لداخ کے سماجی رہنما سونم وانگچک کی گرفتاری افسوسناک ہے، عمر عبداللہ
اشاعت کی تاریخ: 27th, September 2025 GMT
لداخ میں ریاستی درجہ اور آئین ہند کی چھٹی شِق کے تحت خصوصی اختیارات کے مطالبات پر شروع ہونے والے مظاہروں کے دوران چار افراد ہلاک اور سو کے قریب عام شہری زخمی ہوئے۔ اسلام ٹائمز۔ جموں و کشمیر کے وزیراعلٰی عمر عبداللہ نے لداخ کے معروف ماحولیاتی کارکن سونم وانگچک کی گرفتاری کو "افسوسناک" قرار دیا ہے۔ پی ڈی پی سمیت کانگریس لیڈران نے بھی وانگچک کی گرفتاری کو غیر ضروری قرار دیتے ہوئے سخت مذمت کی ہے۔ عمر عبداللہ نے چین کی سرحد سے متصل لداخ کی صورتحال کو جموں و کشمیر سے جوڑتے ہوئے دعویٰ کیا کہ مودی حکومت کل سے ہی وانگچک کے تعاقب میں تھی اور یہ قدم متوقع تھا۔ کارکن سونم وانگچک جنہوں نے 14 روزہ بھوک ہڑتال کی قیادت کی تھی، کو جمعہ کی دوپہر نیشنل سکیورٹی ایکٹ (این ایس اے) کے تحت گرفتار کیا گیا۔
بدھ سے لداخ میں ریاستی درجہ اور آئین ہند کی چھٹی شِق کے تحت خصوصی اختیارات کے مطالبات پر شروع ہونے والے مظاہروں کے دوران چار افراد ہلاک اور سو کے قریب عام شہری زخمی ہوئے۔ حالات کشیدہ ہونے کے بعد کرفیو نافذ کر دیا گیا جبکہ تعلیمی اور تجارتی سرگرمیاں معطل ہیں۔ عمر عبداللہ نے مودی حکومت کو آڑے ہاتھوں لیتے ہوئے کہا کہ کچھ وعدے لداخی عوام سے بھی کئے گئے تھے، جیسے ہمارے ساتھ لیکن پھر مودی حکومت پیچھے ہٹ گئی۔ انہوں نے الزام عائد کیا کہ بھارتیہ جنتا پارٹی (بی جے پی) ریاستی درجے کو اپنی سیاسی طاقت کے ساتھ جوڑنے کی کوشش کر رہی ہے۔
ادھر پی ڈی پی کی لیڈر اور جموں و کشمیر سابق وزیراعلیٰ محبوبہ مفتی کی دختر التجا مفتی نے کہا کہ لداخی عوام نے 2019ء میں آئینی تبدیلیوں پر خوشی منائی مگر اب خود بی جے پی کے منصوبوں کا شکار ہوگئے۔ انہوں نے کہا کہ سونم وانگچک کو کبھی قوم پرست قرار دیا جاتا تھا لیکن آج وہ محض پُرامن جدوجہد پر گرفتار ہیں۔ کانگریس کے سینیئر رہنما غلام احمد میر نے سونم کی گرفتاری کو غیر ضروری قرار دیتے ہوئے کہا کہ وانگچک نے گاندھیائی طریقہ اپنایا، مگر عوامی مطالبات کے جواب میں طاقت کا استعمال نہیں ہونا چاہیئے تھا۔
ذریعہ
ذریعہ: Islam Times
کلیدی لفظ: عمر عبداللہ کی گرفتاری کہا کہ
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار