نیتن یاہوکو کرپشن مقدمات میں معافی دی جائے؛ ٹرمپ کا اسرائیلی صدر سے مطالبہ
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے اسرائیلی صدر سے درخواست کی ہے وہ کرپشن کے مقدمات میں اسرائیلی وزیر اعظم کو معاف کردیں۔
اسرائیلی صدر اسحاق ہرزوگ کے دفتر کے مطابق ڈونلڈ ٹرمپ نے ایک خط میں اسرائیلی صدر سے مطالبہ کیا ہے کہ وہ اسرائیلی وزیراعظم بن یامین نیتن یاہو کو معافی دینے پر غور کریں۔
نیتن یاہو طویل عرصے سے کرپشن کے مقدمات کا سامنا کر رہے ہیں اور ٹرمپ متعدد بار اپنے قریبی اتحادی کے لیے معافی کی درخواست کر چکے ہیں۔
ٹرمپ نے خط میں لکھا کہ ’میں اسرائیلی عدالتی نظام کی آزادی کا احترام کرتا ہوں، تاہم میرا ماننا ہے کہ نیتن یاہو، جو خاص طور پر ایران سے دشمن کے خلاف میرے ساتھ طویل عرصے سےکھڑے رہے، ان کیخلاف مقدمہ سیاسی اور بلاجواز ہے‘۔
اسرائیلی میڈیا کے مطابق صدر کی جانب سے کسی کو معافی دینے کے لیے ضروری ہے کہ معافی کی درخواست باقاعدہ قانونی طریقۂ کار کے تحت جمع کروائی جائے۔
واضح رہے کہ گزشتہ ماہ اکتوبر میں اسرائیل کے دورے کے دوران ٹرمپ نے کینیسٹ سے خطاب کرتے ہوئے بھی اسحاق ہرزوگ پر زور دیا تھا کہ وہ نیتن یاہو کو معاف کر دیں۔
نیتن یاہو پر 2019 میں 3 مقدمات میں فردِ جرم عائد کی گئی تھی، نیتن یاہو پر الزام ہے کہ انہوں نے کاروباری شخصیات سے تقریباً 7 لاکھ شیکل (تقریباً 2 لاکھ 11 ہزار امریکی ڈالر) مالیت کے تحائف وصول کیے۔
ذریعہ: Jasarat News
کلیدی لفظ: اسرائیلی صدر نیتن یاہو
پڑھیں:
مصطفی عامر قتل کیس‘ارمغان کے والد کاوکیل کی خدمات لینے سے انکار
data-id="863a0a8" data-element_type="widget" data-widget_type="theme-post-content.default">
251111-02-1
کراچی (اسٹاف رپورٹر)ڈسٹرکٹ اینڈ سیشن عدالت جنوبی/ سٹی کورٹ میںمصطفی عامر قتل کیس کے ملزم ارمغان کے والد کامران قریشی کے خلاف دو مقدمات کی سماعت۔جیل حکام نے ملزم کامران قریشی کو وڈیو لنک کے ذریعے پیش کیا جہاں ملزم کامران قریشی نے وکیل کی خدمات لینے سے انکار کردیا،ملزم کامران قریشی نے ملیر جیل حکام کے ذریعے درخواست دائر کردی کامران قریشی کاکہنا تھا کہ مجھے کیس کی ذاتی پیروی کی اجازت دی جائے، استغاثہ کے گواہ انسپکٹر احمد بٹ کا بیان ریکارڈ کیا گیا عدالت نے دیگر غیر حاضر گواہان کے قابل ضمانت وارنٹ گرفتاری جاری کرتے ہوئے آئندہ سماعت پر استغاثہ کے تمام گواہان کو پیش کرنے کا حکم دیا ،عدالت نے مقدمات کی سماعت 24 نومبر تک ملتوی کردی،کامران قریشی کے خلاف منشیات اور غیر قانونی اسلحہ برآمدگی کے مقدمات اے وی سی سی میں درج ہیں۔
صحافیوں کو ریاست کا چوتھا ستون قرار دیاگیا اسکا آئین میں ذکر نہیں