عمران خان کی غیرقانونی قید انسانی حقوق کی سنگین خلاف ورزی ہے، حلیم عادل شیخ
اشاعت کی تاریخ: 2nd, October 2025 GMT
کراچی (اُردو پوائنٹ اخبارتازہ ترین - این این آئی۔ 02 اکتوبر2025ء)پاکستان تحریک انصاف سندھ کے صدر حلیم عادل شیخ نے اپنے ایک بیان میں کہا ہے کہ چیئرمین پی ٹی آئی عمران خان 789 دن سے غیرقانونی قید میں ہیں جو انسانی حقوق کی بدترین خلاف ورزی ہے۔ انہوں نے کہا کہ جیل حکام عمران خان کو علاج اور اپنے وکلا سے ملاقات کے حق سے محروم رکھے ہوئے ہیں، حتی کہ انہیں دہشتگردوں سے بھی بدتر حالات میں رکھا گیا ہے۔
انہوں نے واضح کیا کہ عمران خان کے خلاف قائم جعلی مقدمات کو ہم یکسر مسترد کرتے ہیں اور مطالبہ کرتے ہیں کہ جیل ٹرائلز کا سلسلہ فوری ختم کیا جائے کیونکہ یہ آئین و قانون کی توہین ہے۔حلیم عادل شیخ نے کہا کہ کامن ویلتھ کی رپورٹ نے واضح کر دیا ہے کہ 8 فروری کے عام انتخابات دھاندلی زدہ تھے اور پی ٹی آئی کو انتخابی عمل سے غیرقانونی طور پر باہر رکھا گیا۔(جاری ہے)
اس رپورٹ کے بعد چیف الیکشن کمشنر کے پاس عہدے پر رہنے کا کوئی جواز نہیں، لہذا انہیں فوری برطرف کیا جائے۔ انہوں نے کہا کہ ن لیگ اور پیپلز پارٹی کی لڑائی محض ایک ڈرامہ ہے، دراصل دونوں جماعتیں کرپشن بچانے اور عوامی مینڈیٹ دبانے میں ایک ہیں لیکن عوام نے 8 فروری کو دونوں جماعتوں کو یکسر مسترد کر دیا۔ پی ٹی آئی عوامی مینڈیٹ کی چوری کو ہمیشہ بے نقاب کرتی رہے گی۔صدر پی ٹی آئی سندھ نے فلسطین کے حوالے سے کہا کہ غزہ امن منصوبہ فلسطینی عوام کے ساتھ غداری کے مترادف ہے۔ پاکستانی عوام کبھی اسرائیل کو تسلیم نہیں کرے گی کیونکہ فلسطینی ریاست کا قیام پاکستان کا اصولی اور تاریخی موقف ہے۔ انہوں نے کہا کہ موجودہ حکومت نے عالمی طاقتوں کو خوش کرنے کے لیے قومی پالیسی قربان کر دی ہے جو قومی مفادات کے خلاف ہے۔آزاد کشمیر کی صورتحال پر بات کرتے ہوئے حلیم عادل شیخ نے کہا کہ کشمیری عوام کے مطالبات بالکل جائز ہیں اور انہیں فوری تسلیم کیا جانا چاہیے۔ کشمیری عوام پر کریک ڈان اور میڈیا بلیک آٹ شرمناک عمل ہے۔ عوام کے بنیادی حقوق دبانے سے مسئلہ حل نہیں ہوگا بلکہ مزید سنگین صورت اختیار کرے گا۔پیٹرولیم مصنوعات کی قیمتوں میں اضافے پر شدید ردعمل دیتے ہوئے حلیم عادل شیخ نے کہا کہ عالمی منڈی میں تیل کی قیمتیں مسلسل کم ہو رہی ہیں مگر حکومت عوام پر اضافی بوجھ ڈال رہی ہے۔ پٹرولیم قیمتوں میں اضافہ دراصل غریب دشمن فیصلہ ہے جسے فوری واپس لیا جائے اور عوام کو حقیقی ریلیف دیا جائے۔.ذریعہ: UrduPoint
کلیدی لفظ: تلاش کیجئے حلیم عادل شیخ نے نے کہا کہ پی ٹی آئی انہوں نے
پڑھیں:
گلشن معمار میں پانی کے بحران کو فوری ختم کیا جائے‘ابوالضیاپرویز
data-id="863a0a8" data-element_type="widget" data-widget_type="theme-post-content.default">
251118-02-11
کراچی(پ ر) جماعت اسلامی ضلع گڈاپ پبلک ایڈ کمیٹی کے صدر ابو الضیا پرویز نے کہا ہے کہ ” پانی انسانی زندگی کی سب سے اہم ضرورت ہے، جسکے بغیر زندگی کا تصور محال ہے، پینے کھانا بنانے صفائی اور طہارت کے لیے پانی ضروری ہے لیکن گزشتہ چند ماہ سے گلشن معمارکے مختلف سیکٹرز میں پانی کی عدم فراہمی اور کم مقدار میں فراہمی کی وجہ سے اہلیان معمار کو انتہائی مشکلات اور پریشانیوں کا سامنا کرنا پڑ رہا ہے ان خیالات کا اظہار جماعت اسلامی ضلع گڈاپ کے صدر پبلک ایڈ کمیٹی ابو الضیاپرویز نے اہلیان گلشن معمار کو پانی کی عدم فراہمی کی شکایات پر فوری نوٹس لیتے ہوئے کیا۔ انہوں نے کہاکہ ہفتے میں دو سے تین مرتبہ مہنگے داموں ٹینکر کا ناقص پانی خریدنا ہر کسی کے بس کی بات نہیں، اگر کہیں بورنگ ہے تو بورنگ کا پانی کھارا ہے اور پینے کے لائق نہیں پینے کے پانی تو ہو بھی کافی عرصے سے لوگ خرید کر پینے پر مجبور ہیں بورنگ کے پانی کو پینے کے علاوہ دیگر ضرورتوں کے لیے حاصل کرنیکے لیے بجلی خرچ ہوتی ہے اس لیے یہ پانی حاصل کرنے میں بھی مشکلات کا سامنا ہے، ایک مخصوص سیاسی پارٹی کی جانب سے گلشن معمار کے مکینوں کو پانی کی فراہمی میں رکاوٹ ڈالی جارہی ہے جسکا مقصد گلشن معمار کی انتظامیہ کو اپنے قبضے اور قابو میں رکھ اپنیمفادات حاصل کرنا ہے۔ ہماری واٹر اینڈ سیوریج بورڈ اور صوبائی و شہری سطح پر فراہمی آب کے زمہ داران سے اپیل ہے کہ گلشن معمار میں پانی کے بحران کے مسئلے کو فورطور پر حل کیا جائے اور گلشن معمار کے تمام سیکٹرز میں پانی کی فراہمی کے سلسلے کو بہتر بنایا جائے۔ تاکہ اہلیان گلشن معمار کا مسئلہ حل ہو جائے۔ عوام کے مسائل حل کرنا واٹر بورڈ شہری و صوبائی حکومت کا فرض ہے۔
سونے کی قیمت میں آج کمی ریکارڈ، فی تولہ کتنے کا ہوگیا؟