برطانیہ میں افغان شہریوں کا ڈیٹا لیک، 3 ہزار 700 افراد متاثر
اشاعت کی تاریخ: 16th, August 2025 GMT
برطانیہ میں آباد ہزاروں افغان شہری ایک اور ڈیٹا لیک کا شکار ہو گئے ہیں۔ وزارتِ دفاع کے سب کنٹریکٹر انفلائٹ دی جیٹ سینٹر (Inflite The Jet Centre) کے سائبر سکیورٹی واقعے کے بعد تقریباً 3 ہزار 700 افغان شہریوں کے نام، پاسپورٹ کی تفصیلات اور اے راپ (Arap) اسکیم کے تحت فراہم کردہ کوائف متاثر ہوئے ہیں۔
بی بی سی نیوز کے مطابق یہ افغان شہری جنوری سے مارچ 2024 کے دوران برطانوی افواج کے ساتھ کام کرنے کے بعد ری سیٹلمنٹ اسکیم کے تحت برطانیہ لائے گئے تھے۔ متاثرہ افراد کو جمعے کی شام افغان ری سیٹلمنٹ ٹیم کی جانب سے بھیجے گئے ای میل میں آگاہ کیا گیا کہ ان کا ذاتی ڈیٹا بشمول پاسپورٹ نمبر، تاریخ پیدائش اور اے راپ ریفرنس نمبرز لیک ہوسکتا ہے۔
یہ بھی پڑھیں: افغان پناہ گزینوں کی وطن واپسی جاری،افغان شہری پاکستانیوں کے احسان مند
برطانوی حکومت نے وضاحت کی ہے کہ اس واقعے سے کسی فرد کی جان کو فوری خطرہ لاحق نہیں ہوا اور نہ ہی سرکاری نظام کو کوئی نقصان پہنچا ہے، جبکہ اس بات کے بھی شواہد نہیں ملے کہ یہ ڈیٹا عام کیا گیا ہو۔ تاہم انفلائٹ دی جیٹ سینٹر نے معاملے کو انفارمیشن کمشنر آفس (ICO) کو رپورٹ کردیا ہے۔
چیریٹی ’سلحہ الائنس‘ سے وابستہ پروفیسر سارہ دے جونگ نے اسے حیران کن قرار دیتے ہوئے کہا کہ جن افغانوں نے برطانوی جانیں بچائیں، انہیں اب اپنی جانوں کا خوف لاحق ہو گیا ہے۔ انہوں نے حکومت سے مطالبہ کیا کہ منتقلی کے تمام زیر التوا کیسز فوری نمٹائے جائیں۔
یہ بھی پڑھیں: 31 دسمبر کے بعد افغان شہری اسلام آباد میں نہیں رہ سکیں گے، وزیر داخلہ نے ڈیڈلائن دیدی
یہ واقعہ 2022 کے ایک بڑے ڈیٹا لیک کے بعد سامنے آیا ہے، جس میں تقریباً 19 ہزار افغان شہریوں کی معلومات غلطی سے عام ہوگئی تھیں۔ ان افراد میں وہ افغان بھی شامل تھے جن کی جانوں کو طالبان سے خطرہ تھا اور بعد ازاں انہیں خفیہ طور پر برطانیہ منتقل کیا گیا۔
ادھر برطانوی نشریاتی ادارے بی بی سی نیوز نے ان افغان شہریوں میں سے ایک خاندان کے بیٹے سے بات کی، جس نے کہا کہ ان کے والد طالبان کے ہاتھوں قتل ہوسکتے ہیں کیونکہ ان کی معلومات لیک ہو چکی ہیں۔
یہ بھی پڑھیں: پاکستان میں مقیم غیرقانونی افغان شہری انخلا کے لیے مزید وقت کے خواہاں
سابق برطانوی نیشنل سیکیورٹی ایڈوائزر سر مارک لائل گرانٹ نے دونوں ڈیٹا لیکس کو حکومت کے لیے انتہائی شرمندگی کا باعث قرار دیا اور کہا کہ برطانیہ کو اپنے وعدے پورے کرنے چاہئیں۔ سابق کنزرویٹو وزیر خزانہ کوآسی کوارٹنگ نے بھی اس واقعے کو انتہائی سنگین قرار دیا، جبکہ لبرل ڈیموکریٹس نے حکومت پر ناقابلِ یقین نااہلی اور ناکافی سیکیورٹی اقدامات کا الزام لگاتے ہوئے مکمل آزادانہ تحقیقات کا مطالبہ کیا ہے۔
افغان کمیونٹی اور انسانی حقوق کی تنظیموں کا کہنا ہے کہ ان واقعات نے نہ صرف متاثرہ افغانوں بلکہ ان کے خاندانوں کو بھی شدید عدم تحفظ کا شکار کر دیا ہے۔ ان کا مؤقف ہے کہ برطانیہ نے طالبان کے خلاف لڑنے والے ان افراد کو تحفظ دینے کا وعدہ کیا تھا، مگر بار بار کے ڈیٹا لیکس ان کے لیے مزید خطرات پیدا کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغان شہری افغانستان برطانیہ ڈیٹا لیک سیکیورٹی طالبان.
ذریعہ
ذریعہ: WE News
کلیدی لفظ: افغان شہری افغانستان برطانیہ ڈیٹا لیک سیکیورٹی طالبان افغان شہریوں افغان شہری ڈیٹا لیک کے بعد کے لیے
پڑھیں:
پاسداران انقلاب کی برطانیہ کو وارننگ، کویت میں امریکی الیکٹرانک وارفیئر کا یونٹ تباہ
ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ اسلام ٹائمز۔ ایران کی سپاہ پاسدارانِ انقلاب نے اعلان کیا ہے کہ آپریشن "نصر 2" کی 26 ویں لہر کے دوران مشترکہ حملوں میں کویت کے العدیری فوجی اڈے پر قائم امریکی الیکٹرانک وارفیئر کے خصوصی یونٹ کو تباہ کر دیا۔ بیان کے مطابق اس یونٹ سے وابستہ ایک مرکز کو بھی نشانہ بنایا گیا، جس کے نتیجے میں متعدد اہلکار ہلاک یا زخمی ہوئے، جبکہ اڈے کے فضائی ٹریفک کنٹرول ٹاور کو بھی نقصان پہنچا۔ پاسدارانِ انقلاب کے شعبۂ تعلقاتِ عامہ کی جانب سے جاری بیان میں کہا گیا کہ یہ کارروائی جارح کو سزا دینے کے سلسلے کی کڑی ہے اور امریکی فوج کی ان کارروائیوں کا جواب ہے، جن میں جمعرات کی صبح امام حسینؑ کے روضے کی جانب جانے والے زائرین کے راستے کو نشانہ بنایا گیا۔ بیان کے مطابق امریکی حملے میں عراق کی سرحد پر واقع شلمچہ بارڈر کراسنگ پر دو افراد جاں بحق اور 11 زخمی ہوئے۔
سپاہ پاسداران انقلاب نے اپنے بیان میں برطانیہ کو تنبیہ کرتے ہوئے کہا کہ ایران کیخلاف استعمال ہونے والا برطانوی اڈہ جائز ہدف تصور ہو گا۔ بیان کے مطابق امریکی فوج نے گزشتہ روز بحرِ ہند میں موجود اپنے بحری بیڑے کے کروز میزائل ختم ہونے کے بعد برطانیہ کے فیئرفورڈ فضائی اڈے سے اڑنے والے B-1 بمبار طیاروں کا استعمال کیا۔ پاسدارانِ انقلاب نے ایک بار پھر ایرانی وزارتِ خارجہ کے مؤقف کو دہراتے ہوئے کہا کہ ایران پر حملے کے لیے استعمال ہونے والا ہر فوجی اڈہ ایک جائز ہدف تصور کیا جائے گا۔ بیان کے اختتام پر برطانیہ کی حکومت کو خبردار کرتے ہوئے کہا گیا کہ وہ خطے کے عوام کی مشکلات کی بنیادی ذمہ دار ہے اور اسلامی ممالک کی تقسیم، قتلِ عام، آمرانہ حکومتوں کے قیام، فلسطین پر قبضے کی منصوبہ بندی اور اسرائیل کے قیام میں اس کا کردار تاریخ کا حصہ ہے۔ بیان میں یہ بھی الزام عائد کیا گیا کہ برطانیہ نے ایران کے خلاف حالیہ امریکی اور اسرائیلی حملوں میں بھی نمایاں کردار ادا کیا۔
یاد رہے کہ اس سے قبل آج ہی ایرانی وزارتِ خارجہ نے برطانوی حکومت کے اس فیصلے کی مذمت کی تھی، جس کے تحت امریکہ کو ایران کے خلاف فوجی حملوں کی تیاری کے لیے برطانوی فوجی اڈوں اور تنصیبات کے استعمال کی اجازت دی گئی۔ وزارتِ خارجہ نے کہا کہ ان حملوں کی تیاری یا ان پر عمل درآمد میں کسی بھی قسم کا تعاون جارحیت اور جنگی جرائم میں شراکت کے مترادف ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار