فیصل آباد الیکٹرک سپلائی کمپنی نے صارفین کو نئی سہولت دیدی
اشاعت کی تاریخ: 16th, August 2025 GMT
ویب ڈیسک :فیصل آباد الیکٹرک سپلائی کمپنی میں اوور بلنگ کے خاتمے کیلئے ’’اپنا میٹر اپنی ریڈنگ‘‘ کی سہولت متعارف کروا دی گئی۔
فیصل آباد الیکٹرک سپلائی کمپنی کی جانب سے اوور بلنگ کے خاتمے کیلئے ’’اپنا میٹر اپنی ریڈنگ‘‘ کی سہولت کے تحت صارفین پاور اسمارٹ ایپ کے ذریعے اپنی ریڈنگ خود کریں گے۔
شہریوں نے شکایت کی تھی کہ مقررہ تاریخ کے بجائے میٹر ریڈر ایک دو دن بعد ریڈنگ کرتے تھے، میٹر ریڈر کی غفلت کے باعث ہماری ریڈنگ 200 یونٹ سے زائد ہوجاتی تھی۔
مائع قدرتی گیس کی قیمتوں میں اضافے کا اعلان
بجلی صارفین کا کہنا ہے کہ اب ہم خود مقررہ تاریخ پر بجلی میٹر کی ریڈنگ کریں گے، فیسکو کا کہنا ہے کہ 50 لاکھ سے زائد بجلی صارفین اس سہولت سے فائدہ اٹھا سکیں گے۔
ذریعہ: City 42
پڑھیں:
محکمہ موسمیات کی ملک بھر میں مزید بارشوں کی پیشگوئی
اسلام آباد(نیوز ڈیسک) محکمہ موسمیات نے ہفتہ کے روز ملک کے مختلف حصوں میں بارشوں اور گرج چمک کے نئے سلسلے کی پیش گوئی کی ہے۔
رپورٹ کے مطابق خیبر پختونخوا، کشمیر، اسلام آباد، خطہ پوٹھوہار، شمال مشرقی پنجاب اور گلگت بلتستان میں مطلع جزوی ابر آلود رہنے کے ساتھ ساتھ تیز ہواؤں اور گرج چمک کے ساتھ بارش متوقع ہے۔ بالائی خیبر پختونخوا، خطہ پوٹھوہار اور کشمیر کے چند علاقوں میں موسلادھار بارش بھی ہو سکتی ہے جس کے باعث شہریوں کو احتیاطی تدابیر اختیار کرنے کی ہدایت کی گئی ہے۔
محکمہ موسمیات نے مزید بتایا کہ شام اور رات کے اوقات میں شمال مشرقی اور جنوبی بلوچستان، جنوبی پنجاب اور جنوب مشرقی سندھ میں بھی تیز ہواؤں اور بارش کا امکان ہے۔ ان علاقوں میں بارش کے ساتھ ساتھ بعض مقامات پر ژالہ باری اور بجلی گرنے کے خدشات بھی ظاہر کیے گئے ہیں۔
گزشتہ 24 گھنٹوں کے دوران بھی بالائی خیبر پختونخوا، کشمیر، اسلام آباد، بالائی پنجاب اور گلگت بلتستان میں بارش ہوئی، جبکہ کشمیر اور بالائی خیبر پختونخوا کے کئی مقامات پر موسلادھار بارش ریکارڈ کی گئی۔ دوسری جانب ملک کے بیشتر میدانی علاقے بدستور گرم اور مرطوب رہے۔
اعداد و شمار کے مطابق سب سے زیادہ بارش دیر لوئر میں 98 ملی میٹر ریکارڈ کی گئی۔ مالم جبہ میں 76 ملی میٹر، سیدو شریف اور بالاکوٹ میں 41 ملی میٹر، جبکہ کوٹلی میں 44 ملی میٹر بارش ہوئی۔ اسلام آباد کے سید پور میں 45 ملی میٹر اور راولپنڈی کے مختلف علاقوں میں 23 ملی میٹر بارش ریکارڈ کی گئی۔
درجہ حرارت کے حوالے سے محکمہ موسمیات نے بتایا کہ بلوچستان کے دالبندین اور نوکنڈی میں درجہ حرارت 43 ڈگری سینٹی گریڈ ریکارڈ کیا گیا، جبکہ سبی اور دادو میں 41 ڈگری سینٹی گریڈ تک پہنچ گیا۔
محکمہ موسمیات نے خبردار کیا ہے کہ وادی پوٹھوہار، کشمیر، بالائی خیبر پختونخوا اور گلگت بلتستان کے شہری محتاط رہیں کیونکہ موسلادھار بارش کے باعث نشیبی علاقے زیر آب آ سکتے ہیں جبکہ پہاڑی علاقوں میں لینڈ سلائیڈنگ کا بھی خطرہ موجود ہے۔ انتظامیہ نے متعلقہ اداروں کو ہنگامی صورتحال سے نمٹنے کے لیے الرٹ رہنے کی ہدایت کر دی ہے۔
Post Views: 1
پاکستان کی پرو ہاکی لیگ میں شرکت، وزیر اعظم نے خصوصی کمیٹی قائم کر دی