3 ملکی سیریز اور ایشیا کپ کے لیے قومی ٹیم کی سیلیکشن پر سابق کھلاڑیوں کی کیا رائے ہے؟
اشاعت کی تاریخ: 17th, August 2025 GMT
قومی کرکٹ ٹیم کے سابق کھلاڑیوں نے 3 ملکی سیریز اور ایشیا کپ کے لیے قومی ٹیم کی سیلیکشن پر ملے جلے خیالات کا اظہار کیا ہے۔
قومی کرکٹ ٹیم کے سابق کھلاڑیوں نے کراچی میں ایک نجی تقریب میں شرکت کی اور میڈیا سے گفتگو کرتے ہوئے ٹیم سلیکشن اور پاکستان کرکٹ کے مستقبل پر اپنے خیالات کا اظہار کیا۔
اچھی ٹیم کا اعلان ہوا ہے، سرفراز احمدسابق کپتان سرفراز احمد کا کہنا تھا کہ گزشتہ 3،4 سالوں میں ایک نئی ٹیم ابھر کر سامنے آئی ہے، جس میں حسن نواز، حسین طلعت اور صائم ایوب سمیت کئی نوجوان کھلاڑیوں کو موقع دیا گیا ہے۔ ان کا کہنا تھا کہ اچھی ٹیم کا اعلان ہوا ہے اور امید ہے کہ قومی ٹیم ٹرائی نیشن سیریز اور ایشیا کپ میں کامیابیاں سمیٹ سکے گی۔
یہ بھی پڑھیں: سہ ملکی سیریز اور ایشیا کپ کے لیے پاکستان کا 17 رکنی اسکواڈ فائنل
سرفراز احمد نے کہا کہ یو اے ای کی پچز پر پاکستان کا ریکارڈ شاندار رہا ہے جبکہ فخر زمان میچ ونر ہیں اور حالیہ عرصے میں شاندار کارکردگی دکھا رہے ہیں۔ انہوں نے مزید کہا کہ اولمپکس میں کرکٹ کا شامل ہونا خوش آئند ہے اور امید ہے کہ پاکستان وہاں بھی گولڈ میڈل جیت سکے گا۔
بابر اعظم اور محمد رضوان کو ٹیم کا حصہ ہونا چاہیے تھا، کامران اکملسابق وکٹ کیپر بیٹر کامران اکمل نے ٹیم سلیکشن پر سخت تنقید کی۔ ان کا کہنا تھا کہ اگرچہ ٹرائی سیریز کے لیے ٹیم درست تھی لیکن ایشیا کپ کے لیے زیادہ سوچ سمجھ کر اسکواڈ کا اعلان ہونا چاہیے تھا۔ کامران اکمل کے مطابق بھارت کے خلاف میچ کو مدنظر رکھتے ہوئے ٹیم بنانے کی ضرورت تھی اور سینئر کھلاڑیوں کو لازمی شامل کیا جانا چاہیے تھا۔
یہ بھی پڑھیں: محسن نقوی کے آنے سے کیا تبدیلیاں رونما ہوئیں؟
کامران اکمل نے کہا کہ سسٹم خراب ہوگیا ہے اور میرٹ پر فیصلے نہیں کیے جا رہے۔ ’7،8 سال سے بلنڈر ہورہے تھے، یہاں بھی وہی ہوا، بابر اعظم اور محمد رضوان کو ٹیم کا حصہ ہونا چاہیے تھا لیکن کرکٹ پر توجہ دینے کے بجائے پسند و ناپسند پر سلیکشن ہورہی ہے۔
میرٹ پر ٹیم بن رہی ہے، عبدالرزاقسابق آل راؤنڈر عبدالرزاق نے اس کے برعکس ٹیم کی حمایت کی۔ ان کا کہنا تھا کہ میرٹ پر ٹیم بن رہی ہے اور پاکستان اچھی کارکردگی دکھائے گا۔ انہوں نے کہا کہ نوجوان کھلاڑیوں کو موقع دیا جانا خوش آئند ہے اور یہ پلیئر پاکستان کی نمائندگی کر کے ملک کا نام روشن کریں گے۔ عبدالرزاق کے مطابق جلد ہی پاکستان کو اچھے پاور ہٹرز میسر آئیں گے اور ٹیم کا جارحانہ کھیل دیکھ کر خوشی ہوتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان سرفراز احمد سہہ ملکی سیریز عبدالرزاق قومی ٹیم کامران اکمل.
ذریعہ
ذریعہ: WE News
کلیدی لفظ: پاکستان عبدالرزاق قومی ٹیم کامران اکمل سیریز اور ایشیا کپ ایشیا کپ کے لیے کا کہنا تھا کہ کامران اکمل ملکی سیریز چاہیے تھا قومی ٹیم ٹیم کا کہا کہ ہے اور
پڑھیں:
قومی انڈر-18 ٹیم نے ہاکی فائیو اے سائیڈ ورلڈ کپ کیلیے کوالیفائی کرلیا
پاکستان کی انڈر-18 ہاکی ٹیم نے شاندار کارکردگی کا مظاہرہ کرتے ہوئے مصر میں منعقد ہونے والے ہاکی فائیو اے سائیڈ ورلڈ کپ کے لیے باقاعدہ کوالیفائی کرلیا ہے۔
اس شاندار کامیابی کے ساتھ ہی پاکستان ٹیم نے ٹورنامنٹ کے فائنل میں بھی جگہ بنالی ہے جہاں اس کا مقابلہ 25 تاریخ کو روایتی حریف بھارت سے ہوگا۔
قومی جونیئر ٹیم نے پورے ایونٹ کے دوران بہترین ڈسپلن، جارحانہ کھیل اور بہترین حکمتِ عملی کا مظاہرہ کیا۔
پورے ایونٹ میں بہترین کارکردگی کا مظاہرہ کرتے ہوئے فائنل تک رسائی اور ورلڈکپ کا ٹکٹ حاصل کرنا پاکستان ہاکی کے روشن مستقبل کا واضح ثبوت ہے۔
پاکستان ہاکی فیڈریشن کے ترجمان نے کہا کہ پاکستان انڈر-18 ہاکی ٹیم کی یہ کامیابی قوم کے لیے ایک عظیم تحفہ ہے۔
انہوں نے مزید کہا کہ نوجوان کھلاڑیوں نے جس محنت اور جذبے کے ساتھ میدان میں گرین شرٹس کی نمائندگی کی ہے وہ قابلِ تحسین ہے۔ مصر ورلڈکپ کے لیے کوالیفائی کرنا ہماری جونیئر ہاکی ڈیویلپمنٹ پالیسی کی بڑی کامیابی ہے۔
ترجمان پی ایچ ایف نے قوم سے اپیل ہے کہ 25 تاریخ کو بھارت کے خلاف فائنل معرکے کے لیے ٹیم کے لیے خصوصی دعائیں کریں۔
پاکستان ہاکی فیڈریشن کے صدر محی الدین احمد وانی، ڈیویلپمنٹ کمیٹی، چیف سلیکٹر اور کوچنگ اسٹاف نے تمام کھلاڑیوں اور قوم کو اس اہم کامیابی پر مبارکباد پیش کی ہے اور امید ظاہر کی ہے کہ ٹیم فائنل بھی جیت کر ملک کا نام روشن کرے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع