سیاسی بیانات پرپاکستان کاموقف تسلیم ،آئی سی سی کی بھارتی کپتان سوریا کمار یادیو کی سرزنش
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
ایشیاکپ 2025 میں پاک بھارت ٹاکرے کے بعد بھارتی کپتان کے سیاسی بیان پر پی سی بی کا موقف تسلیم کرلیا گیا، آئی سی سی نے سوریا کمار یادیو کی سرزنش کرتے ہوئے مستقبل میں سیاسی بیان نہ دینے کی ہدایت کردی۔
تفصیلات کے مطابق آئی سی سی حکام نے پاکستان کرکٹ بورڈ کی شکایت کے بعد سوریا کمار یادیو کی تمام گفتگو سنی اور اس نتیجے پر پہنچی کہ کوڈ آف کنڈکٹ کی خلاف ورزی ہوئی ہے۔
میچ ریفری اور آئی سی سی حکام نے سوریا کمار یادیو کو طلب کیا تھا، آج دبئی کے مقامی ہوٹل میں آئی سی سی نے معاملے کی سماعت کی جس میں پاکستان کا نکتہ سامنے رکھا گیا اور ان سے اپنے بیان پر وضاحت مانگی گئی۔
آئی سی سی نے بھارتی کپتان سوریا کمار یادیو کی سیاسی بیان دینے پر سرزنش کرتے ہوئے خبردار کیا کہ مستقبل میں ایسے بیانات دینے سے گریز کیا جائے۔
پی سی بی نے موقف اپنایا تھا کہ آئی سی سی باضابطہ کوئی ایکشن لے کیوں کہ کوڈ آف کنڈکٹ کی خلاف ورزی ہوئی ہے، جس طرح معین علی یا عثمان خواجہ کو فلسطین کے معاملے پر بات کرنے کی بالکل اجازت نہیں دی جاتی بلکہ ان کے خلاف ایکشن بھی لیا گیا ہے، اسی طرح بھارتی کپتان کے خلاف بھی ایکشن لیا جائے۔
خیال رہے کہ متحدہ عرب امارات میں ایشیا کپ کے دوران 14 ستمبر کو پاک بھارت میچ کے دوران بھارتی کپتان سوریا کمار یادیو نے پاکستانی کپتان اور کھلاڑیوں سے ہاتھ نہ ملاکر نہ صرف اسپورٹس مین اسپرٹ کی خلاف ورزی کی تھی بلکہ جیت کے بعد انہوں نے سیاسی بیانات بھی دیے تھے۔
پوسٹ میچ پریس کانفرنس کے دوران سوریا کمار یادیو نے پاکستان کے خلاف اپنی جیت کو پہلگام واقعے کے متاثرین کے اہل خانہ کے نام کیا تھا۔
ذریعہ: Jasarat News
کلیدی لفظ: سوریا کمار یادیو کی بھارتی کپتان
پڑھیں:
بھارتی گلوکار کمار سانو مشکل میں، سابق اہلیہ نے سنگین الزامات لگادیے
مشہور بالی ووڈ پلے بیک سنگر کمار سانو کی ذاتی زندگی اکثر خبروں میں رہتی ہے۔ حال ہی میں گلوکار کی سابقہ اہلیہ ریتا بھٹاچاریہ نے ایک انٹرویو میں انکشاف کیا کہ کمار سانو اور ان کے خاندان نے اُن کے ساتھ حمل کے دوران بدسلوکی کی۔
ریتا نے یہ بھی دعویٰ کیا کہ فلم عاشقی کی کامیابی کے بعد سانو کا رویہ اُن کے ساتھ مکمل طور پر بدل گیا تھا۔ کمار سانو بہت غیر محفوظ شخصیت کے مالک تھے اور انہیں گھر دے باہر جانے کی اجازت بھی نہیں دیتے تھے۔
یہ بھی پڑھیں: ویڈیو لیک: سلمان احمد نے راحت فتح علی خان کے علاوہ کتنے بالی وڈ سنگرز کو سنگین نتائج کی دھمکیاں دیں؟
انہوں نے مزید بتایا کہ کمار سانو کی بہن، جو اپنے شوہر اور بچوں کو چھوڑ کر ان کے گھر آ گئی تھیں وہ کمار سانو کے ساتھ ایک ہی کمرے میں سوتی تھی، جبکہ ریتا اپنے بچوں کے ساتھ دوسرے کمرے میں سوتی تھیں۔ ریتا نے دعویٰ کیا کہ دونوں (سانو اور اُن کی بہن) نے اُن کے ساتھ بدسلوکی کی۔
ریتا کے مطابق انہوں نے حمل کے دوران مجھے عدالت میں گھسیٹا۔ اُن دنوں ان کا ایک افیئر بھی چل رہا تھا، جو اب سامنے آیا ہے۔ اور وہ مجھے ہی عدالت لے گئے؟ میں اُس وقت بہت کم عمر تھی، مجھے ایسا لگا جیسے میری دنیا ہی تباہ ہو گئی ہو، اور میرا خاندان بھی بہت حیران تھا۔ ایک سال پہلے انہوں نے ایک بہت بڑی پارٹی رکھی تھی، اور وہاں کہا کہ میری وجہ سے وہ کامیاب ہوئے۔ میں وجہ آج تک نہیں جان سکی۔ وہ عدالت میں مجھ پر ہنستے تھے اور مذاق اُڑاتے تھے۔
یہ بھی پڑھیں: کیا کمار سانو نے عمران خان کی رہائی کے لیے گانا گایا؟
ریتا کا مزید دعویٰ تھا کہ جب وہ حاملہ تھیں تو اُنہیں کھانے کو بھی کچھ نہیں دیا جاتا تھا۔ انہوں نے کہا جب وہ گھر سے باہر جاتے تو کچن کی شیلف کو تالہ لگا دیتے تھے۔ میں نے تھوڑا سا چاول خریدا اور اپنی نند کے گھر کھچڑی بنا کر کھائی۔ وہ بچوں کے لیے دودھ تک بند کر دیتے تھے۔
کمار سانو کی سابق اہلیہ کا کہنا تھا کہ مجھے صرف روزانہ 100 روپے دیے جاتے تھے، اور بچوں کے ڈاکٹر سے کہہ دیا کہ پیسے نہیں دیں گے۔ انہوں نے کہا کہ ان لوگوں کو انسان کہنا بھی غلط ہوگا۔ جب میں بیبی فوڈ منگواتی تھی تو دکان دار کہتا تھا کہ نہیں دے سکتا، کیونکہ صاحب نے منع کیا ہے۔
یہ بھی پڑھیں: فیصل خان کا بالی ووڈ اسٹار عامر خان پر غیر ازدواجی تعلق اور ناجائز بچے کا الزام
واضح رہے کہ کمار سانو اور ریتا کی ملاقات کولکتہ میں ہوئی تھی اور دونوں نے محبت کی شادی کی، جو 1980 کی دہائی کے آخر میں والدین کی مرضی کے بغیر انجام پائی، اگرچہ بعد میں دونوں خاندانوں نے شادی کو قبول کر لیا تھا۔ اس جوڑے کے تین بچے ہوئے اور بعد ازاں 1994 میں طلاق ہو گئی۔
ریتا نے یہ بھی بتایا کہ کمار سانو کا تعلق اداکارہ کنیکا سدانندن سے اس وقت ہوا جب وہ شادی شدہ تھے۔ کنیکا نے بگ باس 19 میں اعتراف کیا کہ ان کا ایک شادی شدہ شخص کے ساتھ چھ سال تک رشتہ رہا۔ کنیکا کے بیٹے آیان لال نے اس تعلق کو ’شدید حد تک زہریلا‘ قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کمار سانو کمار سانو افیئر کمار سانو اہلیہ کمار سانو طلاق
پاکستان میں انٹر نٹ کی رفتار تیز ہونے کا امکان