یومِ آزادی پر پاکستان ہاؤس انقرہ میں شاندار استقبالیہ
اشاعت کی تاریخ: 15th, August 2025 GMT
صدرپاک ترک کلچرل ایسوسی ایشن اور ترک گرینڈ نیشنل اسمبلی کے رکن برہان قایا ترک—جنگ فوٹو
سفارت خانۂ پاکستان انقرہ نے یومِ آزادی کی 78ویں سالگرہ کے موقع پر پاکستان ہاؤس میں ایک پُروقار استقبالیے کا اہتمام کیا۔
اس تقریب میں ترکیہ میں مقیم پاکستانی کمیونٹی کے اراکین، ترک معززین اور پاکستان کے دوست شریک ہوئے، جو قومی فخر اور ثقافتی ورثے کا حسین امتزاج پیش کر رہی تھی۔
مہمانوں کا استقبال روایتی پاکستانی مہمان نوازی کی گرمجوشی اور خلوص کے ساتھ کیا گیا۔
تقریب میں ثقافتی مظاہروں، روایتی پاکستان پکوانوں، آم کی مٹھاس اور ملی نغموں نے فضا کو یکجہتی اور جشن کے رنگوں سے بھر دیا، وطن سے دور رہتے ہوئے بھی شرکاء نے مادرِ وطن کی آزادی کا دن بھرپور جذبے سے منایا۔
پروگرام کا باقاعدہ آغاز تلاوتِ کلامِ پاک سے ہوا جس کے بعد پاکستان اسکول کے بچوں نے پاکستان اور ترکیہ کے قومی ترانے گا کر سب کے دل موہ لیے۔
تقریب کی اہم بات پاکستان کے یومِ آزادی کے بارے میں پیش کردہ دستاویز اور حالیہ پاک بھارت کشیدگی کے دوران معرکۂ حق کے بارے میں دستاویز کو پیش کرنا تھا جسے حاضرین کی جانب سے دل کھول کر تالیاں بجاکر سراہا گیا۔
اسی دستاویز میں پاکستان میں یومِ آزادی کی تقریب میں ترک دستے کی شمولیت نے چار چاند لگا دیے گئے۔
انقرہ میں سفیر پاکستان کی رہائش گاہ پر منعقد ہونے والی یومِ آزادی پاکستان کی اس تقریب کے معزز مہمان سابق چیئرمین پاکستان ترکیہ پارلیمانی دوستی گروپ، صدر پاکستان کلچرل ایسوسی ایشن اور ترک گرینڈ نیشنل اسمبلی کے رکنِ پارلیمنٹ برہان قایا ترک تھے۔
اپنے خطاب میں قایا ترک نے پاکستانی قوم کو دلی مبارکباد پیش کی اور پاکستان سے اپنے ذاتی تعلقات کا ذکر کرتے ہوئے بتایا کہ انہوں نے اپنی زندگی کے ابتدائی اور طالب علمی کے قیمتی سال پاکستان میں گزارے۔
انہوں نے پاکستان اور ترکیہ کے تاریخی و برادرانہ رشتے کو اللّٰہ کی نعمت قرار دیتے ہوئے دونوں ممالک کے مابین باہمی اعتماد، احترام اور تعاون پر مبنی مشترکہ مستقبل پر پختہ یقین ظاہر کیا۔
اس موقع پر پاکستان ہی میں تعلیم حاصل کر نے والے چیئرمین پاکستان ترکیہ پارلیمانی دوستی گروپ اور ترک گرینڈ نیشنل اسمبلی کے رکنِ پارلیمنٹ علی شاہین کے اردو زبان میں دیے گئے پیغام کو بھی جگہ دی گئی، جس میں انہوں نے پاکستان اور ترکیہ کے اٹوٹ اور گہرے رشتے کا ذکر کرتے ہوئے اسے مستقبل میں بھی اسی طریقے سے جاری رکھنے کی تمنا کا اظہار کیا۔
پاکستان کے سفیر برائے ترکیہ، ڈاکٹر یوسف جُنید نے اپنے خطاب میں پاکستانی کمیونٹی کے کردار کو سراہتے ہوئے کہا کہ وہ پاکستان کے مثبت تشخص کو اجاگر کرنے، قومی مفادات کے فروغ اور پاکستان و ترکیہ کے عوام کے درمیان روابط کو مضبوط بنانے میں کلیدی کردار ادا کر رہی ہے۔
ڈاکٹر یوسف جُنید نے بانیانِ پاکستان کی قربانیوں کو خراجِ عقیدت پیش کرتے ہوئے اس عزم کا اعادہ کیا کہ پاکستان امن، ترقی اور خوش حالی کے سفر کو جاری رکھے گا۔
انہوں نے حالیہ معرکۂ حق اور آپریشن بنیان مرصوص کی کامیابیوں کا حوالہ دیتے ہوئے کہا کہ ان فتوحات نے تحریکِ پاکستان کی روح کو تازہ کر دیا ہے اور دو قومی نظریے کی حقانیت کو ایک بار پھر ثابت کر دیا ہے۔
کشمیر کے مسئلے پر پاکستان کے اصولی مؤقف کو دہراتے ہوئے سفیرِ پاکستان نے اس بات پر زور دیا کہ پاکستان اپنے کشمیری بھائیوں کے ساتھ غیر متزلزل یکجہتی اور ان کے جائز حقِ خود ارادیت کے لیے سیاسی، اخلاقی و سفارتی حمایت جاری رکھے گا۔
تقریب کا اختتام پاکستان کی ترقی، امن اور خوش حالی کے لیے دعا پر ہوا جبکہ پروگرام کی آخر میں حاضرین کی پاکستان کے لذیذ کھانوں سے تواضع کی گئی اور پاکستان کے مٹھاس سے بھرپور آموں نے پاک ترک تعلقات میں چاشنی گھول دی۔
.ذریعہ: Jang News
کلیدی لفظ: اور پاکستان پر پاکستان نے پاکستان پاکستان کی پاکستان کے ترکیہ کے جنگ فوٹو انہوں نے اور ترک پیش کر
پڑھیں:
ایس آئی ایف سی کے تعاون سے ترکیہ کے ساتھ پانچ ارب ڈالر کا تجارتی ہدف مقرر
اسلام آباد(اُردو پوائنٹ اخبارتازہ ترین - این این آئی۔ 02 اکتوبر2025ء)ایس آئی ایف سی کی معاونت سے ترک سرمایہ کاری اور تجارت میں نیا سنگ میل عبور کرلیا گیا ہے۔رپورٹ کے مطابق ایس آئی ایف سی کے تعاون سے ترکیہ کے ساتھ پانچ ارب ڈالر کا تجارتی ہدف مقرر کیا گیا ہے جس کے تحت ایس آئی ایف سی کی جانب سے ترکیہ کیلئے کراچی میں ایک ہزار ایکڑ پر ایکسپورٹ پروسیسنگ زون کی پیشکش کی گئی۔ایس آئی ایف سی نے سرمایہ کاری کے فروغ کیلئے خصوصی صنعتی زون منصوبہ کا آغاز کر دیا ہے۔(جاری ہے)
وزیراعظم شہباز شریف کی اپریل 2025میں پیش کردہ تجویز پر عمل درآمد کی وجہ سے دو طرفہ تجارت کی راہیں ہموار ہورہی ہے۔اس اقدام کا مقصد سرمایہ کار دوست ماحول کے ذریعے صنعتی پیداوار اور برآمدی شعبوں میں ترک سرمایہ کاری کو فروغ دینا ہے۔ ترک کمپنیوں کے لیے ایکسپورٹ پروسیسنگ زون میں مثر سہولیات، تجارتی اخراجات میں کمی کا امکان ہے۔ماہرین کے مطابق ایکسپورٹ پروسیسنگ زون کے قیام سے کراچی تا وسطی ایشیا اور خلیج ممالک تک باآسانی تجارت ممکن ہو گی۔ مزید برآں ایس آئی ایف سی کی کاوشوں کی بدولت ملک میں سرمایہ کاری کیلئے عالمی برادری کا اعتماد بحال ہو گیا ہے۔
سپریم کورٹ نے جسٹس طارق جہانگیری کو کام سے روکنے کا حکمنامہ معطل کردیا