4 گھنٹے اجلاس، بڑے محکموں پر بریفنگ، پنجاب کے ہر گھر میں بوتل بند پانی مہیا کرنے کا فیصلہ، الیکٹرو بس نے مقبولیت کے ریکارڈ بنا لئے: مریم نواز
اشاعت کی تاریخ: 5th, October 2025 GMT
لاہور (نوائے وقت رپورٹ+ نیوز رپورٹر) وزیراعلیٰ مریم نواز شریف کی زیرصدارت 4 گھٹنے طویل جائزہ اجلاس ہوا۔ وزیراعلیٰ نے8 بڑے محکموں سے تفصیلی بریفنگ لی، دور دراز علاقوں سے پانی لانے کی مشقت سے نجات کیلئے گھر گھر بوتل بند پانی مہیا کرنے کا فیصلہ کیا گیا۔ وزیراعلی مریم نواز شریف نے اجلاس کے دوران سیلاب متاثرہ علاقوں میں ہیلتھ ڈیپارٹمنٹ کی کارکردگی پر شاباش دی۔ اجلاس میں بتایاگیا کہ سیلاب کے دوران متاثرہ علاقوں میں ساڑھے 11لاکھ افراد کا علاج معالجہ کیا گیا۔ سیلاب متاثرہ علاقوں میں 174 افراد کو سانپ کاٹ گئے۔ فلڈ ریلیف کیمپوں میں موجود سانپ کے کاٹنے کی ویکسین لگانے سے تمام جانیں بچ گئیں۔ پنجاب نے سروائیکل کینسر ویکسی نیشن میں ریکارڈ قائم کر کے دوسرے صوبوں پر سبقت لے لی۔ 65لاکھ بچیوں کی سروائیکل کینسر ویکسی نیشن مکمل ہونے پر وزیراعلیٰ مریم نواز شریف نے اظہار اطمینان کیا۔ وزیراعلیٰ مریم نواز شریف نے کیتھ لیب پراجیکٹ کی تکمیل جلد از جلد یقینی بنانے کی ہدایت کی سپیشل افراد کے گھروں تک پہنچنے اور مدد کا طریق کار وضع کرنے کا حکم دیا اور صوبہ بھر میں سپیشل افراد کا ڈیٹا مکمل کرنے کے لئے محکموں کو اشتراک کار سپیشل ایجوکیشن ڈیپارٹمنٹ کو تعلیم کے ساتھ ساتھ خصوصی افراد کی فلاح و بہبود کا پراجیکٹ مرتب کرنے کی ہدایت بھی کی۔ دسمبر تک پنجاب کے مختلف شہروں میں 1115 الیکٹرو بسیں فنکشنل کرنے کا حکم دیا ہے اور ڈپٹی کمشنرز کو الیکٹرو بس چارجنگ سٹیشن قائم کرنے کے لئے اقدامات کی ہدایت کی۔ پنجاب بھر کے لئے الیکٹرو بس سٹاپ کے یونیفارم ڈیزائن کی منظوری دے دی۔ وزیراعلیٰ نے کہاکہ الیکٹرو بس نے قلیل مدت میں عوامی مقبولیت کے ریکارڈ قائم کر دئیے۔ ایس آر ٹی پراجیکٹ جلد از جلد شروع کرنے کی ہدایت کی۔ وزیراعلیٰ مریم نواز شریف نے مختلف اضلاع میں الیکٹرو بس پروگرام کے لانچنگ شیڈول کی منظوری دے دی۔ بریفنگ کے دوران بتایا گیا کہ چند ماہ میں 19شہروں میں واسا قائم کرنے کا نیا ریکارڈ بنایا ہے۔ ڈیڑھ سال قبل صرف 5 شہروں میں واسا کام کر رہا تھا۔ وزیراعلیٰ نے صوبہ بھر میں واٹر فلٹریشن پلانٹ پراجیکٹس کی ٹائم لائن طلب کر لی ہے۔ واٹر فلٹریشن پلانٹس بھی ڈپٹی کمشنرز کے پی آئی میں شامل کرنے کا فیصلہ کیا گیا۔ وزیراعلیٰ نے کہاکہ دفاتر میں ہر چیز اچھی لگتی ہے، فیلڈ میں جا کر حقائق کا اندازہ ہوتا ہے۔ پنجاب ڈویلپمنٹ پروگرام کے تحت 15شہروں میں کام مون سون سے پہلے مکمل کرنے کی ہدایت کی۔ مریم نواز شریف نے لاہور میں پی ایچ اے کے اقدامات پر اطمینان کا اظہار کیا گیا۔ پی ایچ اے کو بانس کے جنگل لگانے کی ہدایت کی۔ پنجاب کے مختلف شہروں میں پی ایچ اے کو مزید فعال کرنے کی ہدایت کی مریم نواز نے 472 دیہات میں مثالی گاؤں پراجیکٹ کے لئے اکتو بر کی ڈیڈ لائن مقرر کر دی۔ وزیراعلیٰ مریم نوازشریف نے اس امر پر اطمینان کا اظہار کیاکہ مثالی گاؤں پراجیکٹ میں جنوبی پنجاب کے سب سے زیادہ دیہات شامل ہیں۔ مریم نوازشریف نے کہاکہ پلیسر گولڈ سے حاصل ہونے والا منافع پنجاب کے عوام کو ملنا چاہیے۔ پنک سالٹ کے پرانے کنٹریکٹ منسوخ اور ری آکشن سے ریونیو میں 5 گنا اضافہ ہو گا۔ امریکہ، یورپ، متحدہ عرب امارات میں پنک سالٹ کی مارکیٹنگ کا فیصلہ کیا گیا۔ چنیوٹ آئرن اور رکی ابتدائی سٹڈی مکمل ہوگئی ہے۔ 4 ماہ میں ٹیسٹ مکمل کر کے آغاز کر دیا جائے گا۔ میانوالی میں پلیسر گولڈکی چوری روکنے کے لئے چھاپے مارے گئے اور دفعہ 144 نافذ کر دی گئی۔ علاوہ ازیں مریم نواز نے پاکپتن میں 7- افراد کو آوارہ کتوں کے کاٹنے کے واقعات کا نوٹس لے لیا ہے۔ مریم نواز نے خضدار میں فتنہ الہندوستان کے خلاف کامیاب آپریشن پر اظہار تشکر کیا ہے۔ وزیراعلیٰ مریم نواز شریف نے فتنہ الہندوستان کے 14 سے زائد دہشت گرد ہلاک اور 20 سے زائد دہشت گرد زخمی کرنے پرسکیورٹی فورسز کو خراج تحسین پیش کیاہے۔ ادھر پنجاب میں پہلی بار دنیا کے سب سے بڑے پرندے شترمرغ کی افزائش نسل کا آغاز کردیاگیا-لاہور سفاری پارک میں شترمرغ کی افزائش نسل کا جدید مرکزبنانے کا کام شروع کر دیا گیاہے۔ شتر مرغ کی نسل بڑھانے کے لئے انڈوں کی ہیچری میں افزائش نسل کا آغاز کر دیاگیا ہے۔ شترمرغ کے انڈوں کو الیکٹرک بس کے ذریعے ہیچری میں پہنچایا جاتا ہے ۔ سفاری پارک میں اس آزمائشی منصوبے کے بعد پنجاب شتر مرغ کی پیداوار میں خودکفیل ہو جائے گا ۔ وزیر اعلیٰ نے راولپنڈی کے شہریوں کے لئے ایکس پر خوشیاں بھرے میسج میں کہاکہ شہر کی سب سے بڑی اور تاریخی سڑک مری روڈ کی ری ویمپنگ اور اپ گریڈیشن مکمل ہو گئی ہے۔ مری روڈ کی بیوٹیفکیشن محض پراجیکٹ نہیں بلکہ یہ راولپنڈی کے شہریوں کی جمالیاتی حس کی تکمیل کی جانب اہم قدم ہے ،پنجاب کے ہر شہر کے باسی کو جسم وروح کی ترو تازگی حاصل کرنے کا پورا حق حاصل ہے۔
.
ذریعہ
ذریعہ: Nawaiwaqt
کلیدی لفظ: مریم نواز شریف نے کرنے کی ہدایت کی ہدایت کی الیکٹرو بس کا فیصلہ پنجاب کے کیا گیا کرنے کا کے لئے
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ