلسل ان کی حفاظت یقینی بنارہے ہیں۔
سوشل میڈیا صارفین نے ویڈیو پر سلمان خان کے اقدام کو سراہا ہے، ایک مداح نے لکھا کہ سلمان خان اور بچوں کے درمیان خاص لگاؤ ہے۔ ایک اور نے انہیں مین ود اے گولڈن ہارٹ کہا، جبکہ ایک فین نے تبصرہ کیا کہ سلمان دا گریٹ۔
View this post on Instagram
A post shared by Viral Bhayani (@viralbhayani)
سلمان خان کئی بار اس خواہش کا اظہار کرچکے ہیں کہ وہ ایک دن بچوں کے والد بننا چاہتے ہیں۔ شادی کا کوئی ارادہ نہ ہونے کے باوجود وہ اشارہ دے چکے ہیں کہ وہ بچوں کو گود لینے کا سوچ رہے ہیں۔ کاجول اور ٹوئنکل کھنہ کے ٹاک شو ٹو مچ میں انہوں نے کہا تھا کہ ایک دن بچے ضرور ہوں گے، جلد ہی، دیکھتے ہیں کب۔
یہ بھی پڑھیں: مذہبی اختلافات کے باوجود سلمیٰ خان سے شادی کیسے ہوئی، سلمان خان کے والد نے بتا دیا
فی الحال سلمان خان مصروف ترین شیڈول کے ساتھ کام کررہے ہیں۔ ان کی نئی فلم بیٹل آف گیلوان، جو 2020 میں بھارت اور چین کے درمیان ہونے والی جھڑپ سے متاثر ہے، اگلے سال کے وسط میں ریلیز ہوگی۔ اسی دوران وہ بگ باس 18میں بھی شائقین کی توجہ کا مرکز بنے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بالی ووڈ چلڈرنز ڈے خان سلمان خان
مسلم لیگ ن کے صدر میاں نوازشریف کی قومی اسمبلی آمد