باتھ روم میں موبائل فون استعمال کرنےسے بواسیر ہونے کا انکشاف
اشاعت کی تاریخ: 21st, September 2025 GMT
data-id="863a0a8" data-element_type="widget" data-widget_type="theme-post-content.default">
بوسٹن: امریکا میں کی جانے والی ایک منفرد اور مختصر تحقیق سے معلوم ہوا کہ رفع حاجت کے دوران باتھ روم میں موبائل استعمال کرنے سے بواسیر کا خطرہ دگنی حد تک بڑھ جاتا ہے۔
میڈیا ذرائع کی رپورٹ کے مطابق بواسیر صحت کا مسئلہ ہے جو مقعد کے قریب یا ریکٹم کی رگوں میں سوجن ہونے کے بعد ہوتا ہے، بعض کیسز میں بواسیر تکلیف دہ بھی ہوتا ہے۔مقعد اور ریکٹم کی رگیں اس وقت زیادہ دباؤ کا شکار ہوتی ہیں جب کوئی شخص ٹوائلٹ پر زیادہ دیر بیٹھتا ہے، قبض کی وجہ سے زور لگتا ہو یا پھر ایسی خوراک کھائی جائے جس میں فائبر کم ہو۔بواسیر کی دیگر وجوہات میں حمل، دائمی اسہال، یا زیاد دیر تک بیٹھنا، بیٹھ کر کام کرتے رہنے جیسے عوامل شامل ہیں۔
طبی ویب سائٹ کے مطابق امریکا کے شہر بوسٹن میں واقع میڈیکل سینٹر میں کی گئی تحقیق کے دوران 125 بالغ افراد شامل تھے جن کا کولونوسکوپی (آنتوں کا معائنہ) کیا گیا۔
تحقیق سے پتا چلا کہ جو لوگ ٹوائلٹ پر بیٹھ کر اپنا فون استعمال کرتے ہیں، ان میں بواسیر ہونے کا خطرہ ایسے افراد کے مقابلے 46 فیصد زیادہ ہوتا ہے جو باتھ روم میں موبائل فون استعمال نہیں کرتے۔تحقیق میں شامل تقریبا دو تہائی (یعنی 66 فیصد کے قریب) لوگوں نے بتایا کہ وہ ٹوائلٹ پر فون پر اسکرولنگ کرتے ہیں۔
مذکورہ افراد نے بتایا کہ وہ عام طور پر ایک بار ٹوائلٹ پر بیٹھنے میں 5 منٹ یا اس سے زیادہ وقت گزارتے رہے ہیں۔
ساتھ ہی تحقیق سے معلوم ہوا کہ فون کا زیادہ استعمال کرنے والے افراد کی روزمرہ کی دوسری زندگی میں جسمانی سرگرمی بھی کم تھی، وہ چہل قدمی اور ورزش سے دور تھے۔
ماہرین کے مطابق ہر وقت بیٹھے رہنا اور پھر باتھ روم میں بھی موبائل فون کے استعمال کی وجہ سے زیادہ دیرتک بیٹھنے سے مقعد اور ریکٹم کی رگوں میں سوجن پیدا ہوتی ہے، جس سے بواسیر کے خطرہ بڑھ جاتا ہے۔
ماہرین کا کہنا تھا کہ فون پراسکرولنگ کرنے سے لوگ بغیر سوچے باتھ روم میں بھی دیر تک بیٹھے رہتے ہیں اور جھک کر بیٹھنے کی پوزیشن میں رگوں کو زیادہ دباؤ آتا ہے۔
ماہرین کے مطابق دباؤ مقعد اور ریکٹم کی رگوں کو کمزور کرتا ہے، جس سے وہ سوج جاتی ہیں اور بواسیر بنتی ہے، جس سے رفع حاجت کے دوران بعض افراد کو شدید تکلیف کا سامنا کرنا پڑ سکتا ہے۔
.ذریعہ: Jasarat News
کلیدی لفظ: باتھ روم میں ٹوائلٹ پر کے مطابق ریکٹم کی
پڑھیں:
پاکستانیوں کاحساس ڈیٹا ڈارک ویب پر فروخت ہونے لگا:چیئرمین پی ٹی اے کاہوشربا انکشاف
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان ٹیلی کمیونیکیشن اتھارٹی کے چیئرمین میجر جنرل (ر) حفیظ الرحمٰن نے تصدیق کی ہے کہ پاکستانی شہریوں کا حساس ذاتی ڈیٹا ڈارک ویب پر فروخت ہو رہا ہے۔جبکہ یہ مسئلہ نیا نہیں بلکہ 2022 میں داخلی تحقیقات کے باوجود ڈیٹا لیکس کا سلسلہ جاری ہے اور اب وزارت داخلہ نے اس پر اپنی انکوائری شروع کر دی ہے۔ انہوں نے خبردار کیا کہ خطرہ حقیقی ہے اور روز بروز بڑھ رہا ہے۔
سینیٹر افنان اللہ نے سینیٹ کمیٹی میں سوال اٹھایا کہ مختلف اداروں سے چرا یاہوا ڈیٹا پیکج کی صورت میں بیچا جا رہا ہے، جو کئی ملین ڈالر کا غیر قانونی کاروبار بن چکا ہے۔
مزید حیران کن انکشاف اس وقت ہوا جب کمیٹی کی چیئرپرسن نے بتایا کہ انہیں ایک دھوکے باز نے بینک کی واجب الادا ادائیگی کے بارے میں فون کیا، جو معلومات صرف بینک کے پاس ہوتی ہیں۔ اگر یہ دھوکہ مجھ سے ہو سکتا ہے تو عام شہری کس طرح محفوظ رہ سکتا ہے۔
میجر جنرل (ر) حفیظ الرحمٰن نے سب سے بڑا انکشاف یہ بھی کیا کہ تقریباً ساڑھے تین لاکھ حج درخواست گزاروں کا ڈیٹا بھی آن لائن لیک ہو چکا ہے، جو ایک سنگین مسئلہ ہے اور فوری حکومتی اقدامات کی ضرورت ہے۔ اگرچہ گزشتہ دو برسوں میں ٹیلی کام ڈیٹا متاثر نہیں ہوا، لیکن پاکستان کو ایک قومی نظام فوری طور پر تشکیل دینا ہوگا تاکہ عوام کو ڈیجیٹل مجرموں سے بچایا جا سکے۔
اراکین سینیٹ نےشدید غم و غصے کا اظہار کرتے ہوئے حکومت کی جانب سے ڈیٹا پروٹیکشن قانون میں تاخیر پر شدید تنقید کی۔
کمیٹی کی چیئرپرسن نے وزارت آئی ٹی کو مکمل ناکام قرار دیا جبکہ سینیٹر منظور احمد نے وفاقی وزیر شزہ فاطمہ پر مسلسل اجلاسوں سے غیر حاضر رہنے پر کڑی تنقید کی۔
افنان اللہ نے تجویز دی کہ ایک جدید نیشنل ڈیٹا سینٹر قائم کیا جائے تاکہ شہریوں کا ڈیٹا محفوظ ہو،۔
سینیٹر پالوشہ خان نے سوال اٹھایا کہ کیا حال ہی میں قائم کیا گیا این سی سی آئی اے اس اہم ذمہ داری کو نبھا سکتا ہے یا نہیں۔
پی ٹی اے چیئرمین نے اپنی بریفنگ کا اختتام اس انتباہ کے ساتھ کیا کہ اگر پاکستان نے فوری اقدامات نہ کیے تو ڈیٹا چوری کے واقعات مزید بڑھیں گے اور اس سے نہ صرف عوام بلکہ ریاست بھی شدید خطرے میں پڑ جائے گی۔
ایران میں جوہری معائنہ کاروں کی واپسی مفاہمت کی جیت، رافائل گروسی